Name: Thukpa soup recipe by Shraddha Patel in Gujarati at BetterButter
Prep time: 5 min
Cook time: 10 min
Total time: 15 min
Yield: 2
Ingredients: 100 ગ્રામ નુડલ્સ; જરૂર મુજબ પાણી; સ્વાદ પ્રમાણે મીઠું; એક ચમચી આદુ અને લસણ ની પેસ્ટ; અડધો કપ લાબું સમારેલું કોબી; અડધો કપ લાબું સમારેલું ગાજર; બે ચમચી ઝીણા સમારેલા કેપ્સિકમ; બે ચમચી સોયા સૉસ; એક ચમચી મરી પાવડર; અડધો કપ લાંબા સમારેલ લીલી ડુંગળી ના પાન; અડધો કપ મોટા કાપેલા પાલક ના પાન; બે ચમચી તેલ

થુકપા સૂપ રેસીપી વિશે

થુકપા સૂપ ને નુડલ્સ સુપ અથવા મોમો સૂપ તરીકે પણ ઓળખવામા આવે છે. આ એક તિબેટીઅન ડીશ છે. ઠંડી મા આ સૂપ ખુબજ ગુણકારી છે. શરદી ના દર્દીઓ માટે આ સૂપ ખુબ ફાયદાકારક છે.

સામગ્રી સર્વિંગ: 2

100 ગ્રામ નુડલ્સ
જરૂર મુજબ પાણી
સ્વાદ પ્રમાણે મીઠું
એક ચમચી આદુ અને લસણ ની પેસ્ટ
અડધો કપ લાબું સમારેલું કોબી
અડધો કપ લાબું સમારેલું ગાજર
બે ચમચી ઝીણા સમારેલા કેપ્સિકમ
બે ચમચી સોયા સૉસ
એક ચમચી મરી પાવડર
અડધો કપ લાંબા સમારેલ લીલી ડુંગળી ના પાન
અડધો કપ મોટા કાપેલા પાલક ના પાન
બે ચમચી તેલ

સૂચનાઓ

સૌ પ્રથમ એક વાસણ મા પાણી ઊકળવા મૂકો, તેમાં એક ચમચી તેલ અને સ્વાદ પ્રમાણે મીઠું ઉમેરી નુડલ્સ ઉમેરો. હવે નુડલ્સ ને ચાર થી પાંચ મિનિટ માટે ઊકળવા દો.
નુડલ્સ થાય ત્યાં સુધી કોબી, ગાજર, કેપ્સિકમ, પાલક અને લીલી ડુંગળી ના પાન કાપી લો.
નુડલ્સ થાય એટલે એને બીજા વાસણ મા નિતારી લેવા અને નુડલ્સ નું પાણી પણ રાખવું જેનો ઉપયોગ સૂપ મા કરીશું.
હવે એક સૂપ બનાવવા ના વાસણ મા અથવા તો કઢાઈ મા એક ચમચી તેલ લઇ ગરમ કરો. (સૂપ બનાવવા ની આખી પ્રક્રિયા ઊંચી આંચ પર જ કરવી ).
તેલ ગરમ થાય એટલે આદુ અને લસણ ની પેસ્ટ ઉમેરો અને અડધી મિનિટ માટે સાંતળો. ત્યારબાદ કોબી, ગાજર, કેપ્સિકમ, પાલક અને લીલી ડુંગળી ના પાન ઉમેરો અને ચપટી મીઠું નાખો. અને અડધી મિનિટ માટે સાંતળો.
હવે એમાં મરી પાવડર અને સોયા સૉસ ઉમેરો અને એક મિનિટ માટે સાંતળો. ત્યારબાદ તેમાં નુડલ્સ નું પાણી ઉમેરો અને બરાબર મિક્સ કરી બે મિનિટ ઉકાળો.
હવે એક સર્વિંગ બોલ મા નુડલ્સ લઇ તેના પર સૂપ ઉમેરો અને ગરમાગરમ સર્વ કરો.

સમાન વાનગીઓ