ஒவ்வொரு நிலைமைக்கும் ஏற்ற சரியான தேநீர்

ஒரு சரியான, சூடான தேநீரால் சரி படுத்த முடியாதது எதுவும் இல்லை! எப்பொழுதும் அருந்தும் சாதாராண தேநீரை விட, மூலிகை தேநீர் வகைகள் பிரசித்தி பெற்று வரும் நேரம் இது!

இன்று பெட்டர் பட்டர் உங்களின் தலைவலி, தொண்டை வலி போன்ற பிரச்னைகளுக்கு நிவாரணம் அளிக்கும் 6 வகையான மூலிகை தேநீர் பற்றி கூறுகிறது:

1.எலுமிச்சை தேநீர்

தொண்டை புண் மற்றும் வலியிலிருந்து விடுதலைப் பெற எலுமிச்சை தேநீர் அருந்தவும். தேன் மற்றும் எலுமிச்சை சாறை வெந்நீரில் கலந்து சிறிது நேரம் கழித்து அருந்தவும். உங்கள் தொண்டைக்கு இதமளிக்கும் இந்த தேநீரில் உள்ள எலுமிச்சையின் வைட்டமின் C தொண்டை வலியிலிருந்து நிவாரணம் அளித்து புண்ணை குணமாக்கும்.

2.தைம் தேநீர் (நீர்பிராமி)

இத்தாலிய சமையலில் உபயோகப்படுத்தப்படும் ஒரு நறுமண மூலிகை இலை இந்த தைம். இது நறுமணத்தை தருவதோடு மட்டுமல்லாமல் மனதை மயக்கும் நறுமணம், பசியை தூண்டும் வாசனை அளிக்கிறது. மேலும் அதில் உள்ள ஃபிளாவனாய்டுகள் தொண்டை மற்றும் சிறுகுடல் குழாய்களை தளர்த்தி இருமலை சரி செய்கிறது. 2 – 3 தேக்கரண்டி உலர்ந்த தைம் எடுத்து சூடான நீரில் போடவும். சிறிது நேரம் கழித்து அருந்தவும்.

3.இலவங்கப்பட்டை தேநீர்

இலவங்கப்பட்டை குளிர்காலங்களில் பொதுவாக பயன்படுத்தப்படும் ஒரு பிரபலமான நறுமணப் பொருள் ஆகும். ஒரு கப் கொதிக்கும் நீரில் சிறிது இலவங்கப்பட்டை சேர்த்தால் தேநீர் ரெடி. நீங்கள் தினமும் அருந்தும் மசாலா தேநீரில் மற்ற பொருள்களுடன் இலவங்கப்பட்டையும் சேர்த்து அருந்தலாம். இலவங்கப்பட்டையில் இரும்பு சத்து, மாங்கனீஸ், கால்ஷியம் மற்றும் நார்ச்சத்து அதிகம் உள்ளது. இவை அனைத்தும் இதில் உள்ளதால் இந்த தேநீர் தலைவலி மற்றும் வேறு சில பிரச்சினைகளுக்கும் தீர்வாக அமைகிறது.

4.கெமோமில் தேநீர்

இந்த தேநீர்  உலர்ந்த கெமோமில் மலர்களிலிருந்து தயாரிக்கப்படுகிறது. கொதித்த சூடான நீரில் இம்மலர்களை 5 – 10 நிமிடங்கள் போட்டு வைக்கவும். (திடமான தேநீர் தேவையென்றால், அதிக நேரம் பொட்டு வைக்கலாம்). அவற்றை வடிக்கட்டிய பிறகு தேநீர் அருந்தலாம். இம்மலரில் வலி நிவாரண, எதிர்ப்பு அழற்சி மற்றும் குடல் வலியை நீக்கும் தன்மைகள் உள்ளன. அவை அனைத்தும் வயிற்று வலி, உப்பிசம், வீக்கம், வாயு, அஜீரணம் போன்ற வயிறு சம்பந்தப்பட்ட பிரச்னைகளுக்கு மருந்தாக அமைகிறது.

5.பெப்பர் மின்ட் தேநீர்

உடல் சோர்வுக்கு தீர்வாக காஃபின் உடைய  பானங்களை அருந்துவதை  தவிர்த்து புத்துணர்ச்சி தரும் பெப்பர் மின்ட் தேநீர் அருந்துவது நல்லது. புதினா இலைகளை கொதிக்கும் நீரில் சேர்க்கவும். சிறிது நேரம் கழித்து வடிகட்டி தேநீர் அருந்தவும். இது உங்களுக்கு புத்துணர்ச்சி அளிக்கும். உங்கள் உடல் ஆற்றலை அதிகரித்து, பகல் நேரத்தில் உண்டாகும் களைப்பை நீக்கும். உடலின் ஆற்றல் அளவை அதிகரிக்கும் சக்தி பெப்பர் மின்ட்டுக்கு இருப்பதாக ஆராய்ச்சிகள் கூறுகின்றன.

6.சிமிக்கி பூ தேநீர் ( Passion Flower Tea)

உங்கள் உடல் மற்றும் மனதில் உள்ள அழுத்தத்தை தளர்த்தும் இந்த மூலிகை தேநீர். உடல் மற்றும் மனதை தளர்த்துவதால், இயற்கையாக  தூக்கம் வரும். நீங்கள் தூக்கமின்மையால் அவதிப்படுபவராய் இருந்தால், இந்த மூலிகை தேநீரை அருந்தலாம். இந்த மலரில் அதிகமாக ஃபிளாவனாய்டுகள் மற்றும் தாவர ஊட்டச்சத்துக்கள் இருகின்றன. அவை நியூரோ ட்ரான்ஸ்மிட்டர் அளவுடன் செயலாற்றி இடையூறு இல்லாத தூக்கத்தை அளிக்கிறது.

இந்த இயற்கையான வலி நிவாரணிகள் பற்றி உங்களுக்கு தெரியுமா?

இயற்கை தன் ஆற்றலாலேயே தான் இயங்க வல்லது. தன்னையும், மனித இனத்தையும் இயக்கக் கூடிய சக்தி கொண்டது இயற்கை. இயற்கையின் பரிசான செடிகள், மரங்கள், மூலிகைகள், பழங்கள் மற்றும் காய்கறிகள் மனித இனத்திற்கு பெரும் நன்மைகளை அளிக்க கூடியது. இன்று நாங்கள் உங்களுக்கு 10 இயற்கையான வலி நிவாரணிகள் பற்றி கூறுகிறோம்:

1.மூட்டு வலி

செர்ரிகளில் அந்தொசியனின் உள்ளது. அவைதான் செர்ரிகளுக்கு சிவப்பு நிறத்தை அளிக்கின்றன. செர்ரி பழங்களில் உள்ள அந்தொசியனின் தன்னுள் ஆன்டிஆக்சிடன்ட்களை கொண்டுள்ளது. இவை வீக்கத்தை எதிர்த்து போராடும் தன்மை உடையது. இதனால் செர்ரி பழங்கள் மூட்டு வலி மற்றும் கீல்வாதம் போன்றவைகளுக்கு நிவாரணம அளிக்கின்றன.

2.நெஞ்சு எரிச்சல்

ஆப்பிள் சைடர் வினிகர் சிறிது அருந்தினால் நெஞ்சு எரிச்சல், இரைப்பையில் ஏற்படும் அமில பின்னோட்டத்திலிருந்து நிவாரணம் அளிக்கிறது. ஆப்பிள் சைடர் வினிகர் அரைப்பையில் இருக்கும் அமிலத்தை நடுநிலைப் படுத்த உதவி, pH நிலையை சமன் படுத்துகிறது.

ஆப்பிள் சைடர் வினிகரில் உள்ள அசிடிக் அமிலம் செரிமான பாதையில் அதிக அமிலத்தை சேர்க்கிறது. மேலும் இந்த அமிலம் பல வகையான பாக்டீரியாக்களுக்கு எதிராக நுண்ணுயிர் கொல்லியாக செயல்படுகிறது. ஆனால் சிறிதளவு ஆப்பிள் சைடர் வினிகர் எடுத்துக்கொள்வது மட்டுமே பாதுகாப்பானது. அதை சிறிதளவு நீரில் கலந்து அருந்த வேண்டும். அதன் சுவை சற்று வீரியமாகவும், புளிப்பாகவும் இருப்பதால் தேன் கலந்து அருந்தலாம்.

3.சிறுநீர் குழாய் தொற்றுகள்

சிறுநீரக குழாய்களில் தங்கி வளரும் பாக்டீரியாக்களால் உண்டாகும் தொற்று இந்த சிறுநீர் குழாய் தொற்று ஆகும். நீல பெர்ரி பழங்களை உண்பது இந்த தொற்று நோய்க்கு மிகச் சிறந்த மருந்து ஆகும். நீல பெர்ரி பழங்களில் உள்ள சில பொருள்கள் சிறுநீர்ப்பை திசுக்களில் பாக்டீரியாக்கள் ஒட்டிக் கொள்ளாமல் தடுக்கின்றன. மேலும் அதில் அதிகமாக உள்ள ஆன்டிஆக்சிடன்ட்கள் சிறுநீர்ப்பை தொற்றுகள் பாதிப்பை குறைக்க உதவுகின்றன.

4.காது வலி

பூண்டில் உள்ள வலி நிவாரண மற்றும் ஆன்டிபயாடிக் தன்மை, பூண்டை ஒரு மிகச் சிறந்த வீட்டு வலி நிவாரணியாக செயல்பட வைக்கிறது. இரண்டு பல் பூண்டை நசுக்கி, 2 தேக்கரண்டி கடுகு எண்ணெயுடன் கலக்கவும். இந்த கலவையை மிதமாக சூடு படுத்தவும். அதாவது பூண்டின் நிறம் கருப்பாக மாறும் வரை. அது ஆறியவுடன் சில துளிகளை வலியுள்ள காதில் ஊற்றவும். இது காது வலிக்கு உடனடி நிவாரணம் அளிக்கும்.

