પનીર અને ચીઝ ભરેલા પરવળ ઈન પાલક પનીર ગ્રેવી.

How to make Stuff pointed gaurd with palak paneer gravy. in gujarati

1. પરવળને છોલીને પાર બોઈલ કરી દો.વચ્ચે એક ઉભો કાપ પાડવો. (અધકચરા બાફી લો.)
2. પાણીમાં થી કાઢીને ઠંડા પાણીમાં ધોઈ લો.
3. બાજુ માં થોડી વાર રહેવા દો.
4. છીણેલું પનીર અને ચીઝ લઈ મરી, સહેજ મીઠું, લીલા મરચાં સમારેલા, કોથમીર મીક્સ કરી ભરવા માટે નો મસાલો તૈયાર કરો.
5. પરવળ માં મસાલો ભરી દો.
6. કડાઈમાં થોડું તેલ મૂકી શેલો ફ્રાય કરી લો.(આછા આછા તળી લો.)
7. બાજુ માં રાખી દો.
8. પાલક, કોથમીર અને ફુદીનાના પાન મીક્સ કરી પાર બોઇલ (par boil) કરી દો.મરી પાવડર ,લીલું મરચું અને આદું ને મીઠું નાખવું..
9. ઠંડા પાણીમાં ધોઈ પાણી નીતરી જાય એટલે મિક્સરમાં પેસ્ટ બનાવી દો.
10. ડુંગળી, લસણ, ટામેટાં, મરચું, આદું ની પણ પેસ્ટ બનાવી લો.
11. કડાઈમાં તેલ મૂકી જીરું ને હીંગ મુકો.
12. તતડી જાય એટલે ડુંગળી ટામેટાં ની પેસ્ટ ઉમેરી સાંતળી લો.
13. રુટીન મસાલા નાખી દો.
14. સહેજ પાણી રેડી ને પાંચેક મીનીટ થવા દો.
15. તેલ છુટું પડે એટલે પાલક ની પેસ્ટ ઉમેરી સાંતળી લો.
16. પરવળ ભરવા માટે બનાવેલ પનીર નો વધેલો મસાલો પણ ઉમેરો.
17. મસાલો ના વધ્યો હોય તો છીણેલું પનીર ઉમેરો.
18. ભરેલા પરવળ ઉમેરી , મીઠું નાંખી દો.
19. થોડું પાણી ઉમેરીને પાંચેક મીનીટ ઢાંકી ને ચડવા દો.
20. શાક ને ગરમાગરમ રોટલી સાથે પીરસો.