Photo of Sweet shankh by Smita Koshti at BetterButter
2465
5
0.0(0)
0

गोड शंख

Jun-29-2018
Smita Koshti
10 मिनिटे
तयारीची वेळ
20 मिनिटे
कूक वेळ
3 लोक
सर्व्ह करावे
सूचना वाचा नंतरसाठी सेव करा

गोड शंख कृती बद्दल

हे शंख तळून पाकात घोळवून तयार करतात. मुलांना हे असेही खायला आवडतात पण आंब्याच्या रसासोबत किंवा स्ट्रॉबेरी क्रश सोबत अप्रतिम चव येते. हे शंख पाकात घोळवून न घेता चाट मसाला, तिखट मीठ टाकून चटपटीत किंवा काहीही न घालता चहासोबत खाऊ शकतो. तसेच हे शंख तळून न घेता उकळून पास्ता सारख बनवु शकतो. (अर्थातच आपला देशी पास्ता, तिखट चिकोल्या) हा पदार्थ आधी कुणाला सुचला माहीत नाही. पण आजी सांगते आधी शेवयांसोबत सरगुंडे (आताचा spiral pasta) गव्हले (गव्हासारखे) नखुले (नखाने बनविलेले) शंख असे वेगवेगळे प्रकार केले जात. व हे वाळवणीचे पदार्थ उकळून रसासोबत किंवा दूध साखर घालून खायचे. हळूहळू काळ बदलला आणि अशा नवनवीन पदार्थांच्या व्हर्जन ने त्यांची जागा घेतली. असो.. तर अश्याच गोड, कुरकुरीत, पारंपरिक आणि तरीही खवैय्यांच्या पिटार्यातील नवीन असणार्‍या शंखांचे साहीत्य व कृती बघूया.

रेसपी टैग

  • व्हेज
  • सोपी
  • एव्हरी डे
  • इंडियन
  • फ्रायिंग
  • स्नॅक्स

साहित्य सर्विंग: 3

  1. 1 वाटी मैदा
  2. 1/2 वाटी साखर
  3. चिमूटभर मीठ
  4. दूध
  5. पाणी
  6. तुप तळण्यासाठी

सूचना

  1. सर्वात आधी मैदा मीठ 2 चमचे तूप व दूध किंवा पाणी घालून चांगले घट्ट मळून घ्या. ओला घट्ट पिळलेला सूती कपडा त्यावर झाकून 5 ते 10 मिनिटे ठेवून द्या.
  2. आता हा गोळा पुन्हा एकदा मळून त्याचे छोटे गोळे तयार करून घ्या
  3. चित्रात दाखविल्याप्रमाणे त्याचे शंख तयार करावेत सोबतच तळणासाठी तूपही तापत ठेवावे.
  4. ह्या लाकडी फळीला शंखपट्टी म्हणतात. शंख करताना व्यवस्थित दाब द्यावा म्हणजे शंख जाड राहणार नाहीत.
  5. असे सर्व शंख तयार करावेत. सवयीने हे भराभर जमतात. मुलांचे तर हे आवडीचे काम .
  6. आता तूप चांगले तापल्यावर थोडे शंख टाकून मंद आचेवर छान खरपूस,सोनेरी गुलाबी तळून घ्या. त्याची सुरसुर थांबेपर्यंत.
  7. असे सगळे शंख तळून घ्या. दुसर्‍या भांड्यात साखर व अर्धी वाटी पाणी घालून चांगला गोळीबंद पाक करून घेणे.
  8. हा गरम पाक एका चमच्याने शंखांवर ओतत जाणे व दुसर्‍या चमच्याने शंख हलवत रहावे जेणेकरून पाक सगळीकडे व्यवस्थित लागेल.
  9. झाले आपले शंख तयार.. हवाबंद डब्यात भरून ठेवणे व हवे तेव्हा खायला घ्या.

रिव्यूज (0)  

आपण या रेसिपीला कसे रेटिंग द्याल? कृपया आपले रिव्यू सबमिट करण्यापूर्वी एक स्टार रेटिंग प्रविष्ट करा.

रिव्यु सबमिट करा

तत्सम पाककृती

A password link has been sent to your mail. Please check your mail.
Close
शेर