5.பல் வலி

கிராம்பில் யூஜினால் என்ற வேதி பொருள் இருக்கிறது. அது உணர்வை இழக்க வைத்து, பாக்டீரியா எதிர் கொல்லியாக செயல் படுகிறது. மேலும் கிராம்பில் எதி்ர்பூஞ்சை, எதிர்பாக்டீரியா சக்திகள் உள்ளன. பல் வலியிலிருந்து நிவாரணம் பெற சில நிமிடங்கள் ஒரு முழு கிராம்பை வலி உள்ள பல்லின் மேல் வைக்கவும். கிராம்பை கிராம்பு எண்ணெயாகவும் தயாரிக்கலாம். எண்ணெயில் முழு கிராம்புகளை போட்டு சிறிது நேரம் வைத்திருக்கவும். பின் அதை வடிகட்டினால் கிராம்பு எண்ணெய் தயார். பருத்தி பஞ்சை கிராம்பு எண்ணெயில் முக்கி வலி உள்ள இடத்தில் வைக்கலாம்.

6.நாள்பட்ட வலி

இந்திய சமையலில் பொதுவாக சேர்க்கப்படும் ஒரு நறுமண பொருள் மஞ்சள் ஆகும். மஞ்சளில் குர்குமின் என்னும் ஒரு சிறந்த கலவை வலி நிவாரண மற்றும் ஆன்டிஆக்சிடன்ட் தன்மை உடையது. இது காயங்களை ஆற்றும் தன்மை உடையது. முடக்கு வாதம் போன்ற நோய்களால் உண்டாகும் நாள் பட்ட வலிகளை மஞ்சள் குணமாக்குகிறது.

7.வீக்கம்

அன்னாசி பழம் வீக்கத்திற்கு மிகச் சிறந்த உணவாகும். அதில் உள்ள ப்ரோமிலைன் என்னும் என்சைம் புரதங்களின் செரிமானத்திற்கு உதவி செய்து, செரிமான பாதையையும் மேம்படுத்துகிறது. அன்னாசி பழத்தின் உட்பாகத்தில் தான் இந்த என்சைம் நிறைய இருக்கிறது. அதன் முழுமையான பலன்களை பெற எப்பொழுதும் நன்கு பழுத்த அன்னாசி பழத்தை வாங்கினால், அதன் உட்பாகம் மிருதுவாக இருக்கும். அதன் நாடு தண்டு பாகத்தை சிறு துண்டுகளாக்கி, ஸ்மூதி அல்லது சாறாக அருந்தலாம்.

8.சைனஸ் வலி

குதிரை முள்ளங்கி எனப்படும் இந்த காய் சைனஸ் தொல்லையால் ஏற்படும் வலியை குணப்படுத்துகிறது. இதில் உள்ள சல்பர், ஆன்டிபயாடிக் தன்மை நிறைந்தது. சல்பரின் இந்த குணம் சைனஸ் தொற்று மற்றும் அதனால் உண்டாகும் வலிக்கு சிகிச்சையாக அமைகிறது.

9.அடிபட்ட வலி

ஏதாவது காயத்தினால் நீங்கள் அவதிபட்டால், அதற்கான சிறந்த சிகிச்சை நீர் அருந்துதல் அல்லது காயம் அடைந்த இடத்தை வெதுவெதுப்பான நீரை கொண்டு கழுவுதல் ஆகும். வெந்நீர் அந்த காயத்திற்கு சிறிது ஆறுதல் அளித்து, வலியிலிருந்து தற்காலிக நிவாரணம் அளிக்கும்.

10.தசைகளில் வலி

சமயங்களில் நீங்கள் நீண்ட நாட்களுக்கு பிறகு உடற்பயிற்சி கூடத்திற்கு சென்றாலோ அல்லது அதிகப்படியான உடலுழைப்பு செய்த காரணத்தினாலோ அதற்கு அடுத்த நாள் தசைகளில் வலி உணர்வீர்கள். பொதுவாக உங்கள் கை கால் தசைகளில்தான் இது அதிகமாக இருக்கும்.

இதற்கு சிறந்த சிகிச்சை, வலி உள்ள இடங்களில் பெப்பர் மின்ட் எண்ணெயை நன்கு மசாஜ் செய்யவும். பெப்பர் மின்ட் வழியை நீக்கி, வீக்கத்தையும் குறைக்கிறது. பாதிக்கப்பட்ட இடத்தில் இரத்த ஓட்டத்தை அதிகரிக்கிறது. அதனால் வேகமாக குணப்படுத்துகிறது. மேலும் பெப்பர் மின்ட் அதில் உள்ள வலிநிவாரண தன்மையால், தசை பிடிப்பால் உண்டாகும் வலியை சரி செய்கிறது.

அடுத்த முறை, மேற்கூறிய ஏதாவது ஒரு வலி உங்களுக்கு ஏற்பட்டால், வலிநிவாரண மாத்திரைகளை அல்லது ஸ்ப்ரே உபயோகிக்காமல், இந்த இயற்கை முறையை பின்பற்றி உடனடி நிவாரணம் பெறுங்கள்:

தேன் உபயோகிப்பதால் கிடைக்கும் பயன்கள் பற்றி நீங்கள் அறிவீர்களா?

மென்மையான, தங்க நிற, மிதமான இனிப்புடைய தேன் காலாவதியாகாத மிக சில உணவுப் பொருள்களில் ஒன்றாகும். தேன், நம் உடல் மற்றும் சருமத்திற்கு நன்மை அளிக்க கூடியது. இந்த அதிசய சாறு இருமல், ஜலதோஷம் போன்ற பொதுவான வியாதிகளுக்கு நிவாரணம் அளிக்க வல்லது.

மேலும் வேறு பல உபயோகங்களும் தேன் நமக்கு அளிக்கிறது.

1.சாதாரண ஜலதோஷம்

பருவநிலை மாறும் பொழுது, நமக்கு ஜலதோஷம் பிடிப்பது சகஜம். இதற்கு சிகிச்சையாக மருந்து உண்பதற்கு பதில் 1 மேசைக்கரண்டி தேனுடன், 1 மேஜைக்கரண்டி எலுமிச்சைபழ சாறு கலந்து இத்துடன் ஒரு கிண்ணம் வெந்நீர் சேர்த்து கலக்கி அருந்தினால், நல்ல பலன் கிடைக்கும்.

2.இருமல் / தொண்டை புண்

மூக்கு, காது மற்றும் தொண்டை இந்த மூன்றும் ஒன்றோடொன்று தொடர்புடையது. உங்களுக்கு ஜலதோஷம் பிடிக்கும் பொழுது, காதுகள் அடைத்துக் கொண்டு, தொண்டையில் புண் ஏற்படுவதுண்டு. அதைப்பற்றி கவலை இனி வேண்டாம்! உங்களுக்கு உதவ தேன் இருக்கிறது. 8 தேக்கரண்டி தேனை 4 தேக்கரண்டி எலுமிச்சை சாறுடன் கலந்து, சிறிது வெந்நீர் சேர்த்து அருந்தவும்.

3.எடை குறைப்பு

எடை கூடிக்கொண்டே போகிறதே என்று கவலை படுகிறீர்களா? உங்களுக்கு உதவ தேன் இருக்கிறது. சுடு தண்ணீரில் 1 தேக்கரண்டி தேன் மற்றும் ½ தேக்கரண்டி லவங்கப்பட்டை பொடி சேர்க்கவும். இந்த தேநீரை உங்கள் சாப்பாட்டிற்கு பின் அருந்தவும். வருடம் முழுவதும் உங்கள் எடையை பராமரிக்க இது மிகவும் உதவும்.

4.பல் வலி

பல் வலி நம் உடலில் எதிர் பாராமல் வரக்கூடிய ஒரு வலியாகும். எப்பொழுது எந்த நிமிடம் இந்த வலி வந்து தொல்லை தரும் என்று சொல்ல முடியாது. நன்றாக இருப்பது போல் தோன்றும். ஆனால் திடீரென்று தாங்க முடியாத பல்வலி வரும். அதை சமாளிக்க 1 தேக்கரண்டி லவங்கப்பட்டை பொடியை 1 மேஜைக்கரண்டி தேன் மற்றும் வெந்நீரில் கலந்து அருந்தி நிவாரணம் பெறவும்.

5.சைனஸ்

சாதாரண தலைவலி சிறிது நேரத்தில் சரியாகிவிடும். ஆனால் சைனஸ் தொல்லையால் வரும் தலை வலி நம்மை மிகவும் சங்கடத்திற்கு உள்ளாகும். அச்சமயங்களில் உங்களால் வீடு மற்றும் அலுவலகத்தில் எந்த வேலையிலும் கவனம் செலுத்த முடியாமல் போகும். தலை வலி இருக்கும் பொழுது தேநீர் அல்லது காப்பி அருந்தவதற்கு பதிலாக,தேன் மற்றும் ஆப்பிள் சைடர் வினிகர் கலந்த தேநீர் அருந்தவும். வெந்நீரில் 2 மேஜைக்கரண்டி ஆப்பிள் சைடர் வினிகர், 1 மேஜைக்கரண்டி தேன் கலந்து அருந்தவும். இதை சைனஸ் தொல்லையால உண்டாகும் வலிக்கு அருந்தி பயன் பெறலாம்.

6.உடலின் நச்சுத்தன்மையை அகற்றுகிறது

அடிக்கடி நம் உடலில் உள்ள நச்சு பொருள்களை வெளியேற்ற வேண்டியது அவசியமாகிறது. அவ்வாறு செய்யும் பொழுது நம் உடலில் உள்ள ஆரோக்யமற்ற, கேடு விளைவிக்ககூடிய நச்சுகள் வெளியேறி உடலை முறையாக இயங்க வைக்கிறது. அதற்கு ஒரு கப் மூலிகை தேநீரில் 1-2 தேக்கரண்டி தேன் கலந்து அருந்தவும்.

தேனின் எண்ணற்ற பயன்களால், அதை எப்பொழுதும் உங்கள் சமையலறை அலமாரிகளில் வைத்திருக்கவும்.

