લાઈવ ઢોકળાં અને લસણ ફુદીના ની ચટણી

ચોખા, ચણા ની દાળ, અડદ દાળ ને ધોઈ ને પાણી માં ૬ થી ૮ કલાક પાણી માં પલાળી દેવું.

મિક્સર મા દાળ ચોખા નાખી ને દહી નાખી ને ક્રશ કરી દેવી. ખીરા માં મીઠું નાખી મિક્સ કરી ને તડકા માં ૫ થી ૭ કલાક રાખવુ જેથી આથો આવે.

સૂકા લાલ મરચાં ને ગરમ પાણી માં અડધી કલાક માટે પલાળવા. ચટણી જાર માં લસણ, પલાળેલા સૂકા લાલ મરચા, ફુદીના નાં પાન, લીંબુ નો રસ, જીરું અને મીઠું નાખવું. ક્રશ કરી દેવું. લસણ ફુદીના ની ચટણી તૈયાર

આથો આવે ત્યાર બાદ એક મોટા તપેલા માં કે ઢોકળીયા માં પાણી મૂકી ગરમ કરવું. થાળી માં સરખું તેલ લગાવી ગરમ કરવી. ખીરા માં ઇનો અને હળદર નાખી સરખું ફીણી લેવું. થાળી માં ખીરું પાથરી ને ઉપર થી લાલ મરચું ભભરાવી ૫ થી ૭ મિનિટ માટે વરાળે બાફી લેવું.

ચપ્પુ નાખી ને ચેક કરી લેવું કે ઢોકળાં સરખા બફાઈ ગયા છે કે નહિ. ચપ્પા પર કઈ ચોંટે નહિ તો ઢોકળાં તૈયાર. કાપા પાડી લસણ ની ચટણી અને સીંગતેલ સાથે ગરમ સર્વ કરવા.