પાલક પનીર

સૌ પહેલા પાલકને ધોઈને સમારી લો. એક તપેલીમાં ૨ કપ પાણી લઈ પાલકને ૧૦ મિનિટ માટે બાફી લો.ગૈસ બંધ કરી પાલકને પાણી માંથી કાઢી ઠંડી પાડીને મીકસરના જારમા ખાંડ ઉમેરી પીસી લો.તૈયાર છે પાલકની પેસ્ટ.

ડુંગળીને લાંબી સમારી લો.એક કઢાઈમાં ૨ ચમચી તેલ લઈ ડુંગળી આછા ગુલાબી રંગની થાય ત્યાં સુધી સાંતળો.ગેસ બંધ કરી ઠંડી પડવા દો.

એક મીકસરના જારમાં સાંતળેલી ડુંગળી,ટામેટા,લસણ,આદુ ઉમેરી પીસીને પેસ્ટ તૈયાર કરો.

એક કઢાઈમાં તેલ ગરમ કરી તજ,તમાલપત્ર નાખી ડુંગળીની પેસ્ટ ઉમેરી ધીમી આંચે ૫ મિનિટ સાંતળો .પછી લાલ મરચુ,મીઠુ,ગરમ મસાલો,હળદર ઉમૈરો.ત્યાર બાદ પાલકની પેસ્ટ ઉમેરી ૫ મિનિટ સાંતળો.જરુર પડે તો ૧/૨ કપ પાણી ઉમેરો.

પનીરના ટુકડાને ગરમ પાણીમાં ૫ મિનિટ માટે મૂકી તૈયાર કરેલી ગ્રેવી માં નાખી દો.૫ મિનિટ માટે ધીમી આંચે પનીરને ગ્રેવીમાં મીકસ થવા દો.તેલ છુટ્ટુ પડે ત્યારે ગેસ બંધ કરી દો.

તૈયાર છે પાલક પનીર છીણેલા પનીરથી સજાવીને ગરમ ગરમ રોટલી કે નાન સાથે પીરસો.