குளிர் காலத்தில் யோகா செய்வதனால் உண்டாகும் பயன்கள்

இந்தியாவின் பழமையான உடற்பயிற்சி வகைகளில் ஒன்று இந்த யோகாசனம் ஆகும். நம் நாட்டில் இது வெகுகாலமாக பழக்கத்தில் இருந்து வருகிறது. மற்ற உடற்பயிற்சிகளை போல அல்லாமல் யோகா உடல், உள்ளம், ஆன்மிகம் போன்ற அனைத்திலும் கவனம் செலுத்தி ஒருவரின் ஒட்டு மொத்த ஆரோக்யத்திற்கு வழி வகுக்கிறது.

வருடம் முழுவதும் யோகா செய்யலாம் என்றாலும், குளிர்காலத்தில் செய்யப்படும் பொழுது அதற்கு சில சிறந்த பயன்கள் உண்டு.

1.மூட்டு வலியை சமாளிக்க உதவுகிறது

ஜில்லென்ற குளிர்காலத்தில் மூட்டு வலி அதிகரிக்கிறது. வின்யாசனா என்று சொல்லப்படும் மூச்சு பயிற்சியுடன் சேர்ந்து செய்யப்படும் யோகாசனம் உங்கள் மூட்டுகளுக்கு இயக்கம் அளித்து, இரத்த ஓட்டத்தை அதிகரித்து, மூட்டுகளின் விறைப்புத் தன்மையையும் குறைக்கிறது. வலியை குறைக்க ஒரு சிறந்த வழி வெப்பம் ஆகும். யோகா செய்யும் பொழுது சூடு உற்பத்தி செய்யப்பட்டு உடலும் சூடாகிறது. இந்த சூடு உடலில் உள்ள தசைகளை தளர்த்தி, வலியை குறைக்கிறது.

2.நுரையீரலை பாதுகாக்கிறது

யோகாவின் ஒரு முக்கிய அங்கம் மூச்சு பயிற்சி ஆகும். நாசி வழியே மூச்சு காற்று உள்ளிழுத்து, வெளியேற்ற படுகிறது. நாசி வழியே உள்ளே இழுக்கப்பட்ட குளிர்ந்த காற்று நுரையீரலுக்கு செல்லும் பொழுது சூடாகிறது.

நீண்ட குறுக்கிய பள்ளங்களாக இருக்கும் மூச்சு குழாயில் நுரையீரலுக்கு செல்லுமுன் வடிகட்ட படுகிறது. சுவாச அமைப்பை உறுத்தும் ஒவ்வாமை போன்ற பிரச்னைகள் ஏற்படாமல் நுரையீரலை பாதுகாக்கிறது. கபாலபாதி, பிராணாயாமம் போன்ற பயிற்சிகள் உங்கள் நுரையீரலை பலப்படுத்துவதோடு மட்டுமல்லாமல் உங்கள் சுவாச அமைப்பிற்கும், நரம்பு மண்டலத்திற்கும் உள்ள உறவை வலுபெற வைக்கிறது.

3.இரத்த ஓட்டத்தை மேம்படுத்தி சருமத்தை புதுப்பிக்கிறது

சருமம் முறையாக உடலின் மற்ற உள்ளுறுப்புகளான சிறுநீரகம், கணையம், நுரையீரல் போன்றவற்றுடன் இணைந்து உடலில் உள்ள நச்சுகளை வெளியேற்று கொண்டிருக்கிறது. மதியான நேர வெப்பம், குளிர்ந்த காற்று மற்றும் ஈரப்பதம் இவை அனைத்தும் சேர்ந்து சருமத்தை வறட்சியாக்கி, நீர் பதத்தை குறைத்து விடும்.

இந்த நேரத்தில் யோகா செய்தால் அதன் மூலம் உடலில் வியர்வை உண்டாகும். அதனால் இயற்கையாக உடலில் உள்ள துளைகள் சுத்தம் செய்யப்படுகின்றன. இதனால் சருமம் ஈரப்பதம் அடைகிறது. அதனால் சருமம் மிருதுவாகிறது. உடல் வியர்ப்பதால் உடல் சற்று கடினமாக உழைத்தால் தான் உடலுக்கு தேவையான ஆற்றலை பெற முடியும். அதனால் இரத்த ஓட்டம், இதய மற்றும் சுவாச அமைப்பின் செயல்பாடு அதிகரித்து உடல் எடையை பராமரிக்கவும் உதவி செய்கிறது.

4.மன அழுத்தத்தை தளர்த்தி நோய் எதிர்ப்பு சக்தியை அதிகரிக்கிறது

மன அழுத்தம் ஏற்படும் சமயங்களில், ஹைபோதாலமஸ் கார்டிசோல் என்னும் ஹார்மோனை சுரக்கிறது. இந்த ஹார்மோன் மன அழுத்த சூழ்நிலைகளில் உடலை எச்சரிக்கை படுத்தி நோய்எதிர்ப்பு அமைப்பை முறை படுத்துகிறது. கார்டிசோல் அதிகமாக இருந்தால் நோய் எதிர்ப்பு அமைப்பு குறைந்து அடிக்கடி தொற்றுகள் ஏற்படும் வாய்ப்பு உண்டாகிறது. உங்களை சுறுசுறுப்பாக வைப்பதோடு மட்டுமல்லாமல், யோகா உடலுக்கு புத்துணர்வையும் தருகிறது. உடல் புத்துணர்ச்சியுடன் இருக்கும் பொழுது நோயெதிர்ப்பு அமைப்பும் சிறப்பாக செயல்பட்டு நம்மை தாக்கும் பாக்டீரியா மற்றும் வைரஸ்களை தாக்குகிறது.

5.உங்கள் மன நிலையை உயர்த்த உதவுகிறது

குளிர்காலங்களில் நாம் பொதுவாக SAD என்னும் பருவக்கால பாதிப்பு குறைபாடால் அவதிபடுவது இயல்பு. இந்த பாதிப்பை ஆங்கிலத்தில் விண்டர் ப்ளூ (winter blue) என்று கூறுவதுண்டு. அந்த மாதிரி சமயங்களில் சோர்வான மனநிலை, அதிக பசி, குறைந்த ஆற்றல் அளவு, அதிக தூக்கம் போன்றவை ஏற்படுவதுண்டு. குறைந்த பகல் நேரமே குளிர்காலங்களில் இருப்பதால், குறைந்த சூரிய வெளிச்சமே கிடைக்கிறது.

இந்த காலங்களில் குறைந்த ஆற்றலை ஈடு செய்ய யோகவே சிறந்த வழியாகும். காலை நேர யோகா பயிற்சி செய்யும் பொழுது அதில் சூரிய நமஸ்காரமும் சேர்த்துக் கொள்ள வேண்டும். அது உங்கள் உடலை வெப்பமாக்குவதொடு மட்டுமல்லாமல் இதயத்தின் செயல்பாடு மற்றும் சுவாச அமைப்பின் செயல்பாடு இரண்டின் செயல்பாட்டையும் இணைத்து மேம்படுத்துகிறது. அதனால் உங்கள் மனநிலை உயர்த்தப்பட்டு, ஆற்றல் மிக்கவராக செயல்பட உதவி செய்கிறது.

அதனால் காலி உங்களுக்கென சிறிது நேரத்தை ஒதுக்கி எளிமையான யோகாசன பயிற்சிகள், மூச்சு பயிற்சி போன்றவற்றை செய்யவும். இது உங்களின் உடல் எடையை ஆரோக்யமாக பராமரிக்க உதவுவதோடு உங்கள் உடலை தொற்று நோய்களிலிருந்து இந்த குளிர் காலங்களில் காப்பாருகிறது.

ஏழு மிகவும் சக்திவாய்ந்த இயற்கையான நுண்ணுயிர் கொல்லி (ஆன்டிபையோட்டிக்ஸ்)!

எப்போதெல்லாம் நாம் வைரஸ் காய்ச்சல் மற்றும் ஃப்ளூ போன்ற வியாதிகளால் பாதிக்கப்படுகிறோமோ, மருத்துவர்கள் எப்போதும் ஒரு சில ஆன்டிபையோடிக்ஸ் நமக்கு பரிந்துரைப்பார். ஆனால் உங்களுக்குத் தெரியுமா இயற்கையாகவே ஒரு சில உணவு பொருட்களுக்கு இயற்கை ஆன்டிபையோடிக்காக இருக்கிறது என்று?!

ஏழு மிகவும் சக்திவாய்ந்த இயற்கையான ஆன்டிபையோடிக்ஸ்-

1) மஞ்சள்

பண்டைய காலத்தில் இருந்து இந்திய சமையலில் மஞ்சள் பயன்படுத்தப்படுகிறது. இயற்கையில் கிடைக்கும் மஞ்சளில் இருக்கும் குர்குமின் அதை மிகவும் பயனுள்ள ஆன்டிபையோடிக்காக ஆக்குகிறது. மஞ்சளுக்கு குணப்படுத்தும் தன்மை இருக்கிறது மேலும் அது பாக்டீரியாவிற்கு எதிராகவும்கூட செயல்படும் காரணி ஆகும்.

2) பூண்டு

பூண்டில் இருக்கும் பூண்டு நீர்மம்(அலிசின்), அதை ஆற்றல்மிக்க இயற்கை ஆன்டிபையோடிக்காக ஆக்குகிறது. இதனுடன் சேர்த்து, பூண்டில் ஆன்டிவைரல், ஆன்டி-பங்கள் மற்றும் ஆன்டிமைக்ரோபையல் தன்மைகள் இருக்கிறது. அதில் இயற்கை ஆன்டிஆக்சிடன்ட்ஸ் மிகையாக இருப்பதால், பூண்டு ஒரு உறுதியான நோய் எதிர்ப்பு அமைப்பிற்கு ஆதரவு தருகிறது.

3) இஞ்சி

அறிவியல் சமூகம் இஞ்சியை மற்றுமொரு இயற்கையான ஆன்டிபையோடிக்காக அங்கீகரிக்கிறது. நிறைய அறிவியல் படிப்புகள் தொடர்ந்து இஞ்சியின் இயற்கையான பாக்டீரியாவின் பல விகார திறனை எதிர்த்து சண்டையிடுவதை செயல் விளக்கமளித்துள்ளது. இஞ்சி உடம்பில் உள்ள தொற்றுகளுக்கு சிகிச்சை அளிக்கவும் பயன்படுகிறது.

