#એરફ્રાયર દમ બિરયાની ,# ડાયેટ દમ બિરયાની

સૌ પ્રથમ જુના બાસમતી ચોખા ને ધોઈ ને તેને 15 મિનીટ સુધી પલાળીદો ત્યાર બાદ તેને 3 ગણુ પાણી ઉમેરીને તેને છૂટો રાંધી લો, થોડો અધકચરો રહે કે તેને ઓસાવી લો, અને ઠંડો પડવા દો, તે દરમ્યાન એક ટીન મા કાંદા મા એક ચમચી તેલ નાખી ને તેને એરફ્રાયર મા 180-200 ડીગ્રી પર બેક કરવા મૂકી દો લગભગ 12-15 મીનીટ બાદ કાંદા બ્રાઉન થઈ જાય એટલે તેને બહાર કાઢી લો અને તેને એક બાઉલમાં મા લઇ લો

ત્યાર બાદ એજ ટીન મા બટાકા ની ચીપ્સ મા પણ એક નાની ચમચી તેલ નાખી મિકસ કરી લો અને તેને પણ 180 ડીગ્રી તાપમાન પર એરફ્રાયર મા 10-12 મિનિટ માટે મુકી દો

એરફ્રાયર મા બટાકા ની ચીપ્સ બને તે દરમિયાન શાકભાજી ની તૈયારી કરી લો તેના માટે એક કડાઈમાં 2-3 ટેબલસ્પૂન બટર નાખો તેમાં કાજુ અને કિસમિસ ને 2 મિનીટ સાંતળી ને તેને કાઢી લો

ત્યાર બાદ તેમાં જ તમાલ પત્ર, તજ લવિંગ એલચી અને જીરૂ નાખી ને તેમાં કાંદા સાંતળો

ત્યાર બાદ તેમાં સમારેલા ગાજર, ફણસી અને કેપ્સીકમ ઉમેરો

હવે તે દરમિયાન એરફ્રાયર મા બટાકા ની ચીપ્સ તૈયાર થઈ ગઈ છે એટલે તેને અને વટાણા પણ ઉમેરી દો સાથે જ બધા મસાલા અને સ્વાદ અનુસાર મીઠું ઉમેરીને તેને બરાબર મિક્સ કરી લો

તૈયાર છે બિરયાની નુ મસાલેદાર શાકભાજી નુ મિશ્રણ ,ગેસ બંધ કરી દો અને તેને સાઇડ પર મૂકી દો

હવે બિરયાની ને સેટ કરવા માટે એક બાઉલ લો તેમા એક લેયર રાંધેલા બાસમતી ચોખા નુ કરો, તેના પર 3-4 ચમચી કેસર વાળુ દૂધ છાંટવુ

તેના પર તૈયાર કરેલુ શાકભાજી નુ મિશ્રણ નુ લેયર પાથરવુ

શાકભાજી ના લેયર ઉપર 4-5 ચમચી દહી મુકવુ

તેના ઉપર બ્રાઉન કાંદા, અને સાંતળેલા કાજુ અને કિસમિસ અને કસુરી મેથી ભભરાવી દો

તેના પર ફરીથી એક લેયર રાંધેલા બાસમતી ચોખા નુ કરો અને તેના પર કેસર વાળુ દૂધ કાજુ કિસમિસ અને કસુરી મેથી ભભરાવી દો

હવે આ સેટ કરેલા બાઉલ ને એલ્યુમિનિયમ ફોઇલ લગાવી ને કવર કરી લો અને તેને 10 મિનીટ સુધી 180ડીગ્રી પર એરફ્રાયર મા સેટ કરી લો

તૈયાર છે તમારી ગરમા ગરમ એરફ્રાયર દમ બિરયાની તેને કોથમીર થી ગારનીશ કરી તમારા પસંદગી મુજબ ના રાયતા અને પાપડ સાથે પીરસી તમારી પાર્ટી ની શાન વધારી દો,