કાજુ મખાના કરી વીથ ચીઝ ગાલિક નાન

સૌપ્રથમ નાન માટે ની સામગ્રી ભેગી કરી દૂધ થી સોફટ કણક બાધો. 5 મિનિટ સુધી મસળીને ઢાંકી દો.15 મિનિટ રેસ્ટ આપ્યા બાદ લૂઆ પાડી તેને પણ ઢાંકી ને 15 મિનિટ રેસ્ટ આપો. હવે એક લૂઓ લઈને થોડો થેપીને અંદર ચીઝની છીણ સ્ટફ્ડ કરો.ફરી થી લૂઓ બનાવી ચપટો કરી તેના પર લસણ અને કોથમીર દબાવીને લંબગોળ વણી લો. વણતી વખતે બહુ અટામણ ન વાપરવું. તેલનો ઉપયોગ બિલકુલ ના કરવો. નાન ઉઠાવી કોથમીર ના પાછળ ના ભાગ પર પાણી લગાવી તાવી પર ચોટાડી દો.ફાસ્ટ ગેસ કરી 2 મિનિટ રાખી તાવી ગેસ પર ઉધી કરી શેકી લો.તાવી પરથી ઉતારી બટર લગાવી સવૅ કરો.

સૌપ્રથમ એક કઢાઈમાં થોડું ઘી મૂકી મખાના શેકી લો. ક્રિસ્પી શેકવા. ત્યારબાદ કાજુને થોડા પાણી માં પલાળી દો.20 મિનિટ પલાળવા. એક કઢાઈમાં તેલ લઈ તેમા ડુંગળી સાતળી લો.ગુલાબી રંગની થાય એટલે લસણ આદું ની પેસ્ટ 2 મિનિટ સુધી સાતળો. ટામેટાં ઉમેરો. મીઠું ઉમેરો. સાતળી ને એકદમ સોફટ કરવા. હવે તેમાં હળદર, ધાણાજીરું, લાલમરચુ, જીરુઉમેરીં તેલ છૂટે ત્યાં સુધી સાતળી લો.બિલકુલ ઠંડું કરી લો.ત્યારબાદ જરૂર મુજબ પાણી ઉમેરી પીસી લો અને ગાળી લો. હવે ગ્રેવી ને કઢાઈમાં લઈ ઉકાળો. ઉકળવા માડે એટલે તેમાં પાણી સાથે જ કાજુ ઉમેરી ઢાંકી ને 10 મિનિટ થવા દો.હવે તેમાં ગરમ મસાલો અને ક્રિમ ઉમેરો. મખાના ઉમેરી 5 થી 7 મિનિટ થવા દો.કોથમીર ભભરાવી સવૅ કરો.