4) வெங்காயம்

 ஆன்டிஆக்சிடன்ட்ஸ்க்கு மிகச் சிறந்த ஆதாரங்களில் ஒன்று வெங்காயம். சுதந்திர அணுக்கள் உடலை சேதம் செய்வதில் இருந்து ஆன்டிஆக்சிடன்ட்ஸ் பாதுகாக்கிறது, அது ஒரு உறுதியான நோய் எதிர்ப்பு நிலைக்கு வழிவகுக்கிறது.

5) தேன்

தேன் ஒரு இயற்கையான ஆன்டிபயோடிக் அது பண்டைய காலத்தில் இருந்து பயன்படுத்தப்படுகிறது. தேனில் பல்வேறு வகையான ஆரோக்கிய நன்மைகள் இருக்கிறது. அது நாள்பட்ட புண்களுக்கும் மற்றும் தீக்காயங்களுக்கும் சிகிச்சை அளிக்க உதவுகிறது. அது உடலில் இருந்து நோய்த்தொற்றை வெளியேற்றவும் உதவுகிறது.

6) ஆப்பிள் சிடர் வினீகர்

ஆப்பிள் சிடர் வினீகரில் அசிட்டிக் அமிலம், மாலிக் அமிலம், கனிம உப்பு, அமினோ அமிலம் மற்றும் வைட்டமின்கள் ஆகியவை இருக்கிறது. இந்த எல்லா பொருட்களின் முன்னிலையில் ஆப்பிள் சிடர் வினீகர் மிகவும் சக்திவாய்ந்த இயற்கை ஆன்டிபயோடிக்காகும்.

7)  முள்ளங்கி வேர்(ஹார்ஸ்ரேடிஷ் ரூட்)

மற்ற நறுமண பொருட்களை ஒப்பிட்டுப்பார்க்கையில் முள்ளங்கி வேரில் உயர்ந்த எண்ணிக்கையில் மருத்துவரீதியான செயல் கலவை இருக்கிறது-அவை அனைத்தும் மிகவும் சுறுசுறுப்பாக இருக்கிறது. முள்ளங்கி வேர் நோய்த்தொற்றை குறைக்கிறது, பாக்டீரியாவை எதிர்க்கிறது, வைரஸை எதிர்கிறது மேலும் நோய் எதிர்ப்பு நிலையைகூட ஊக்குவிக்கிறது.

மேலே குறிப்பிடப்பட்ட ஆன்டிபயோடிக்ஸ் மிகுந்த ஆற்றலும் மற்றும் சக்தியும் கொண்டது. எனினும், இந்த ஆன்டிபயோடிக்கை பொறுத்தவரை சிறந்த விஷயம் அவை 100 சதவிகிதம் இயற்கையானது!

ஆதாரங்கள்: ப்ராம்பில் பெர்ரி, குயூர்ஜாய், பிரஸ்ட்கிரை பாரெண்டிங், புட் மேட்டர்ஸ், லைவ்சயின்ஸ், எம்பிஜி ஹெல்த், மெடிக்கல் நியூஸ் டுடே, மதர் நேச்சர் நெட்ஒர்க், ஸ்டைல்கிரேஸ், டேஸ்ட்சென்ஸ், தி அகாடமி ஆப் கலிநரி நுட்ரிஷன், தி ஹோல் டெய்லி, வெல்த்தி தெரபியூடிக்ஸ்.

உங்கள் சருமத்தின் எண்ணையை கையாள பயனுள்ள வழிகள்!

உங்கள் சருமம் எண்ணெய் சார்ந்ததா அல்லது மந்தமானதா? பியூட்டி பார்லரில் அந்த விலையுயர்ந்த சிகிச்சைகளை மேற்கொண்டு நீங்கள் தொடர்ந்து உங்கள் முகத்தில் எண்ணெய் உற்பத்தியை சரிகட்ட முயற்சிப்பது வீணாகிறதா? அடிப்படையில் உங்கள் சருமத்தில் உள்ள சரும மெழுகு(செபாசியஸ்) சுரப்பிகள் உருவாக்கும் சீபம் இருப்பதால் எண்ணெய் உற்பத்தியாகிறது.  ஒரு இயற்கை ஈரப்பதமூட்டியாக இருந்தாலும், சீபத்தின் அதிக உற்பத்தி உங்கள் சருமத்திற்கு கேடு விளைவித்து முகப்பருக்களாலும் மற்றும் அடைபட்ட துளைகளாலும் அதை மந்தமாக்குகிறது.

அதனால் எல்லா நேரமும் உங்கள் முகத்தில் எண்ணெய் சுரப்பதை கட்டுப்படுத்த ஒரு சில வழிகள் கீழே பட்டியலிடப்பட்டுள்ளது. இந்த எளிமையான வழிகளை பின்பற்றினால் நாள் முழுவதும் உங்கள் சருமத்தை புதிதாக மற்றும் அழகாக காண்பிக்கும்!

1) ஈரத்தை இழுக்கும் காகிதங்கள்(ப்லோட்டிங் பேப்பர்ஸ்)

இவை மெல்லியதாக, எல்லா அழகு மையங்களிலும் மட்டி பூச்சு காகிதங்கள் என்று அதிகமாக கிடைக்கக்கூடியது. இந்த காகிதத்தை கொண்டு வெறுமனே உங்கள் முகத்தை துடைக்கவும் மேலும் உங்கள் சருமம் எண்ணெய் பதமாக மற்றும் மந்தமாக தெரிவதில் இருந்து காக்கும். இது நீண்ட நேரம் உங்கள் சருமத்தில் இருக்கும் மிகையான எண்ணெயை அகற்றும் மேலும் கிளென்சிங்க்கு ஒரு சிறந்த மாற்றாக மெய்ப்பிக்கிறது.

2) ஆவி பிடித்தல்

உங்கள் முகத்தில் உள்ள எண்ணெயை நீக்கவும் மற்றும் துளைகள் அடைப்பை சுத்தம் செய்யவும் மற்றுமொரு பயனுள்ள வழி ஆவி பிடித்தல். ஒரு கிண்ணத்தில் தண்ணீரை கொதிக்க வைத்தபின், அந்த சுடுதண்ணீரின் ஆவி உங்கள் முகத்தில் படுவதுபோல் ஒரு துண்டால் உங்கள் முகத்தை முழுவதுமாக சுற்றவும். இந்த நிலையிலேயே ஒரு சில நிமிடங்கள் இருங்கள். இது துளைகளை ஆழமாக சுத்தம் செய்ய திறக்கும். உங்கள் முகத்தை ஒரு வீட்டில் செய்த துடைக்கும் பொருள்(கீழே குறிப்பிட்டது போல்) கொண்டு மெதுவாக அழுத்தி துடைக்கவும். உடனடியாக இப்போது துளைகள் மூட உங்கள் முகத்தை குளிர்ந்த நீரில் கழுவவும்.

3) க்லென்சிங்

அரிதாக எண்ணெய் பசை சருமம் உள்ள மக்கள் முகத்தை கழுவுவார்கள். உங்களுக்கு ஒரு எண்ணெய் பசை முகம் இருந்தால், குறைந்தது ஒரு நாளிற்கு இரண்டு முறை கழுவ வேண்டும் மற்றும் எந்த நேரமும் இடையில் உங்களுக்கு அதை முழுவதும் சுத்தம் செய்யும் உந்துதல் ஏற்பட்டால் கழுவ வேண்டும் என்று பரிந்துரைக்கப்படுகிறது. சொரசொரப்பான துடைக்கும் பொருள் அல்லது நறுமண சோப்பு உங்கள் முகத்திற்கு பயன்படுத்துவதை தவிர்க்கவும். இது உங்கள் சருமத்தின் அமைப்பை மேலும் கெடுத்துவிடும். க்லென்சிங் செய்வதால், உங்கள் சருமம் எண்ணெய் இல்லாமலும் வறண்டு போகாமலும் இருக்க உதவுகிறது.

4) முக பூச்சு

வீட்டில் இருந்தபடியே  வாரத்திற்கு ஒரு முறை கீழே கொடுக்கப்பட்டுள்ள முக பூச்சை தடவவும், மற்றும் உங்கள் எண்ணெய் சுரப்பி எப்படி கட்டுப்பாட்டிற்குள் வந்தது என்று பாருங்கள்.

• தயிருடன் எலுமிச்சை – ஒரு பாதி எலுமிச்சையை பிழிந்து தயிருடன் கலக்கவும். இதை உங்கள் முகத்தில் தடவவும் மேலும் அதை கழுவுவதற்கு முன் இதை சிறிது நேரம் அப்படியே இருக்கட்டும். எலுமிச்சை ஒரு இயற்கையான சுத்திகரிப்பு பொருள் அது எண்ணெய் உருவாவதை குறைக்கும் மேலும் தயிர் இறந்த தோல் செல்களை நீக்கும்.
• முல்தானி மிட்டி (புல்லர்ஸ் எர்த்) – ஒன்று அல்லது இரண்டு கரண்டி புல்லர்ஸ் எர்த் பொடியை ஒரு கரண்டி ரோஜா தண்ணீருடன் கலக்கவும். ஒரு பாதி எலுமிச்சையை அதில் பிழியவும் மேலும் இந்த பசையை உங்கள் முகத்தில் தடவவும். 15 – 20 நிமிடங்கள் அப்படியே விட்டு பின் கழுவவும். இது ஒரு சிறந்த எண்ணெய் உறிஞ்சும் பொருள்.
• புதினா பூச்சு – ஒரு கட்டு புதினா இலைகளை பறித்து பின் அதை தேனுடன் அரைத்து அதை ஒரு பசையாக ஆக்கவும். உங்கள் முகத்தில் இந்த பசையை தடவவும் பின் கழுவுவதற்கு முன் 15 நிமிடங்கள் அப்படியே விடவும்.

