Name: Anarsha recipe by Apeksha's Kitchen in Gujarati at BetterButter
Prep time: 4320 min
Cook time: 20 min
Total time: 4340 min
Yield: 6
Ingredients: 500 ગ્રામ ચોખા; 400 ગ્રામ ખાંડ; 1 કેળું; ખસખસ; ઘી તળવા માટે

અનારશા રેસીપી વિશે

અનારશા એક મહારાષ્ટ્રીયન વાનગી છે જે દિવાળીના તહેવારોમાં ખાસ કરીને બનાવવામાં આવે છે. આ વાનગી હું મારી દાદી પાસેથી શીખી છું તેથી આ વાનગી સાથે મારી ઘણી યાદો જોડાયેલી છે.આ એક એવી વાનગી છે જે હવે સમય ની સાથે ભુલાતી જઈ રહી છે.

સૂચનાઓ

સૌપ્રથમ એક બાઉલમાં ચોખા લઈને તેને બરાબર ધોઇને 3 દિવસ માટે પલાડી ને રાખવા.
3 જા દિવસે ચોખાનું પાણી કાઢી એક ચોખ્ખા કપડાં પર કાઢી પહોળા કરી કોરા કરીલો.
ચોખા કોરા થઈ જાય એટલે તેને એક મિક્સર જાર માં લઈ બારીક પાવડર બનાવી લો.
હવે ખાંડને પણ પીસી લો.
હવે પીસેલા ચોખા અને પીસેલી ખાંડ બરાબર મિક્સ કરી લો અને તેના મોટા મોટા લાડવા બાંધી લો.
આ લાડું 6 મહિના સુધી બગડતા નથી.
હવે તેમાના એક લાડું લો અને તેમા અડધું કેળું મસળીને તેનો ઢીલો લોટ બાંધો.
એક તરફ ઘી ગરમ કરવા માટે મુકો.
એક પ્લેટમાં ખસખસ કાઢીલો.
હવે લોટ માથી એક લુવો લઇ ખસખસ પર મુકી બંન્ને આંગળીઓ વડે દબાવી ગોલ ફેરવતા ફેરવતા ગોળ પુરીનો આકાર આપો.
હવે ઘી માં નાખી તળીલો.
તૈયાર છે મહારાષ્ટ્રના ફેમસ અનારશા. દિવાળી મા બનાવી બધાના મન જીતીલો.