Name: Khada pau bhaji recipe by Shraddha Patel in Gujarati at BetterButter
Prep time: 10 min
Cook time: 30 min
Total time: 40 min
Yield: 4
Ingredients: ત્રણ નંગ બટાકા; બે નંગ બારીક સમારેલા ટામેટા; એક કેપ્સિકમ બારીક સમારેલુ; ફ્લાવર ના 12-15 ફુલ; એક કપ ફણસી; એક કપ વટાણા; અડધી દૂધી; એક ટુકડો આદુ; ત્રણ ચમચી કાશ્મીરી લાલ મરચા ની પેસ્ટ; ચાર ચમચી બટર; એક ચમચી ધાણા જીરું પાવડર; એક ચમચી લાલ મરચું પાવડર; એક ચમચી હળદર; સ્વાદ પ્રમાણે મીઠું; એક ચમચી પાઉં ભાજી મસાલા; ત્રણ ચમચી બારીક સમારેલી કોથમીર; એક લીંબુ નો રસ

ખડા પાઉં ભાજી રેસીપી વિશે

પાઉં ભાજી ની વાત કરીએ તો ઘણા પ્રકારે બનાવાઈ છે જેમ કે જૈન પાઉં ભાજી, ખડા પાઉં ભાજી, બ્લેક પાઉં ભાજી, ગ્રીન પાઉં ભાજી વગેરે વગેરે. એમાં પાઉં ભાજી હોય તો મુંબઈ ની તો યાદ આવી જ જાય. તો એવી આ મુંબઈ ની પ્રખ્યાત ખડા પાઉં ભાજી છે જે અહીં લસણ ડુંગળી વગર ની બનાવી છે. તમે પણ જરૂર થી ટ્રાઈ કરજો.

સામગ્રી સર્વિંગ: 4

ત્રણ નંગ બટાકા
બે નંગ બારીક સમારેલા ટામેટા
એક કેપ્સિકમ બારીક સમારેલુ
ફ્લાવર ના 12-15 ફુલ
એક કપ ફણસી
એક કપ વટાણા
અડધી દૂધી
એક ટુકડો આદુ
ત્રણ ચમચી કાશ્મીરી લાલ મરચા ની પેસ્ટ
ચાર ચમચી બટર
એક ચમચી ધાણા જીરું પાવડર
એક ચમચી લાલ મરચું પાવડર
એક ચમચી હળદર
સ્વાદ પ્રમાણે મીઠું
એક ચમચી પાઉં ભાજી મસાલા
ત્રણ ચમચી બારીક સમારેલી કોથમીર
એક લીંબુ નો રસ

સૂચનાઓ

સૌ પ્રથમ બટાકા, દૂધી, ફણસી અને ફ્લાવર ધોઈ ને ચોરસ કટકા મા કાપી ને મીઠું નાખી બાફી લેવું સાથે વટાણા પણ ઉમેરી દેવા.
હવે એક કઢાઈ મા બટર ગરમ કરો.
ત્યારબાદ તેમાં આદુ ને છીણો અને પછી કેપ્સિકમ ના કટકા ઉમેરી સાંતળો.
ત્યારબાદ ટામેટા ઉમેરી ચઢવા દો.
બધું ચઢી જાય પછી બાકીના બાફેલા શાકભાજી ઉમેરી દો.
હવે મીઠું, હળદર, લાલ મરચું પાવડર, કાશ્મીરી મરચા ની પેસ્ટ, ધાણાજીરું પાવડર, પાઉં ભાજી મસાલા નાખી મિક્સ કરી લો.
થોડી વાર ચઢવા દો. જરૂર જણાય તો થોડું પાણી ઉમેરવું.
ત્યારબાદ લીંબુ નો રસ ઉમેરી દો અને મિક્સ કરી લો.
હવે ભાજી મા બટર અને કોથમીર નાખી પાઉં સાથે પીરસો.

સમાન વાનગીઓ