Name: Lajawab lilva biryani recipe by Purvi modi in Gujarati at BetterButter
Prep time: 15 min
Cook time: 40 min
Total time: 55 min
Yield: 3
Ingredients: બાસમતી ચોખા ૩/૪ કપ; લવિંગ ૨-૩; નાનો તજનો ટુકડો ૧; તમાલપત્ર ૨; લીલી ઈલાયચી ૨; મોટી ઈલાયચી ૧; મીઠું સ્વાદ પ્રમાણે; સબ્જી માટે:-; તેલ + ઘી ૨+૩ ટી સ્પૂન; જીરું ૧ ટેબલસ્પૂન; વાટેલું લસણ ૧ ટેબલસ્પૂન; વાટેલું આદુ ૧ ટી સ્પૂન; ઝીણા સમારેલા ટામેટા ૧; સ્લાઈસ કરેલી ડુંગળી ૨; તુવેરના દાણા (લીલવા) ૧/૨ કપ; શકકરિયુ ૧; બટાકા (નાની સાઈઝ) ૨; મીઠું સ્વાદ પ્રમાણે; હળદર ૧/૨ ટી સ્પૂન; લાલ મરચું પાઉડર ૧ ટેબલસ્પૂન; બિરયાની મસાલા અથવા ગરમ મસાલો ૧ ટેબલસ્પૂન; ધાણા જીરું પાઉડર ૧ ટી સ્પૂન; વલોવેલુ દહીં ૧/૪ કપ; સમારેલી કોથમીર ૨ ટેબલસ્પૂન; અન્ય સામગ્રી:-; તળવા માટે તેલ; કેસર વાળું દૂધ ૧/૨ કપ; ઘી ૨ ટી સ્પૂન

ચોખાને ૧૫-૨૦ મિનિટ સુધી પાણી માં પલાળી રાખો.

એક મોટી કઢાઈમાં લગભગ ૪-૫ કપ પાણી ગરમ કરવા મૂકો. તેમાં તજ, લવિંગ, તમાલપત્ર, લીલી ઈલાયચી, મોટી ઈલાયચી અને મીઠું મિક્સ કરો.

પાણી ઉકળે એટલે તેમાં પલાળેલા ચોખા ઉમેરો.

ચોખા ૮૦% જેટલા રંધાઈ જાય એટલે ગેસ બંધ કરી કાણાં વાળા બાઉલમાં કાઢી પાણી નીતારી લો.

તુવેર ના દાણા ને કૂકરમાં બાફી લો.

બટાકા અને શક્કરિયા ની છાલ કાઢી નાના કટકા કરી ગરમ તેલમાં સોનેરી થાય ત્યાં સુધી તળી લો.

સ્લાઈસ કરેલી ડુંગળી ને સોનેરી થાય ત્યાં સુધી તળી લો.

એક કઢાઈમાં તેલ અને ઘી ગરમ કરી તેમાં જીરુ ઉમેરો.

વાટેલું લસણ અને આદુ ઉમેરીને સહેજ વાર સાંતળો.

ઝીણું સમારેલું ટમેટું ઉમેરીને સાંતળો.

બાફેલા તુવેર ના દાણા, તળેલા બટાકા અને શક્કરિયા ઉમેરો.

સ્વાદ પ્રમાણે મીઠું, હળદર, લાલ મરચું પાઉડર ,ધાણા જીરું પાઉડર, બિરયાની મસાલો ઉમેરી બરાબર મિક્સ કરો.

વલોવેલુ દહીં અને સમારેલી કોથમીર ઉમેરીને બરાબર મિક્સ કરો. ૧-૨ મિનિટ સુધી થવા દઈ ગેસ બંધ કરી દો.

એક જાડા તળિયા વાળી કઢાઈ અથવા નોનસ્ટિક કડાઈને ઘી થી ગ્રીઝ કરો. તેમાં સૌપ્રથમ થોડા રાંધેલા ભાત પાથરો. તેની ઉપર થોડી તળેલી ડુંગળી, સમારેલી કોથમીર પાથરો અને થોડું કેસર વાળું દૂધ રેડો.