ગોબી મુસલ્લમ મેક્સિકન ટીંગા

સૌપ્રથમ બંને લોટ માં મીઠું અને તેલ મિક્સ કરી લાલ કૅબજ ના પાણી થી લોટ બાંધી દેવો.

તેને 10 મિનિટ ઢાંકી ને રાખવો.

ત્યારબાદ તેની મોટી પુરી વણી લેવી.

પુરી ને થોડા કાપા પાડી ગરમ તેલ માં ધીમા તાપે તળી લેવી.

હવે દહીં માં આદુ, લસણ ની પેસ્ટ, મીઠું, મરચું, ગરમ મસાલો, તેલ અને ચણાનો લોટ નાખી મિક્સ કરવું.

આખા ગોબી ને મિઠાના પાણી માં અધકચરું બાફી લેવું.

ત્યારબાદ દહીં ની પેસ્ટ આખા ગોબી પર લગાવી 30 મિનિટ ફ્રિજ માં મૂકી દેવું.

પછી ગોબી ને બેકિંગ ટ્રે માં મૂકી 400 ડીગ્રી F પર 30-40 મિનિટ બેક કરવું.

ત્યાં સુધી ટામેટા ની પ્યુરી માં ચિપોટલે મરચુ, અડોબો સોસ, ટાકો સિઝનીંગ, મીઠું નાખી ઉકાળી દેવું.

પીરસતી વખતે પુરી લઇ તેના ઉપર સોસ લગાવો.

ત્યારબાદ ગોબી ના ટુકડા કરી ઉપર પાથરો.

તેના ઉપર પાછો સોસ લગાવો.

લાલ અને લીલી કૅબજ, કાંદા, ટામેટા અને લીલા કાંદા પાથરો.

ચીઝ ભભરાવી પીરસો.