Name: Mohanthal recipe by Hetal Sevalia in Gujarati at BetterButter
Prep time: 10 min
Cook time: 30 min
Total time: 40 min
Yield: 4
Ingredients: 4 કપ બેસન; 3 ટેબલ સ્પૂન ઘી; 3 ટેબલ સ્પૂન દૂધ; 1 કપ +1/4 કપ ઘરની મલાઈ; 1/2 કપ ઘી; 2+3/4 કપ સુગર; 20 તાતણા કેસર; 1 ટી.સ્પૂન એલચી પાવડર; બદામ ની કતરણ જરૂર મુજબ

એક થાળીમાં બેસન ચાળી લો.હવે એક તપેલીમાં 3 ટેબલ સ્પૂન ઘી અને 3 ટેબલ સ્પૂન દૂધ ગરમ કરો ઘી પીગળી જાય એટલે નીચે ઉતારી બેસન માં ઉમેરો. હાથ થી બરાબર મસળી લો.હાથથી લોટ દબાવી લઇ ઢાંકી ને 15 મિનિટ રેસ્ટ આપો.ચોખા ચાળવા ના ચારણી થી ચાળી લો.

હવે એક કઢાઈમાં મલાઈ ઉમેરી તેને ગરમ કરો. ઘી અને માવો છૂટો પડે એટલે નીચે ઉતારી લો. માવો લાલ ન કરવો.કુમળો જ રાખવો.તેને ગાળી લો.

હવે મલાઈ માં થી નીકળેલા ઘી ને કઢાઈમાં લઈ બીજું 1/2 કપ ઘી ઉમેરો.બેસન ઉમેરો. ઢીલું પડે એટલે મલાઈ નો માવો ઉમેરી ગોલ્ડન શેકી લો. એલચી પાવડર ઉમેરી નીચે ઉતારી લો.જો શેકતી વખતે ઘી ઓછું લાગે તો ઉમેરી શકાય.

હવે એક કઢાઈમાં સુગર ઉમેરી સુગર ડૂબે એટલું પાણી ઉમેરી લો.કેસર ઉમેરો. એક તાર ની ચાસણી કરો.હવે નીચે ઉતારી બેસન ઉમેરી સતત હલાવતા રહો.ઘટ્ટ થાય એટલે ગ્રીસ કરેલી થાળીમાં પાથરી દો. ઉપર થી બદામ ની કતરણ ભભરાવી દો.

4 થી 5 કલાક સુધી થરવા દો.પછી કાપા પાડી પીસ કાઢી લો.