5) எக்ஸ்போலியேட்

ஆம்! எண்ணெய் பதம் உள்ள சருமமுடைய மக்கள் குறைந்தது வாரத்திற்கு ஒன்று அல்லது இரண்டு முறை எக்ஸ்போலியேட் செய்ய வேண்டும். அழுத்தி துடைப்பத்தால், இறந்த தோல் செல்கள் நீங்கி மேலும் உங்கள் சருமத்தை எண்ணெய், முகப்பரு, வெள்ளைமுள்கள், மற்றும் கருமுள்கள் ஆகியவற்றில் இருந்து பாதுகாக்கும். நீங்கள் வீட்டில் செய்த துடைக்கும் பொருள்களை முயற்சிக்கலாம் –

• எலுமிச்சையுடன் நாட்டுச்சக்கரை
• இஞ்சி சாறு மற்றும் தேனுடன் வெள்ளை அரிசி மாவு
• எலுமிச்சை மற்றும் தேனுடன் பேக்கிங் சோடா

6) ரோஜா தண்ணீர் சிகிச்சை

கிலென்சிங்க்கு பின் ரோஜா தண்ணீர் போன்ற இயற்கையான வண்ணச்சாயத்தால் டோனிங் செய்வது  திறந்திருக்கும் துளைகளை மூட உதவும் மேலும் உங்கள் சருமத்திற்குள் மிகையான எண்ணெயை பூட்டி விடும்.

7) ஈரப்படுத்துங்கள்(மாய்ஸ்டுரைஸ் )

பெரும்பாலான மக்கள் ஒரு மாய்ஸ்டுரைஸ்ஸர் தடவுகிறார்கள் அது சருமத்தை மேலும் கெடுத்து விடும் மற்றும் அதை மேலும் எண்ணெய்ப்பதமாக காட்டும் என்று நம்புகிறார்கள். அது அப்படி அல்ல. நீங்கள் உங்கள் சருமத்திற்கு போதுமான ஈரப்பதத்தை ஒரு மாய்ஸ்டுரைஸ்ஸர் தடவுவதால் தர முடியும் அது பொருத்தமாகவும் பிசுபிசுப்பு அற்றதாகவும் இருக்கும்! கற்றாழை போன்ற ஒரு இயற்கையான மாய்ஸ்டுரைஸ்ஸரை தேர்ந்தெடுங்கள் அல்லது அதிகம் கற்றாழை உள்ள அந்த தயாரிப்புகளை தேர்ந்தெடுக்கவும்.

உங்கள் சருமத்தை எண்ணெய்ப்பதத்தில் இருந்து எப்படி பாதுகாப்பது? இதற்கு நிரந்தரமாக தீர்வுகாண முடியாவிட்டாலும், நீங்கள் உங்கள் முகத்தில் சுரக்கும் எண்ணெய்யின் அளவை ஓரளவிற்கு கட்டுப்படுத்த முடியும். அதிகம் பொறித்த உணவுகளை உண்பதை தவிர்க்கவும் மேலும் உங்கள் எண்ணெய் சருமத்தை மறைக்க ஒப்பனையை அதிகப்படியாக செய்யாதீர்கள். இது நிலைமையை மேலும் மோசம்தான் செய்யும். மிதமான மேலும் உங்கள் சருமத்திற்கு பொருத்தமான எண்ணெய் இல்லாத ஒப்பனை பொருட்களை தேர்வு செய்யுங்கள். இந்த நிலை தொடர்ந்தாலோ அல்லது அதிகரித்தாலோ, ஒரு தோல் நிபுணரிடம் ஆலோசிக்கவும்.

படத்தின் ஆதாரம் – பிக்ஸாபே, பப்ளிக் டொமைன், விக்கிபீடியா காமன்ஸ்

குளிர்காலத்தில் பயன்படுத்தும் தேங்காய் எண்ணெய்யின் நன்மைகள்!

குளிர்காலம் என்றாலே வறண்ட சருமம் மற்றும் வறண்ட முடி. எனினும், நீங்கள் விலையுயர்ந்த எண்ணெய் மற்றும் உங்கள் முடியும் சருமமும் மிருதுவாக இருக்க லோஷன் ஆகியவற்றிற்குள்  ஈடுபடுவதற்குமுன், உங்கள் அலமாரியில் இருக்கும் தேங்காய் எண்ணெய் பாட்டிலை ஒரு இரண்டாம் முறை பாருங்கள். அதிகமாக மிருதுவாக்கும், பல்துறைதிறன் கொண்டது மற்றும் விலை குறைந்தது, இந்த அதிசய எண்ணெய்  உங்கள் சருமம் மற்றும் முடிக்கு அற்புதமாக வேலை செய்யும்.

இந்த குளிருக்கு தேங்காய் எண்ணெய் உங்கள் பிஎப்எப் என்று உறுதிப்படுத்தும் இங்கே சில வழிகள்!

1) கண் கிரீம்

(Source: https://upload.wikimedia.org/wikipedia/commons/7/7a/Woman_applying_sunscreen.jpg)

இரவு தூங்குவதற்கு முன் கொஞ்ச அளவு தேங்காய் எண்ணெயை கண்களை சுற்றியும்  கீழேயும் தேய்த்துவிடுங்கள். அது சேதமடைந்த செல்களை பழுதுபார்க்க உதவும், சுருக்கங்களில் இருந்து காக்கும் மேலும் க்ஷணநேரத்தில் கருவளையங்கள் மற்றும் கண்பைகள் மறையவும் செய்கிறது.

2) சவர கிரீம்

(Source: https://c1.staticflickr.com/3/2882/33604403065_480e9f1286_b.jpg)

ஈரமான பகுதியை சரைக்க வேண்டும். ஒரு மெல்லிய அடுக்கு தேங்காய் எண்ணெய் தடவிய பின் சரைக்கவும். வெதுவெதுப்பான தண்ணீரில் அந்த இடத்தை கழுவவும். தேங்காய் எண்ணெய் சரைத்த எரிச்சலை பாதுகாக்கும், சருமத்தை ஈரப்பதமாகவும் மற்றும் மென்மையாகவும் விட்டுவிடும்.

3) ஒப்பனை நீக்கி

(Source: https://images.pexels.com/photos/275744/pexels-photo-275744.jpeg?cs=srgb&dl=applying-care-cleaning-skin-275744.jpg&fm=jpg)

இரண்டு விதமாக தேங்காய் எண்ணெயை ஒப்பனை நீக்கியாக பயன்படுத்தலாம். ஒரு மெல்லிய தாளில் அல்லது பஞ்சு திண்டில் அதை தடவி மேலும் ஒப்பனையை துடைத்து நீக்குங்கள் அல்லது உங்கள் விரல்நுனியை கொண்டு சிறிது எண்ணெயை ஒப்பனைமீது தேய்த்துவிடுங்கள் மேலும் அதை 2-3 நிமிடங்கள் அப்படியே விட்டுவிடுங்கள். வெதுவெதுப்பான தண்ணீரில் முகத்தை கழுவுங்கள் மற்றும் மீதமுள்ள ஒப்பனையை ஒரு மெல்லிய தாளில் அல்லது ஒரு பஞ்சு திண்டில் துடைத்து நீக்குங்கள்.

4) பற்பசை

(Source: https://cdn.pixabay.com/photo/2017/04/27/03/10/coconut-oil-2264250_960_720.jpg)

சமபங்கு பேக்கிங் சோடா மற்றும் தேங்காய் எண்ணெயை

சூடு பண்ணுங்கள் மேலும் 20 துளிகள் உங்கள் விருப்பமான அத்தியாவசியமான எண்ணெயை

கலக்கவும். ஒரு கண்ணாடி ஜாடியில் நிரப்பி வைக்கவும். இந்த கலவை சில நேரங்களில் கட்டியாகிவிடும். இதை தினசரி உங்கள் பற்கள் சுத்தமாகவும் மற்றும் வெள்ளையாகவும் பயன்படுத்தவும்.

5) பாத வெடிப்புக்கு ஈரப்பதமூட்டி

(Source: https://www.flickr.com/photos/17367470@N05/4870938064)

குளிர்காலங்களில் பாதங்கள் வெடிக்கும். சிறிது தேங்காய் எண்ணெயை சூடாக்கி மேலும் இரவில் வெடிப்புகளில் தேய்க்கவும். காலுறைகளை அணிந்துகொண்டு உறங்குங்கள். இது பாதங்கள் எண்ணெயை உறிஞ்ச அனுமதிக்கும் மேலும் வெடிப்பைத் தவிர்க்கும்.

6) உரிப்பான் (எக்ஸ்போலியேட்டர்)

(Source: https://www.flickr.com/photos/shalommama/8301732424)

சம அளவு நாட்டுச்சக்கரை மற்றும் தேங்காய் எண்ணெய்யை கலந்து பின் ஒரு கண்ணாடி ஜாடியில் போட்டு வைக்கவும். இது ஒரு பிரமாதமான உரிப்பான் (எக்ஸ்போலியேட்டர்) அது மென்மையாக முகத்தில் இருந்தும் உடலில் இருந்தும் இறந்த தோலை உரித்து எடுக்கும். அது உடலை ஈரப்பதமாகவும் மென்மையாகவும் விட்டுச்செல்லும்.

7) உதடு சாயத் தைலம்

(Source: https://www.flickr.com/photos/152990852@N07/37867605352)

ஒரு சுத்தமான மைக்ரோவேவ்வில் வைக்கக்கூடிய பாதுகாப்பான கிண்ணத்தில் கொஞ்சம் தேங்காய் எண்ணெய் ஊற்றவும் மற்றும் ஒரு பழைய லிப்ஸ்டிக்கில் இருந்துகூட மேலே நீங்கள் சீவி எடுத்த ஏதாவது உதடு சாயத்தை போடவும். இவ்விரண்டையும் சூடாக்கி நன்றாக கலக்கவும். ஒரு சில துளிகள் ஆர்கன், ஜோஜோபா மற்றும் அவோகேடோ எண்ணெய் ஆகியவற்றை ஈரப்பத்திற்காக சேர்க்கவும். இதை ஒரு உதட்டு தைலமாக பயன்படுத்தவும். வெவ்வேறு வண்ணத்தைக் கொண்டும் மற்றும் நிறத்தை  கொண்டும் பரிசோதிக்கவும்.

