Name: SINDHI KADHI recipe by Deepa Rupani in Gujarati at BetterButter
Prep time: 10 min
Cook time: 15 min
Total time: 25 min
Yield: 4
Ingredients: 1 કપ સુધારેલા મિક્સ શાક; 10 લીમડા ના પાન; 3 લીલા મરચા; 1 ટુકડો આદુ; 6-8 ટુકડા સરગવો; 6-8 કોકમ; 1 tsp મેથી દાણા; 1 tsp જીરું; 1 ચપટી હિંગ; 1/4tsp હળદર; 2 tbsp તેલ; 2 tbsp બેસન; મીઠું સ્વાદાનુસાર

સિંધી કઢી રેસીપી વિશે

આપણે ગુજરાતીઓ ખાવાના શોખીન એટલે બધા પ્રાંત અને દેશ ની વાનગીઓ ચાખવા માટે હંમેશા તૈયાર જ હોય. પછી તે વાનગી ને પોતાના સ્વાદ અને અનુકૂળતા પ્રમાણે બનાવીએ પણ ખરા. આજે અહીં સિંધી કઢી પ્રસ્તુત કરું છું જે પરંપરાગત સિંધી કઢી ની રીત થી થોડી જુદી રીતે બનાવી છે. મુખ્ય ફેરફાર એ કર્યા છે કે મેં શાકભાજી ને ફ્રાય નથી કર્યા, તથા ખટાશ માં આમલી ને બદલે કોકમ વાપર્યા છે અને કઢી ને થોડું સ્વાસ્થ્યપ્રદ રૂપ આપ્યું છે. મેં કમલ કાકડી પણ નથી નાખી. મને આ રીતે બનાવેલી સિંધી કઢી બહુ જ પ્રિય છે. આશા છે આપ સૌ ને પણ પસંદ આવશે.

સામગ્રી સર્વિંગ: 4

1 કપ સુધારેલા મિક્સ શાક
10 લીમડા ના પાન
3 લીલા મરચા
1 ટુકડો આદુ
6-8 ટુકડા સરગવો
6-8 કોકમ
1 tsp મેથી દાણા
1 tsp જીરું
1 ચપટી હિંગ
1/4tsp હળદર
2 tbsp તેલ
2 tbsp બેસન
મીઠું સ્વાદાનુસાર

સૂચનાઓ

સૌ પ્રથમ કોકમ ધોઈ ને પાણી માં પલાળી દો. બધા શાકભાજી ધોઈ, સુધારી તૈયાર કરી લો. મરચાં ની ચીરીઓ કરી લેવી
હવે તેલ ગરમ મૂકી મેથી દાણા નાખી એક બે સેકન્ડ પછી જીરું તથા હિંગ નાખી, બેસન નાખી ને સેકો. 1-2 મિનિટ પછી લીમડો તથા મરચા પણ નાખી દો. લોટ એકદમ શેકાય જવો જોઈએ
સરખો લોટ શેકાય અને સુગંધ આવે એટલે 4-5 કપ પાણી ઉમેરી, સતત હલાવતા રહો. એકદમ ઉકળવા લાગે એટલે બધા શાક અને મીઠું, તથા હળદર પણ નાખી દો. ફરી ઊકળે એટલે કોકમ નાખી દેવા.
બસ હવે શાક ચડી જાય અને કોકમ ની ખટાશ પણ ઉતરે ત્યાં સુધી ધીમી આંચ પર કઢી ઉકળવા દેવી.

સમાન વાનગીઓ