मुख्यपृष्ठ / पाककृती / तांदळाची भाकरी (उकडीच्या)

Photo of Rice Flour Bhakari by Sujata Hande-Parab at BetterButter
905
2
0.0(0)
0

तांदळाची भाकरी (उकडीच्या)

Jul-15-2018
Sujata Hande-Parab
10 मिनिटे
तयारीची वेळ
15 मिनिटे
कूक वेळ
4 लोक
सर्व्ह करावे
सूचना वाचा नंतरसाठी सेव करा

तांदळाची भाकरी (उकडीच्या) कृती बद्दल

तांदळाची भाकरी हे एक महाराष्ट्रीयन, कोकणातील स्टेपल किंवा प्राथमिक अन्न आहे. विविध राज्यामध्ये भाकरी हि वेगवेगळ्या नावानी ओळखली आणि विविध प्रकारे बनवली जाते. भाकरी वेगवेगळ्या प्रकारची अन्न धान्ये वापरून बनवली जाते. मुखतः तांदूळ, नाचणी, ज्वारी, बाजरी, मका मोठ्या प्रमाणावर वापरले जातात. कोकण किनारपट्टी, महाराष्ट्र मध्ये ह्या धान्याची पिके मोठ्या प्रमाणावर घेतली जातात. तांदूळ धुवून ते कडक उन्हात वाळवून त्याचे पीठ करून त्यापासून बनवलेली भाकरी अतिशय उत्तम आणि चविष्ट बनते. हे तांदूळ थोडे जाडसर दळून आणले कि त्यापासून घावन हि अतिशय चांगले बनते. उकडीच्या भाकऱ्या तांदळाचे पीठ गरम पाण्यात टाकून किंवा गरम पाणी तांदळाच्या पीठ टाकून हि बनवल्या जातात. खाण्यास अतिशय नरम आणि स्वादिष्ट असा ह्या भाकऱ्या कोणत्याही तिखट करी, भाजी किंवा नुसत्या सुख्या चटण्या बरोबर हि मस्त लागतात.

रेसपी टैग

  • व्हेज
  • सोपी
  • एव्हरी डे
  • महाराष्ट्र
  • रोस्टिंग
  • बॉइलिंग
  • स्टीमिंग
  • मेन डिश
  • हेल्दी

साहित्य सर्विंग: 4

  1. तांदळाचे पीठ - १ १/२ कप (चांगल्या दर्जाची, बासमती किंवा कोणत्याही तांदळाचे किंवा कणीचे पिठ)
  2. तूप / तेल - 1/2 टेबलस्पून (वैकल्पिक)
  3. चवीनुसार मीठ
  4. पाणी - 1 कप किंवा लागेल तसे 

सूचना

  1. एका पॅन मध्ये पाणी घेऊन त्यात मीठ आणि तेल किंवा तूप घालावे. पाण्याला उकळी येऊ द्यावी. त्यात तांदळाचे पीठ हळूहळू टाकून मिक्स करावे.
  2. कणिक एकत्र येईपर्यंत व्यवस्तिथ मिक्स करावे. कमी ज्योत वर हे करा. कणीक थोडं चिकट असल्यास पिठ घाला आणि चांगले मिक्स करावे. गॅस बंद करून पॅन ५ मिनीट झाकून ठेवा.
  3. हाताला साधे पाणी लावून कणिक थोडी नरम मळून घ्या. कणकेचे ८-१० समान गोळे करा.
  4. एक गोळा घेऊन तो हाताने थोडा दाबून घ्या. पोळपाटाला आणि बनवलेल्या भाकरीच्या गोळ्याला थोडेसे सुके पीठ लावून घ्या.
  5. लाटण्याने हळू हळू लाटून घ्या किंवा हाताच्या बोटानी भाकरी हळू हळू सगळ्या बाजूनी दाबून (४-५ इंच व्यास) चपाती सारखा गोल आकार द्या. लागत असल्यास सुख्या पिठाचा वापर करा.
  6. आधीच गरम केलेल्या तव्यावर किंवा पॅनवर अलगद टाका. वरून थोडे पाणी लावून घ्या. वर बुडबुडे दिसू लागताच तो परतून घ्या. मध्यम आचेवर भाजून घ्या.
  7. परत परतून घ्या आणि काही सेकंद भाजू द्या. पुन्हा परता आणि दोन्ही बाजूनी व्यवस्तिथ भाजून घ्या.
  8. एखादा स्वच्छ कपडा किंवा पलिता वापरून भाकरीच्या कडा दाबून तिला व्यवस्तिथ फुगू द्या.
  9. भाकरी फुगली कि ताटात काढून गरमा गरम सर्व्ह करा.

रिव्यूज (0)  

आपण या रेसिपीला कसे रेटिंग द्याल? कृपया आपले रिव्यू सबमिट करण्यापूर्वी एक स्टार रेटिंग प्रविष्ट करा.

रिव्यु सबमिट करा
A password link has been sent to your mail. Please check your mail.
Close
शेर