8) மேல்தோல் கிரீம்

(Source: https://www.flickr.com/photos/152990852@N07/37641340610)

கொஞ்சம் தேங்காய் எண்ணெய்யை உங்கள் மேல்தோலில் தடவவும். சிறிது நேரம் அப்படியே விடவும். சரியான மேல்தோலை பெற நீங்கள் சாதாரணமாக செய்வதுபோல் அதை பின் தள்ளவும்.

9) முடியை பதனிடும் பொருள் (ஹேர் கண்டிஷனர்)

(Source: https://www.pexels.com/photo/blond-blonde-hair-conditioner-curly-289829/)

உங்கள் தலையில் தாராளமாக தேங்காய் எண்ணெய் மசாஜ் செய்து மேலும் இரவு முழுவதும் அப்படியே விட்டுவிடுங்கள் அது உங்கள் முடியில் உள்ள குளிர்கால ஏற்றியை குறைக்கும்.

10) சிரங்கு நிவாரணி

(Source: https://commons.wikimedia.org/wiki/File:Human_hand_with_dermatitis.jpg)

ஐந்து தேக்கரண்டி தேங்காய் எண்ணெயை இரண்டு தேக்கரண்டியில் ஒன்று வைட்டமின் ஈ மற்றும் ரோஸ்மேரி எண்ணெய் ஆகியவற்றை கலக்கவும் பின் ஒரு பாட்டிலில் ஊற்றி வைக்கவும். விரிவடையும் போதும் மற்றும் தழும்புகள் நாட்பட மறையவும் நிவாரணம் கிடைக்க தினசரி மூன்று முறை சிரங்கு மீது இதை தடவவும்.

11) ஆயில் புல்லர்

ஆயில் புல்லிங்க்கு தேங்காய் எண்ணெய் பயன்படுத்துங்கள். இது உங்கள் பல் மற்றும் வாய்ப்பகுதியில் ஆரோக்கியத்தை சிறப்பாக அதிகரிக்கும். ஒரு தேக்கரண்டி கூடுதல் சுத்தமான தேங்காய் எண்ணெயை வாயில் ஊற்றவும் மேலும் 15-20 நிமிடங்கள் கொப்பளிக்கவும். இது பிளேக் மற்றும் பல் ஈறு அலர்ஜியை குறைக்கிறது, கிருமிகளை கொள்கிறது மற்றும் துவாரங்களை தடுக்கிறது.

உங்களுக்கு உயர் இரத்த கொதிப்பு இருந்தால், இந்த உணவுகளில் இருந்து விலகி இருங்கள்!

இன்றைய வேகமான வாழ்க்கை முறையின் கசப்பான உண்மை என்னவென்றால் உயர் இரத்த கொதிப்பு நிகழ்வுதான். இது முக்கியமாக ஒரு ஒழுங்கற்ற மற்றும் சமநிலை இல்லாத வாழ்க்கை பாணியினால்தான் வருகிறது, அதனால் இரத்த கொதிப்பு வழக்கத்தை விட அதிகரிக்கிறது மேலும் இந்த நிலை நீண்ட நாட்களுக்கு தொடர்ந்தால் நீங்கள் இதய நோய் வரும் ஆபத்திற்கு அதிகமாக உள்ளாகக்கூடும். உணவுதிட்டத்தின் பழக்கத்தை மாற்றுவதால் ஓரளவிற்கு நீங்கள் உயர் இரத்த கொதிப்பை கட்டுப்படுத்தலாம். நீங்களும் இந்த பிரச்சனையால் போராடிக்கொண்டிருந்தால், பிறகு இன்று உங்கள் உயர் இரத்த கொதிப்பை சிறப்பாக சமாளிக்க நாங்கள் எந்த விஷயங்களை மிகக் குறைவாக சாப்பிடவும் அல்லது முற்றிலும் உண்பதை தவிர்க்க வேண்டும் என்று உங்களுக்கு சொல்கிறோம்.

1) சக்கரை மற்றும் உப்பு

இது விசித்திரமாக ஒலிக்கலாம் ஆனால் இந்த இரண்டு அத்யாவசிய உணவு பொருட்கள் உங்கள் இரத்த அழுத்தத்தை ஒரு இயற்கைக்கு மாறான வழியில் அதிகரிக்கும். நீங்கள் இந்த அபாயத்தை உங்கள் சக்கரை மற்றும் உப்பு உட்கொள்வதை கட்டுப்படுத்துவதால் இதை ஒரு சிறந்த எல்லை வரை குறைக்கலாம். ஒரு ஆரோக்கியமான நபருக்கு ஒரு நாளிற்கு 2300 மில்லிகிராம் சோடியத்திற்கு மேல் தேவையில்லை, ஆனால் சக்கரையை தவிர்ப்பதற்கு பதிலாக, நீங்கள் உங்கள் உணவு திட்டத்தில் அந்த “கூடுதல்” (“எக்ஸ்ட்ரா”) சக்கரையை தவிர்க்க வேண்டும். தினசரி பெண்களுக்கு ஆறு சின்ன தேக்கரண்டி சக்கரை தேவையையும் மேலும் ஆண்களுக்கு ஒன்பது சின்ன கரண்டி அளவையும் தி அமெரிக்கன் ஹார்ட் அஸோசியேஷன் தொகுத்துள்ளது.

2) தொகுக்கப்பட்ட சூப்கள்

தயாராக இருக்கும் தொகுக்கப்பட்ட சூப்களில் அதிக சோடியம் இருப்பதைக் கண்டால் நீங்கள் அதிர்ச்சி அடைவீர்கள். அதனால் அலமாரியில் வைக்கும் காலம் மற்றும் சூப்களின் பயனை அதிகரிக்க ஆகிய இரண்டிற்காகவும் இது நிறுவனங்களால் செய்யப்படுகிறது. நூடுல்ஸ் மற்றும் காய்கறிகளின் சுவையை அதிகரிக்கவும் உப்பு உதவுகிறது. வீட்டில் சூப் செய்வது மிகவும் எளிது மேலும் நல்ல சுவையாகவும் இருக்கும். அதனால் நீங்கள் கேனில் இருக்கும் சூப்பை நேரம் இன்மையால் வாங்க முற்பட்டாலும், பின் ஒரு குறைந்த சோடியம் இருக்கும் சூப் தயாரிப்பை வாங்குங்கள்.

3) தொகுக்கப்பட்ட தக்காளி பொருட்கள்

நீங்கள் கவனம் செலுத்தினால், வீட்டில் வளர்க்கும் தக்காளியையும் பெரிய ஸ்டோரில் வாங்கிய தக்காளியையும் ஒப்பிட்டுப் பார்த்தால் சுவை மிகவும் வித்தாயசமாக இருப்பதை நீங்கள் கண்டுபிடிப்பீர்கள்; வீட்டில் வளர்த்த தக்காளியின் சுவை மிகவும் நன்றாக இருக்கும். சாஸ்செஸ், கெட்ச்அப் போன்ற தக்காளி பொருட்களை நல்ல சுவையாக தயாரிக்க பெரிய அளவிலான தக்காளி பண்ணையில் இருந்து செய்யப்படுகிறது அதற்கு அதிக சோடியம் தேவைப்படுகிறது, மற்றும் இது அதிக இரத்த கொதிப்பு உள்ள மக்களுக்கு மிகவும் தீங்கானது.

4) தொகுக்கப்பட்ட இறைச்சி பொருட்கள்

பேகன், சாசேஜ் மற்றும் வேறு இறைச்சிகள் ஆகிய தயாரான இறைச்சி பொருட்களுக்கு நீண்ட நாட்கள் அவற்றை கெடாது பாதுகாக்க அதிக உப்பு தேவைப்படுகிறது. அதற்கு பதில், நீங்கள் புதிய உணவை உண்ண வேண்டும் மேலும் நீங்கள் இறைச்சியை சாப்பிட்டால், பிறகு ஏதாவது கசாப்பு கடையில் புதிய இறைச்சியை வாங்கவேண்டும்.

5) மது

மது ஆரோக்கியத்திற்கு மிகவும் நல்ல விஷயமாக கருதப்படவில்லை ஆனால் அது குறிப்பாக உயர் இரத்த அழுத்தம் உள்ள மக்களுக்கு தீங்கு விளைவிக்கும். மதுவில் அதிக சக்கரை நிறைந்திருக்கும் அல்லது அது சக்கரையில் அல்லது மற்ற பானங்களில் கலந்து வைத்திருக்கலாம். மது அருந்துவது உடல் வறட்சிக்கு வழிவகுக்கும் மேலும் அது உடல் எடை அதிகரிக்கவும் காரணமாகும். இவ்விரண்டும் மக்களுக்கு உயர் இரத்த அழுத்ததிற்கு அபாயகரமானது.

6) பேக்கரி பொருட்கள்

பாஸ்டரிஸ், குக்கீஸ், கேக்ஸ், டோனட்ஸ் மற்றும் வேறு பேக்கரி பொருட்கள் சக்கரை நிறைந்தும் மற்றும் கொழுப்பு நிறைந்தும் இருக்கிறது. வெளியே சாப்பிடும்போது, முழு மேசைக்கும் ஒரு தட்டு இனிப்புகளை பகிரவும் அதனால் நீங்கள் உங்களுக்கு தேவையானதை விட அதிகம் உண்ண மாட்டீர்கள். ஆப்பிள், பேரிட்சை, சுத்தமான பனை சாறு, கலப்படமில்லாத தேன், மேலும் தேங்காயில் செய்த சக்கரை போன்றவற்றால் சாஸ் செய்து, வீட்டில் சமைக்கலாம். இவை அனைத்திலும் கிளைசெமிக் அளவு குறைவாக இருக்கிறது மேலும் ஆன்டிஆக்சிடன்ட்ஸ், எலெக்ட்ரோலைட்ஸ் மற்றும் ஊட்டச்சத்து போன்ற வேறு முக்கியமானவைகளையும் தருகிறது.

