ઈનસ્ટંટ ગ્રીન ઢોકળા

સૌ પ્રથમ મગ ની દાળ ને 2-3પાણી થી ધોઇ લો અને તેને ડુબે એટલુ પાણી નાખી ને 3 કલાક માટે પલાળી દો.

ત્યાર બાદ પલાળેલી દાળ માથી થોડુ પાણી કાઢી તેને મિકસર ના જાર મા લઇ લો તેમા લીલા મરચાં આદુ અને કોથમીર ઉમેરી તેને કરકરુ પીસી લો

આ બેટર બહુ પાતળુ ના રાખવુ, તેને પીસી ને એક બાઉલમાં મા લઇ લો. તેમા ચણા નો લોટ, દહી, મીઠુ ઉમેરી ને બરાબર મિક્સ કરી લો.

ત્યાર બાદ તેમાં એક પેકેટ ઈનો સોડા નાખી તેના ઉપર અડધુ લીંબુ નીચોવો અને તેને એકદમ ફટાફટ મિકસ કરી લો આ પ્રક્રિયા કરતા પહેલાં એક કડાઈમાં માં ઢોકળા ની થાળી મા થોડુ તેલ લગાવીને ને પ્રીહીટ કરવા માટે મુકી દો.

હવે આ તૈયાર કરેલા મિશ્રણ ને પ્રીહીટ કરેલી થાળી મા રેડી તેને ઢાંકણ ઢાંકી ને 15 મિનીટ સુધી સ્ટીમ કરો.

હવે ઢોકળા ને ચપુ વડે ચેક કરી લો અને જો આ ચપુ ક્લીન બહાર આવે તો સમજવું કે ઢોકળાં તૈયાર છે, આવી જ રીતે બીજી થાળી ઢોકળાં પણ બનાવી લો.

ત્યાર બાદ એક વઘારીયા મા 2-3 ટેબલસ્પૂન તેલ ગરમ કરીને તેમાં રાય અને જીરુ તથા તલ નાખી, ચપટી હીંગ,લીમડા ના પાન નાખી ને આ વઘાર તૈયાર થયેલી ઢોકળાં ની થાળી પર રેડી દો, અને તેના પર કોથમીર અને કોપરા ના ખમણ થી ગારનીશ કરી ને ગરમા ગરમ તીખી મીઠી ચટણી સાથે સર્વ કરો.

આશા છે તમને મારા ઈનસ્ટંટ ગ્રીન ઢોકળા પસંદ આવ્યા હશે