Name: Crispy Kasuri Methi Puri recipe by Sujata Hande-Parab in Marathi at BetterButter
Prep time: 30 min
Cook time: 15 min
Total time: 45 min
Yield: 8
Ingredients: मैदा - ३ कप किंवा ५०० ग्राम्स; रवा - १/२ कप; कसुरी मेथी - ३ टेबलस्पून (थोडी कुस्करून घेतलेली); ओवा - १ टेबलस्पून जाडसर वाटलेला; साखर - २ टेबलस्पून; काळीमिरी पावडर - १ १/२ टीस्पून; मीठ -चवीनुसार; तेल - ३ कप तळण्यासाठी; गरम तूप - ४-५ टेबलस्पून मोहनासाठी; पाणी पीठ मळण्यासाठी जसे लागेल तसे

क्रिस्पी कसुरी मेथी पुरी कृती बद्दल

क्रिस्पी मेथी पुरी हि अतिशय आवडीने सगळीकडे खाल्ली जाते. लहानांपासून मोट्यांपर्यंत सगळ्यांच्या आवडीची पुरी साठवणीचा पदार्थ किंवा दिवाळीचा फराळ म्हणून हि बनवली जाते. गुजरात मध्ये समान धरती वर फरसी पुरी हा एक पदार्थ बनवला जातो. मी ह्या रेसिपीत कसुरी मेथी चा वापर करून अतिशय हेल्थी अशी क्रिस्पी पुरी बनवलेली आहे. २-३ आठवडे हवा बंद बरणीत चांगली राहते.

साहित्य सर्विंग: 8

मैदा - ३ कप किंवा ५०० ग्राम्स
रवा - १/२ कप
कसुरी मेथी - ३ टेबलस्पून (थोडी कुस्करून घेतलेली)
ओवा - १ टेबलस्पून जाडसर वाटलेला
साखर - २ टेबलस्पून
काळीमिरी पावडर - १ १/२ टीस्पून
मीठ -चवीनुसार
तेल - ३ कप तळण्यासाठी
गरम तूप - ४-५ टेबलस्पून मोहनासाठी
पाणी पीठ मळण्यासाठी जसे लागेल तसे

सूचना

एका छोट्या वाडग्यात मैदा घ्यावा. थोडे थोडे करून तूप टाकून मिश्रण चांगले एकजीव करून घ्यावे. तूप एकदम टाकू नये. बाजूला ठेवावे.
एका परातीमध्ये मैदा, रवा, साखर, कुस्करलेली कसुरी मेथी, जाडसर वाटलेला ओवा, मीठ आणि काळीमिरी पावडर घालून मिक्स करावे.
पिठाच्या मधोमध होल करून त्यात गरम तुपाचे मोहन टाकावे .
चमच्याने चांगले मिक्स करून घ्यावे . थोडे थंड झाल्यावर हळू हळू दोन्ही हातानी पीठ चांगले कुस्करून घ्यावे.
त्यात थोडे थोडे पाणी घालून पीठ मळून घ्यावे. पीठ जाडसर असावे. झाकून २०-२५ मिनिटांसाठी बाजूला ठेवावे.
मळलेल्या पिठाचे मध्यम आकाराचे गोळे बनवून त्याची मोठी पोळी लाटावी.
त्याला फोर्क किंवा काटा चमच्याच्या मदतीने सगळीकडे टोचे मारून घ्यावेत जेणेकरून पुरी तळल्यानंतर फुलणार नाही.
एका ३-४ इंच गोल कटर ने छोट्या पुऱ्या कापून घ्याव्यात.
असा प्रकारे सगळ्या पुऱ्या करून घ्याव्यात.
एका कढईत तेल गरम करून कमी-मध्यम आचेवर सोनेरी आणि कुरकुरीत होईपर्यंत तळुन घ्याव्यात. आच शक्यतो मंदच ठेवावी. नाहीतर पुऱ्या करपण्याची शक्यता असते. अगदी नाजूक हातानी तळुन घ्याव्यात
किचेन टॉवेल वर काडून थंड झाल्यावर बरणीत भरून ठेवाव्यात.
चहाबरोबर सर्व्हे कराव्यात

तत्सम पाककृती