Name: Thotakura punugulu. recipe by Lakshmi Leelavathi in Telugu at BetterButter
Prep time: 10 min
Cook time: 20 min
Total time: 30 min
Yield: 5
Ingredients: ఇడ్లిపిండి 1 కప్పు; బియ్యంపిండి 1/4 కప్పు; తోటకూర 1/4 కట్ట; పచ్చిమిర్చి 4; కొత్తిమీర కొంచెం; ఉల్లిపాయలు 3(పెద్దవి); ఉప్పు తగినంత; నూనె వేయించడానికి సరిపడా; కరివేపాకు 2రెమ్మలు

తోటకూర పునుగులు. రెసిపీ గురించి

తోటకూర ఆరోగ్యానికి ఎంతో మేలు చేస్తుంది ఇందులో ప్రోటీన్లు , సోడియం ,మినరల్స్ మరియు విటమిన్ A వంటివి మెండుగా లభిస్తాయి. ఈ ఆకుని ఉపయోగించి పాలకూర లాగ ఎన్నో రకాలు వండుకోవచ్చు.తోటకూర లో , పాలకూర మరియు బచ్చలి తో పోలిస్తే నీటి శాతం తక్కువగా ఉంటుంది కిబట్టి వడలు, పునుగులు, బజ్జీలు లాంటివి చేసుకోవటం తేలికవవుతుంది . తోటకూర పునుగులు తక్కువ సమయంలో మిగిలిన ఇడ్లి పిండి వాడి చేసుకునే రుచికరమైన వంట. సాయంత్రం తీసుకునే అల్పాహారిణికి ఇది ఎంతో బాగుంటుంది . కేవలం ఒక కప్పు ఛాయ్ ఉంటే చాలు ఆహా ఏమి రుచి అని అనక మానరు.

కావలసినవి సర్వింగ: 5

ఇడ్లిపిండి 1 కప్పు
బియ్యంపిండి 1/4 కప్పు
తోటకూర 1/4 కట్ట
పచ్చిమిర్చి 4
కొత్తిమీర కొంచెం
ఉల్లిపాయలు 3(పెద్దవి)
ఉప్పు తగినంత
నూనె వేయించడానికి సరిపడా
కరివేపాకు 2రెమ్మలు

సూచనలు

ముందుగా ఒక కప్పు ఇడ్లి పిండిని తీసుకోవాలి. తర్వాత దానిలో 1/4 కప్పు బియ్యంపిండి కలుపుకోవాలి.
ఇందులోతరిగిన తోటకూర వేసి కలుపుకోవాలి
తర్వాత పచ్చిమిర్చి ముక్కలు, ఉల్లిపాయ ముక్కలు, కరివేపాకు, కొత్తిమీర, రుచికి సరిపడా ఉప్పు,కలుపుకోవాలి.
అన్ని బాగా కలిసేలా కలుపుకోవాలి. తర్వాత పొయ్యి మీద కడై పెట్టి వేడి అయ్యిన తర్వాత వేయించడానికి సరిపడా నూనె పోసుకోవాలి.
నూనె కాగిన తర్వాత పిండిని కొంచెం కొంచెం గా చేతిలో తీసుకొని నూనెలో వేసుకొని బంగారు రంగు వచ్చేదాకా వేయించుకొని బయటకు తీసేయాలి.
అంతే ఎంతో రుచిగా ఉండే తోటకూర పునుగులు రెడీ. మీరు చేసుకొని ఆనందించండి .

వంట ప్రారంభిద్దాం