૨ કપ મેંદા મા મીંઠુ મિક્સ કરી રોટલી જેવો લોટ બાંધી લેવો અને અડધો કલાક ઢાંકી ને મુકવો.
હવે બાફેલા લોટ મા ૧ ગ્લાસ પાણી નાખીને હાથ થી મસળીને કાંજી(સ્ટાચૅ) અલગ કરી લેવો આમ ફરી એક વાર કરવુ.
આ રીતે મસળીને લોટ વાળુ પાણી ગાળી લેવુ.
હવે આ કાંજી વાળુ પાણી ૪ થી ૫ કલાક હરાવ્યા વગર ઢાંકી ને મુકવુ જેથી કાંજી અલગ થશે.
હવે આ બચેલ લોટ મા યીસ્ત નાખી ચમચી થી બરાબર મિક્સ કરી અડધો કલાક ઢાંકી ને મુકવુ.
હવે ઢોકળા ના કૂકર મા યીસ્ત વાળા લોટ ને અડધો કલાક બાફવા મુકવો.
આ રીતે બફાઈ જાય એટલે તેને ઠંડુ થવા દેવુ.
આ રીતે કટકા કરી લેવા.
હવે ચીલીસોસ બનાવવા માટે ૬ થી ૭ કળી લસણ ને મીંઠુ નાખી પીસી લેવુ. હવે વાટકા મા ચીલી ફ્લેક્સ, લાલ મરચુ પાઉડર, મીંઠુ, બુરુ ખાંડ, વાટેલુ લસણ, સોયાસોસ, અને મરી પાઉડર, વાટેલા તલ નાખી બધુ બરાબર મિક્સ કરવું.
હવે કડાઈ મા તલ નુ તેલ ગરમ કરી તેમા મેથી ના દાણા, મરી અને તલ ચટકાવી તે ગરમ તેલ ને મિક્સ કરેલ મસાલા મા નાખીને એકાદ સેકન્ડ ઢાંકી દેવુ.
આ રીતે ગરમ ગરમ તેલ રેડવા થી મસાલો શેકાય જશે. પછી બરાબર હલાવી મિક્સ કરી લેવું.
તીખો ટમટમાટ ચીલીસોસ તૈયાર છે.
લાપીંગ સોસ તૈયાર કરવા માટે એક વાટકી મા લસણ ની કળીયો ને પીસી ને તેમા પાણી ઉમેરી ૩ થી ૪ કલાક પલાળી ને રાખેલ છે. હવે એક વાટકી મા લસણ નુ પાણી ૨ ચમચી, લીલી ડુંગળી, સોયાસોસ, આપણે તૈયાર કરેલ ૨ થી ૩ ચમચી ચીલીસોસ, ૧/૪ કપ તલ નુ તેલ અને શેકેલા તલ મિક્સ કરી બરાબર હલાવી લેવુ લાપીંગ સોસ પણ તૈયાર છે.
હવે કાંજી અલગ કરવા મુકેલ બાઉલ ધીમે રહીને લેવો તમે જોઈ શકો છો કે તેમા પાણી ઉપર છે અને કાંજી નીચે બેસી ગઈ છે. હવે હળવે થી સહેજ પાણી રહેવા દઇ બીજુ પાણી કાઢી લેવુ.
હવે તેમા પીળો કલર નાખી બરાબર મિક્સ કરી લેવું.
હવે ઢોકળા મુક્યે છે એમજ ઢોકળીયા મા ડીશ મા તેલ લગાવી કાંજી વાળુ મિશ્રણ એકદમ પાતળું પડ રહે એ રીતે પાથરવુ અને ૨ થી૩ મિનિટ સુધી ઢાંકીને બફાવા દેવુ.
હવે બફાઈ ગયા પછી તે પડ પર તેલ લગાવી લેવુ અને હળવેક થી કાઢી લેવું આ રીતે પાટડું પડ તૈયાર કરવું.
આ રીતે પડ તૈયાર થશે.
હવે કેવી રીતે પિરસવું. આ લાપીંગ ને બે રીતે પીરસી શકાય. હવે એક પડ ડીશ મા લેવુ તેમા આપણે તૈયાર કરેલ ચીલીસોસ બધી બાજુ સારી રીતે ચોપડી દેવો. હવે તેમા આપણે વધેલ યીસ્ત વાળો લોટ બાફી ને ટુકડા કરેલા તે મૂકી ગોળ ગોળ બીડા ની જેમ વાળી લેવું.
આ રીતે રોલ કરી સરખા ટુકડા કરી લેવા અને પીરસવા.
હવે બીજી રીતે ફરી એક પડ લઈ તેના પર ચીલીસોસ ચોપડી ટુકડા કરી લેવા પ્લેટ મા લઈ તેમા તૈયાર કરેલ લાપીંગ સોસ રેડવો અને ઝીણી સમારેલી લીલી ડુંગળી અને યીસ્ત વાળા લોટ ના ઝીણા ટુકડા કર લાપીંગ ઉપર ભભરાવી સજાવી ને પિરસવું. ખરેખર ખુબ જ સરસ સ્વાદ છે તીખો, ગળ્યો, ખાટ્ટો. એકદમ અલગ જ સ્વાદ. ખુબ જ સ્વાદિષ્ટ અને લાજવાબ તૈયાર છે આપણું ટીબેટીયન લાપીંગ(યલો લાપીંગ) ની મજા માણો. :ok_hand::yum:
તમે આ રેસીપીને કેવી રીતે રેટ કરશો? કૃપા કરીને તમારી રિવ્યૂ સબમિટ કરતા પહેલા સ્ટાર રેટિંગ દાખલ કરો.
रिव्यु સબમિટ કરો