செட்டிநாடு சிக்கன் பிரியாணி

கழுவப்பட்டச் சிக்கனை எடுத்து 2 தேக்கரண்டி தயிர், 1 தேக்கரண்டி மிளகாய்த் தூள், 1 தேக்கரண்டி மல்லித்தூள், 2 தேக்கரண்டி சிக்கன் பிரியாணி மசாலா, 1 தேக்கரண்டி இஞ்சி பூண்டு விழுது. குறைந்தபட்சம் 1 மணி நேரம் மேரினேட் செய்யவும்.

அரிசியை 30 நிமிடங்கள் ஊறவைத்து தண்ணீரை வடிக்கட்டி எடுத்து வைக்கவும்.

2 தேக்கரணடி எண்ணெயை ஒடு கடாயில் எடுத்துச் சூடுபடுத்தி பச்சை மிளகாய், தேங்காய், 1/2 தேக்கரண்டி மஞ்சள் தூள் போட்டு 1 கப் தண்ணீர் எடுத்து வறுத்து அரைத்துக்கொள்ளவும்.

ஒரு பாத்திரத்தை எடுத்து சூடுபடுத்தி, 6 தேக்கரண்டி எண்ணெய், 2 தேக்கரண்டி நெய் சேர்த்து கிராம்பு, பிரிஞ்சி இலை, ஏலக்காய், இலவங்கப்பட்டை மீதமுள்ள இஞ்சிப் பூண்டு விழுது மற்றும் நறுக்கப்பட்ட வெங்காயத்தைச் சேர்க்கவும்.

பொன்னிறமாகும்வரை வறுத்து, 1 தேக்கரண்டி மிளகாய்த் தூள், 2 தேக்கரண்டி உப்பு சுவைக்காகச் சேர்க்கவும். 2 மல்லித்தூள், 1/2 தேக்கரண்டி மஞ்சள் தூள், 1 தேக்கரண்டி பிரியாணி மசாலா ஆகியவற்றைச்சேர்த்து நன்றாகக் கலந்து வறுத்துக்கொள்ளவும். தக்காளி, புதினா, கொத்துமல்லி சேர்த்துக் கலந்து வறுத்துக்கொள்ளவும்.

இப்போது அரைத்தச் சாந்தைச் சேர்த்து மசாலாவில் இருந்து எண்ணெய் பிரியும்வரை வறுத்து, சிக்கன் துண்டுகளைச்சேர்த்து கலந்து 5 மற்றும் 1/2 கப் வெந்நீரைச் சேர்த்து மிதமானச் சூட்டில் 10 நிமிடங்கள் வேகவைக்கவும்.

ஊறவைத்த அரிசியைச் சேர்த்து மூடியிட்டு 90% வெந்ததும், கொத்துமல்லி, புதினா இலைகளையும் 1 தேக்கரண்டி நெய்யையும் சேர்க்கவும். தோசைக் கல்லில் பாத்திரத்தை வைத்து மூடி தம்மில் 15 நிமிடங்களுக்குச் சிறுதீயில் வேகவைக்கவும்.

இந்த பிரியாணியை உங்களுக்குப் பிடித்த பக்க உணவுகளோடு பரிமாறவும்.