7) மென் பானங்கள்

அதிக சக்கரை உணவிற்கு ஈடாக ஒரே ஒரு பாட்டில் சோடா/கார்போனேட்டட் பானம் உங்களை போதுமானவரை பாதிபிற்குள்ளாகும். உங்கள் ஆற்றலை காஃபினேடட் சோடா அருந்தியதும்  உடனடியாக ஊக்கப்படுத்தும், ஆனால் இந்த உணர்வு சிறிது நேரத்திற்குத்தான். கொஞ்சம் இனிப்பான டீ அல்லது காபியால், உங்களுக்கு சரியான அளவு காஃபின் கிடைக்கும் மேலும் மென் பானங்களைவிட இவை சிறந்த தேர்வாகும். உடனடி ஆற்றலையும் மற்றும் புத்துணர்ச்சியையும் கிடைக்க, சில பழ சாறுகள் அல்லது குளிர்ந்த நீரில் புதினா ஆகியவற்றை குடிக்க முயற்சிப்பது மேலும் சிறந்தது.

உங்கள் ஆரோக்கியம் உங்கள் கையில் உள்ளது. ஒரு சில நொடிகள் நல்ல சுவைக்காக உங்கள் ஆரோக்கியத்தை அபாயத்தில் தள்ளாமல் இருப்பது சிறந்தது. இந்த செயல்முறை சில நேரம் எடுக்கும் ஆனால் விரைவில் நீங்கள் புதிய சுவையை ஏற்றுக்கொண்டால் சிறப்பாக உணர்வதை கண்டுபிடிப்பீர்கள்.

படத்தின் ஆதாரம்: பிக்ஸாபே, விக்கிபீடியா காமன்ஸ், மாக்ஸ்பிக்ஸெல், பிலிக்கர்,பிஎக்ஸ்ஹியர், பெக்செல்ஸ்.

சிறுநீர் கழிப்பதை நீங்கள் ஏன் கட்டுப்படுத்தக் கூடாது?

நீங்கள் கழிப்பிடத்திற்கு அடிக்கடி போகத்தான் வேண்டும்! சிறுநீர்ப்பை சிறுநீரால் பாதி-நிரம்பியதும், அது மூளைக்கு ஒரு சிக்னல் அனுப்பி விடும். மூளை சிறுநீர்ப்பையிடம் சிறுநீர் கழிக்கும் உந்துதலை கட்டுப்படுத்த கூறும்போது, பின் க கழிப்பிடத்திற்கு செல்ல நமக்கு சொல்லும்.

ஒரு ஆரோக்கியமான முதிர்ந்த சிறுநீர்ப்பை இரண்டு கப் சிறுநீரை நிறுத்திக் கொள்ளும். எனினும், சிறுநீர் உந்துதலை வழக்கமாக கட்டுப்படுத்திக்கொண்டே இருப்பது ஒரு நல்ல யோசனையே கிடையாது. ஏன் என்று இங்கே பார்க்கலாம்:

1) வலி தரும்

சிறுநீர் உந்துதலை வழக்கமாக கட்டுப்படுத்திக்கொண்டிருக்கும் மக்கள், சிறுநீரகத்திலோ அல்லது சிறுநீர் பையிலோ வலியை உணரலாம். சில சந்தர்ப்பங்களில் ஒருவர் இறுதியாக சிறுநீர் உந்துதலுக்கு இசைந்து சிறுநீர் கழித்தார் என்றால், அவர்கள் சிறுநீர் கழிக்கும்போதும் வலியை உணருவார்கள்.

2) சிறுநீர் பாதை நோய்த் தொற்றுகள்(யுடிஐஸ்)

யுடிஐஸ் பாக்டீரியா சிறுநீர் பை திசுக்களை பிடித்துக் கொள்ளும்போது ஏற்படுகிறது. சில சமயங்களில் சிறுநீர் கழிக்கும் உந்துதலை அடக்குவது பாக்டீரியா அளவில் பெருகும் ,மேலும் சிறுநீர் பாதை முழுவதும் பரவும், அதன்மூலம் யுடிஐ வர காரணமாகிறது. மருத்துவர்கள் உங்களுக்கு அடிக்கடி யுடிஐஸ் வரும் வரலாறு இருந்தால், நீங்கள் சிறுநீர் கழிக்கும் உந்துதலை அடக்குவது கூடாது என்று கூறுகிறார்கள்.

சில பொதுவான யுடிஐஸ் அறிகுறிகள்:

• சிறுநீர் கழிக்கும் போது எரிச்சல்/கொட்டும் உணர்ச்சி
• அடி வயிற்றில் வலி
• சிறுநீர் பையை வெறுமையாக்க இடையறாத உந்துதல்
• வலுவான/கெட்ட சிறுநீர் நாற்றம்
• மந்தமான, பாதி-வண்ணம் அல்லது இருண்ட சிறுநீர்
• சிறுநீரில் இரத்தம்

3) சிறுநீர் பை நீட்சி

வழக்கமாகவே வெகு நாட்களாக, சிறுநீர் கழிக்கும் உந்துதலை அடக்குவது, சிறுநீர் பையின் தசைகளின் நீட்சிக்கு காரணமாகும். ஒருமுறை நீண்டுவிட்டால், சிறுநீர் பைக்கு சுருங்கவும் மற்றும் இயற்கையாக சிறுநீர் வெளியிடவும் மிகவும் கடினமாகும். தீவிரமான வழக்குகளில், சிறுநீர் நீக்கும் குழாய் போன்ற கூடுதல் நடவடிக்கைகள் பயன்படுத்த வேண்டி இருக்கும்.

4) இடுப்பு தள தசைநார்களில் சேதம்

சிறுநீர் தேக்கி வைப்பது இடுப்பு தள தசைகளை சேதப்படுத்தும். இதனால் பாதிப்பிற்குள்ளாகும் ஒரு தசை சிறுநீர்க்குழாய் சுருக்குத்தசையாகும். சிறுநீர் கசிவதை தடுக்க சிறுநீர்க்குழாய் சுருக்குத்தசை சிறுநீர் குழாயை மூடி வைக்கிறது. இந்த தசையில் சேதம் ஏற்படுவது சிறுநீர் அடங்காமைக்கு காரணமாகும், அதாவது, சிறுநீர் கசிவு விருப்பமின்றி ஏற்படும். எனினும், கெகல் பயிற்சி (இடுப்பு தள பயிற்சி) செய்வது இந்த தசைகளை உறுதியாக்கும், சிறுநீர் கசிவை தடுக்கும் மேலும் தசை இழப்பை பழுது பார்க்கும்.

5) சிறுநீரக கற்கள்

சிறுநீர் யூரிக் அமிலம் மற்றும் கால்சியம் ஆக்சாலேட் ஆகிய கனிமங்களை கொண்டது. அதிக கனிமங்களை உள்ளடக்கிய சிறுநீர் உள்ள மக்கள் அல்லது சிறுநீரகத்தில் கற்கள் வரலாறு கொண்ட மக்கள், அவர்கள் கழிப்பிடத்திற்கு செல்லும் உந்துதலை கட்டுப்படுத்தினால் சிறுநீர் கற்களால் மிகவும் பாதிக்கப்படுவார்கள்.

இந்த பாதிப்புகள் இருந்த போதும், சில நேரங்களில் சூழ்நிலைகள் உங்களுக்கு ஒரு சுத்தமான கழிப்பிடம் கண்டு பிடிப்பது முடியாமல் போகிறது. உங்களுக்கு சிறுநீர் கழிக்கும் உந்துதலை கட்டுப்படுத்துவதை தவிர வேறு வழி இல்லாமல் போகிறது, மேலும் அப்படி செய்ய குறிப்பிட்ட வழிகள் இருக்கிறது:

• உங்கள் மூளையை ஈடுபட வைக்கும் குறுக்கெழுத்து போட்டி அல்லது விளையாட்டு போன்ற பணியில் உங்களை ஈடுபடுத்துங்கள்  
• இசையை கேளுங்கள்
• நீங்கள் ஏற்கனவே அமரும் நிலையில் இருந்தால், அதே நிலையில் இருங்கள்
• ஒரு புத்தகம் படிக்கவும்
• பொது ஊடகத்தை உருட்டி பாருங்கள்
• உங்களை வெது வெதுப்பாக வைக்கவும்

ஆதாரங்கள்: எவ்வெரிடே ஹெல்த், ஹெல்த்லைன், மெடிக்கல் நியூஸ் டுடே, பாம்பெர்ஸ், டைம் மகசின், வெரிவெல் ஹெல்த்

இயற்கையான பொருட்களைப் பயன்படுத்தி காலை சருமபராமரிப்பு செயல்முறை

ஒவ்வொரு பெண்ணும் அவருடைய சருமம் மென்மையாகவும், ஆரோக்கியமாகவும் மற்றும் பிரகாசமாகவும் இருக்க விரும்புவர். இதை உறுதி செய்ய, ஒரு சரியான சருமபராமரிப்பு செயல்முறை-காலை மற்றும் இரவு என இரண்டு நேரங்களிலும் பெண்களுக்கு மிகவும் முக்கியம். சருமபராமரிப்பு என்று வரும்போது, இயற்கையான பொருட்களை எதுவும் அடித்துக்கொள்ள முடியாது.

ஒரு காலை சருமபராமரிப்பு செயல்முறை கிளென்சிங், டோனிங் மற்றும் மாய்ஸ்ட்டரைசிங் ஆகியவற்றை உள்ளடக்கியதாக இருக்க வேண்டும். இவை ஒவ்வொன்றிற்கும் நீங்கள் பயன்படுத்தகூடிய  இயற்கையான பொருட்கள் இவைதான்.

