लॉगिन

मुख्यपृष्ठ / पाककृती / व्हेज तांबडा रस्सा

Photo of Veg.Tambada Rassa by Ajinkya Shende at BetterButter
2144
5
0.0(0)
1

व्हेज तांबडा रस्सा

May-20-2018
Ajinkya Shende
15 मिनिटे
तयारीची वेळ
20 मिनिटे
कूक वेळ
2 लोक
सर्व्ह करावे
सूचना वाचा नंतरसाठी सेव करा

व्हेज तांबडा रस्सा कृती बद्दल

तांबडा रस्सा हा महाराष्ट्रातील कोल्हापूर जिल्ह्याची शान वाढवणारा पदार्थ आहे,पण शक्यतो तांबडा रस्सा हा मांसाहारामध्ये मोडतो..म्हणून खास शकाहारींसाठी हा व्हेज तांबडा रस्सा...

रेसपी टैग

  • व्हेज
  • सोपी
  • एव्हरी डे
  • महाराष्ट्र
  • मेन डिश

साहित्य सर्विंग: 2

  1. १ बारीक कापलेला लहान कांदा
  2. ३ चमचे कीसलेलं सुकं खोबरं
  3. अर्धा इंच आल्याचा तुकडा
  4. ५-६ लसूण पाकळ्या
  5. खडा मसाला(१ मसाला वेलची,२ हिरव्या वेलची, छोटा दालचिनीचा तुकडा,३-४ काळी मिरी,३-४ लवंगा)
  6. एका लहान कांद्याच्या मोठ्या चौकोनी आकारात कापलेल्या फोडी
  7. एका लहान बटाट्याच्या मध्यम चौकोनी आकारात कापलेल्या फोडी
  8. एका लहान टोमॅटोच्या मोठ्या चौकोनी आकारात कापलेल्या फोडी
  9. सिमला मिरचीच्या मोठ्या चौकोनी आकारात कापलेल्या ५-६ फोडी
  10. फ्लॉवर चे ५-६ मोठे तुकडे
  11. पाव वाटी ताजे हिरवे वाटणे
  12. पाव वाटी हव्या त्या आकारात कापलेली फरसबी
  13. बारीक कापलेली ५-६ कढीपत्त्याची पानं
  14. पाव वाटी तेल
  15. अर्धा चमचा जीरं
  16. पाव चमचा साखर
  17. २ चमचे कांदा-लसूण मसाला
  18. १ चमचा काश्मिरी लाल मिरची पावडर
  19. अर्धा चमचा धणा जीरा पावडर
  20. पाव चमचा हळद
  21. चवीप्रमाणे मीठ
  22. बारीक कापलेली कोथिंबीर

सूचना

  1. प्रथम सुकं खोबरं व सर्व खडा मसाला थोडा भाजून ५ मिनिट गरम पाण्यात भिजवून ठेवावा.
  2. नंतर बारीक कापलेला कांदा,लसूण,आलं व पाण्यात भिजवलेलं सुकं खोबरं व खडा मसाला ह्याची मिक्सर मध्ये स्मूथ मसाला पेस्ट बनवून घ्यावी.
  3. नंतर एका पॅन मध्ये साधारण दीड ग्लास पाणी टाकून पाणी उकळल्यावर त्यात बटाटा,वाटाणे,फरसबी,फ्लॉवर,किसलेलं आलं आणि बारीक कापलेला कढीपत्ता टाकून हे पाणी साधारण १० मिनिट उकळवून घ्यावं.
  4. तोपर्यंत एका कढईत पाव वाटी तेल टाकून तेल तापल्यावर त्यात जीरं,साखर व कांदा, टोमॅटो,सिमला मिरची टाकून थोडं परतवून घ्यावे.
  5. नंतर त्यात मसाला पेस्ट टाकून साधारण २-३ मिनिट परतवून त्यात सर्व मसाले टाकून ही पेस्ट तेल सुटेपर्यंत परतवून घ्यावी.
  6. नंतर त्यात उकळत ठेवलेल्या भाज्या पाण्यासकट टाकाव्या व त्यात आवश्यकतेनुसार मीठ,कोथिंबीर टाकून रस्सा साधारण ८-१० मिनिट उकळवून घेणे.
  7. तयार रस्सा सर्विंग प्लेट मध्ये काढून वरून कोथिंबीर टाकून गार्निश करून घेणे व ज्वारी किंवा बाजरीच्या भाकरीसोबत सर्व करणे.

रिव्यूज (0)  

आपण या रेसिपीला कसे रेटिंग द्याल? कृपया आपले रिव्यू सबमिट करण्यापूर्वी एक स्टार रेटिंग प्रविष्ट करा.

रिव्यु सबमिट करा

तत्सम पाककृती

कोल्हापूरी तांबडा रस्सा
Archana Lokhande
  • 1015
  • 6

कोल्हापुरी तांबडा रस्सा:
Poonam Nikam
  • 1236
  • 5

तामड़ा रस्सा
Garagi More
  • 1013
  • 1

रस्सा वांगी
Bhaskar Date
  • 893
  • 2

Chicken rassa
deepali oak
  • 1478
  • 4

मासवडी रस्सा
Chayya Bari
  • 1280
  • 6
A password link has been sent to your mail. Please check your mail.
Close
शेर