கோதுமை பீட்ரூட்- முட்டை மோமோஸ்

மேல் மாவு செய்ய: சிறிது பீட்ரூட்டை மிக்ஸியில் தண்ணீர் சேர்த்து அரைத்து, வடிகட்டி, லேசாக கொதிக்க வைக்கவும். இது தான் பீட்ரூட் ஜூஸ். இதில் 1/4 கப் எடுத்து, கோதுமை மாவு, உப்பு சேர்த்து சிறிது சிறிதாக சப்பாத்தி மாவு பதத்திற்கு பிசையவும். இதை 15 நிமிடங்கள் மூடி வைக்கவும். மேல் மாவு தயார்.

ஸ்டப்பிங் செய்ய: வாணலியில் எண்ணெய் ஊற்றி, பொடியாக நறுக்கிய வெங்காயம், இஞ்சி பூண்டு விழுது, பொடியாக நறுக்கிய கேப்ஸிகம், எல்லாவற்றையும் ஒன்றன் பின் ஒன்றாக சேர்த்து லேசாக வதக்கவும். சுருள வதக்க தேவையில்லை.

தேவையான உப்பு சேர்த்து, முட்டைகளை உடைத்து ஊற்றி, விடாமல் கிளறவும்.

மிளகு தூள், கரம் மசாலா சேர்த்து வதக்கி, முட்டை மசாலாவுடன் நன்றாக சேர்ந்ததும் அடுப்பை அணைத்து விடவும். ஸ்டப்பிங் தயார்.

மோமோஸ் செய்ய: மேல்மாவில் இருந்து சப்பாத்திக்கு செய்வது போல் உருண்டை உருட்டி சப்பாத்தி போல் இடவும் . நடுவில் 1 டேபிள் ஸ்பூன் ஸ்டப்பிங் வைக்கவும்.

சப்பாத்தியின் ஓரங்கள் முழுக்க தண்ணீர் தொட்டு தடவவும். பின்னர் புடவை கொசுவம் மடிப்பது மாதிரி மடித்து, நடுவில் ஒன்று சேரும் மாவை லேசாக அழுத்தவும்.

இது மாதிரி எல்லா உருண்டைகளையும் செய்த பின்னர், இட்லி தட்டில் வைத்து ஆவியில் 10 நிமிடங்கள் வேக வைக்கவும்.

சுவையான, ஆரோக்கியமான முட்டை மோமோஸ் தயார். இது குழந்தைகளுக்கு மாலை நேர சிற்றுண்டியாக கொடுக்க ஏற்றது.