கிளென்சிங்

முதலில், தினசரி நீங்கள் முகத்தை கழுவ உங்கள் சருமத்திற்கு சிறப்பாக  பொருந்துமாறு இருப்பதை பயன்படுத்துங்கள். எனினும், வாரத்தில் ஒன்று அல்லது இரண்டுமுறை, உங்கள் சருமம் தளர வைக்க குறித்துக் கொள்ளுங்கள். அதற்கு பயன்பட இங்கே ஒரு சில இயற்கை பொருட்கள்:

1) சக்கரை

சக்கரை பெரும்பாலான முக பூச்சிற்கு அடித்தளமாக இருக்கிறது. சக்கரை உங்கள் சருமம் தளரவும் மற்றும் மென்மையாகவும் இருக்க உதவுகிறது, அது இயற்கையாக நாள் முழுவதும் புதியதாக வைக்கும். ஒரு தளரும் பூச்சை எளிதாக வீட்டிலேயே செய்யலாம். நான்கு எலுமிச்சை பழங்களின் சாரைப்பிழிந்து, இரண்டு தேக்கரண்டி சக்கரை சேர்த்து மேலும் நன்றாக அதை கலக்கவும்.

இப்போது, முகப்பூச்சை எடுத்து மேலும் சக்கரை துகள்கள் கரையும்வரை உங்கள் முகத்தில் மெதுவாக அதை மசாஜ் செய்யவும்.

இதற்குப்பின், தண்ணீரில் முகத்தை கழுவுங்கள் மேலும் நீங்கள் இப்போது வெளியே செல்வதற்கு நான்றாக இருக்கிறீர்கள்!

2) புல்லர்ஸ் எர்த் (முல்தானி மிட்டி)

புல்லர்ஸ் எர்த், அல்லது பொதுவாக முல்தானி மிட்டி என்று அழைக்கப்படுவது, சருமத்திற்கு மிகவும் நல்லது. முல்தானி மிட்டி சருமத்தில் இருக்கும் மிகுதியான எண்ணையை நீக்குகிறது மேலும் சருமத்தில் இருக்கும் அழுக்கு, வியர்வை மற்றும் அசுத்தங்களை நீக்கி ஆழமாக சுத்தம்செய்கிறது. இயற்கையிலேயே கிருமி நாசினியான முல்தானி மிட்டி கருமுள் மற்றும் முகப்பருக்களை கட்டுக்குள் வைக்க உதவுகிறது.

முல்தானி மிட்டியை ரோஸ் வாட்டர், கிலிசெரின் அல்லது பால் ஆகியவற்றை கலந்து அதை உங்கள் முகத்தில் தடவுங்கள். இந்த பூச்சு காய்ந்ததும், வெதுவெதுப்பான நீரில் அதை கழுவவும் மேலும் உங்கள் சருமத்தை தட்டி உலரத்துங்கள்.

டோனிங்

உங்கள் முகத்தில் ஈரமூட்டியை தடவுவதற்கு முன், உங்கள் முகத் தொனியை(டோன்) உருவாக்க குறித்துக்கொள்ளுங்கள். இதற்காக உங்களுக்கு உதவும் இயற்கையான பொருட்களை கீழே காணலாம்:

1) ரோஜா தண்ணீர்

காட்டன் பந்துகளை ரோஜா தண்ணீரில் முக்கவும் மேலும் உங்கள் சருமத்தில் அதை மெதுவாக தடவவும். ரோஜா தண்ணீர் ஒரு இயற்கை தொனி ஊக்கி மேலும் உங்கள் சருமத்திற்கு மிகவும் நன்மை தரும்.  ரோஜா தண்ணீர் சருமத்தின் பிஎச் சமநிலையை நிர்வகிக்க உதவும் மற்றும் மிகையான எண்ணெய்யை கட்டுப்படுத்தும். ரோஜா தண்ணீர்

ஆன்டி-அழற்சி மற்றும் கிருமி நாசினியாக இருப்பதால், சரும சிவப்புத்தன்மை, சரும அழற்சி ஆகியவற்றை குறைக்கவும் மற்றும் பருக்களை தடுக்கவும்கூட அது உதவுகிறது. சருமத்தை நீரோட்டமாகவும்

மற்றும் ஈரப்பதமாகவும்கூட ரோஜா தண்ணீர் வைக்கிறது, அது உங்கள் சருமத்தை புத்துணர்ச்சியாகவும் மற்றும் உயிர்பிக்கவும் உதவுகிறது.

2) கற்றாழை (அலோ வேரா) ஜெல்

சரும பராமரிப்பு என்று வரும்போது புதிய கற்றாழையை அடித்துக்கொள்ள எதுவும் இல்லை! கற்றாழையை, ‘அழிவில்லாத தாவரம்’ என்று அதிகமாக குறிப்பிடப்படுகிறது, அது உடையும்போது ஒரு தெளிந்த ஜெல்லை சுரக்கிறது. இந்த ஜெல் உங்கள் சருமத்தில் நேரடியாக உபயோகிக்கலாம்.

கற்றாழை உங்கள் சருமத்தை பிசுக்கு ஆக்காமல், ஈரமாக்குகிறது. கற்றாழை ஜெல் ஒரு இனிமையான தன்மையை சருமத்தின் மீது தருகிறது மேலும் சரும அழற்சி மற்றும் பருக்களுக்கு சிகுச்சை அளிக்க உதவுகிறது. மேலும் அது புண்களையும் மற்றும் தீக்காயங்களையும் குணப்படுத்தவும் உதவுகிறது.

3) பச்சை பால்

பச்சை பால் சருமத்திற்கு மிகவும் நல்லது. ஒரு பஞ்சு பந்தை பச்சை பாலில் முக்கி பின் உங்கள் முகம் முழுவதும் அதை ஒத்தி எடுக்கவும்.

ஒரு புதிய பஞ்சு பந்தை பயன்படுத்தி, உங்கள் சருமத்தில் ஒரு வட்ட வடிவத்தில் துடைக்கவும். உங்கள் முகத்தில் இருந்து எத்தனை அழுக்குகள் உண்மையில் துடைத்து எடுக்கப்படுகிறது என்று நீங்கள் பார்த்தால் வியப்படைவீர்கள்!

மாய்ஸ்ட்டரைசிங்

உங்கள் சருமத்தை கிளென்சிங் மற்றும் டோனிங் செய்த பின், சருமம் நாள் முழுவதும் நன்கு நீரேற்றமாகவும் மற்றும் ஈரப்பதமாகவும் இருப்பதாய் உறுதி செய்ய அதை  மாய்ஸ்ட்டரைசிங் செய்வது முக்கியம். இந்த இடத்தில் கீழே குறிப்பிட்டுள்ள இயற்கையான பொருட்களை பயன்படுத்துங்கள்:

1) தேங்காய் எண்ணெய்

தேங்காய் எண்ணெய் முடிக்கு சிறந்தது மட்டுமன்றி, மேலும் அது சருமத்திற்கும்கூட சிறந்ததாகும்!

சரும செல்களை சரி செய்யவும் மற்றும் மீட்டெடுக்கவும் தேங்காய் எண்ணெய் மிகவும் சிறந்தது. எண்ணெய் உங்கள் முகம் பிசுபிசுப்பாக்காமல், எளிதாக சருமத்தின் ஆணிவேருக்குள் உறிஞ்சப்படுகிறது. அது சரும ஈரப்பதத்தில் மாட்டிக்கொண்டு மேலும் சருமத்தின் இயற்கையான பழுது பார்க்கும் செயல்பாட்டு வேலியை உறுதிபடுத்துகிறது.

2) பால் கிரீம் (மலாய்)

எல்லா சரும இன்னல்களுக்கும் மற்றும் பிரச்சனைகளுக்கும் மலாய் மிகவும் பயனுள்ள தீர்வாக நம்பப்படுகிறது. அது வறண்ட, கிழிந்த அல்லது மந்தமான சருமமாக இருக்கட்டும்-இப்படி எல்லா வகையான சருமத்திற்கும் மலாய் ஒரு சிறந்த வீட்டு தீர்வாகும்!

மலாய் ஒரு இயற்கை தோல் வெளியேற்றியாக செயல்படுகிறது மற்றும் இறந்த தோல் செல்களை நீக்கவும் உதவுகிறது. மலாயை ஒரு தேக்கரண்டி தேனுடன் கலந்து உங்கள் முகத்தில் தடவுங்கள். 20 நிமிடங்கள் அப்படியே விட்டுவிடுங்கள் பிறகு அதை கழுவி எடுக்கவும். இது உங்கள் சருமத்தை ஈரப்பதமாக வைத்து மேலும் அதை, குறிப்பாக குளிர் காலங்களில் வறண்டு போகாமல் இருக்கவும் பாதுகாக்கிறது.

3) பசு நெய்

சருமத்திற்கு சுத்தமான பசு நெய் ஒரு இயற்கையான ஊட்டச்சத்து தரும் பொருள். நெய் உங்கள் சருமம் மென்மையாகவும் மற்றும் மிருதுவாகவும் ஆக்குகிறது.

அது உங்கள் சருமத்தை இயற்கையாகவே ஊட்டம் அளிப்பதால், சருமத்திற்கு நெய் ஒரு நல்ல ஈரப்பதம் கொடுக்கும் பொருள் மற்றும் வெவ்வேறு வகையான சருமங்களுக்கும் மிகவும் பொருத்தமானது. நெய்யில் கொழுப்பு அமிலம் இருக்கிறது அது தோல் செல்களை நீரேற்றமாக இருக்க உதவுகிறது. இந்த பொருளும் சருமத்தில் முதுமை அடையும் விளைவிற்கு எதிராக செயல்படுகிறது.

அதனால் அந்த இரசாயனங்களுடன் வரும் எல்லாவிதமான லோஷன்களையும் மற்றும் கிரீம்களையும் பயன்படுத்துவதைவிட, உங்கள் கற்பனை சருமத்தைப் பெற இந்த இயற்கையான பொருட்களை பயன்படுத்துங்கள்!

ஆதாரங்கள்: பெல்லாடொரி, கறி நேஷன், டெர்ம்ஸ்டார், எல்லே, எவெரெட் ஹெரால்ட், பர்ஸ்ட்கிரை பாரென்ட்டிங், ஹிஅலி ஈட்ஸ் ரியல், இந்தியா.காம், இந்தியாமார்ட், எம்பிஜி லைப்ஸ்டைல், என்டிடிவி புட், ஆர்கானிக் பாக்ட்ஸ், தி எகனாமிக் டைம்ஸ்.