Name: SMOKED MASALA MASOOR recipe by Deepa Rupani in Gujarati at BetterButter
Prep time: 360 min
Cook time: 20 min
Total time: 380 min
Yield: 4
Ingredients: 1 કપ મસૂર; 1/4 કપ રાજમા; 3 ડુંગળી; 3 ટામેટા; 1 ચમચો લસણ, આદુ, મરચાં પેસ્ટ; 2 ચમચા ઘી; 1/4 ચમચી જીરું; 1/4 ચમચી હળદર; 1/2 ચમચી લાલ મરચું; 2 ચમચા દાળ મખની મસાલા; મીઠું સ્વાદાનુસાર; 1 કોલસો અથવા ઠીકરું

સ્મોકેડ મસાલા મસૂર રેસીપી વિશે

આજ ના ફાસ્ટ અને મોડર્ન જમાના માં ચૂલા-સગડી ની રસોઈ ભુલાઈ ગયી છે. પણ ચૂલા-સગડી ની રસોઈ માં જે સ્વાદ સોડમ આવે એ ગેસ પર રાંધેલી વાનગી માં નથી હોતો. હવે એ સ્વાદ લાવવા આપણે રસોઈ માં કોલસો ઠીકરું ગરમ મૂકી એ સોડમ લાવવાનો પ્રયત્ન કરીએ છીએ.

સામગ્રી સર્વિંગ: 4

1 કપ મસૂર
1/4 કપ રાજમા
3 ડુંગળી
3 ટામેટા
1 ચમચો લસણ, આદુ, મરચાં પેસ્ટ
2 ચમચા ઘી
1/4 ચમચી જીરું
1/4 ચમચી હળદર
1/2 ચમચી લાલ મરચું
2 ચમચા દાળ મખની મસાલા
મીઠું સ્વાદાનુસાર
1 કોલસો અથવા ઠીકરું

સૂચનાઓ

મસૂર, રાજમા ને રાત થી પલાળી દેવા. સવારે ધોઈ ને કુકર માં બાફી લેવા.
ટામેટા ડુંગળી ને ઝીણા સુધારી લેવા.
ઘી ગરમ મૂકી,જીરું નાખવું, જીરું તતળે એટલે પેસ્ટ ને નાખી સાંતળવી.
ડુંગળી નાખી, પારદર્શક થાય ત્યાં સુધી સાંતળવી. પછી ટામેટા ઉમેરી હજી વધારે સાંતળો.
સાથે સાથે કોલસો/ઠીકરું એકદમ ગરમ થવા ગેસ પર રાખી દેવું.
હવે બધા મસાલા નાખી ને ઘી ફૂટી જાય ત્યાં સુધી સાંતળો.
પછી મસૂર, રાજમા, મીઠું અને પાણી નાખી સરખું મિક્સ કરી, ઉકાળો આવા દો.
ઉકાળો આવે એટલે ગેસ ધીમો કરી ,કુક થવા દો. વચ્ચે વચ્ચે હલાવતા રહેવું.
હવે કોલસો/ ઠીકરું એકદમ લાલ થાય ને ગરમ થઇ ગયું હશે. એને મસૂર માં એક નાની વાટકી માં સાચવી ને મુકો અને ઉપર થોડું ઘી નાખી તરત ઢાંકી દો.
થોડી મિનિટ ધીમી આંચ પર રાખી, ગેસ બંધ કરવો.
ગરમ ગરમ, રોટી, પરાઠા કે ભાત સાથે પીરસો.

સમાન વાનગીઓ