Name: Dangar (Split Black Lentil) recipe by Sujata Hande-Parab in Marathi at BetterButter
Prep time: 10 min
Total time: 10 min
Yield: 4
Ingredients: भाजलेल्या उडीद डाळीचे पीठ - १/२ कप; कांदा मध्यम - १ बारीक चिरून; लाल तिखट - १/२ टीस्पून; स्वादानुसार मीठ; कोथिंबीर पाने - १-२ टेबलस्पून बारीक चिरून; पाणी आवश्यकतेनुसार.

उडदाच्या पिठाचे डांगर कृती बद्दल

उडीद डाळ, भाजलेले जिरे आणि हिंग एकत्र करून त्याचे पीठ बनवून ते दीर्घ काळासाठी हवाबंद कंटेनरमध्ये साठवून ठेवतात नि जेव्हा लागेल तेव्हा वापरतात. तसेच, डांगरचे पिठा महाराष्ट्र कोकणातही सहज उपलब्ध आहे. हे तयार करणे खूप सोपे आहे आणि डाळ तांदूळ किंवा चपाती किंवा भाकरी बरोबर खाल्ले जाते. महाराष्ट्रात हि डिश मोठ्या आवडीने खाल्ली जाते. अतिशय पोषक आणि करण्यास फारच सोपी आहे. कोकणात काळे उडीद भाजून ते जाताई वर भरडून, पाखडून घेऊन जी डाळ येत असे त्यापासून उडदाचे पीठ बनवले जात असे. आता पीठ चक्की वर किंवा घरघंटी वर दळून घेतले जाते. जाताईंवर बनवलेल्या पिठाची चव वेगळी आणि अप्रतिम आहे.

साहित्य सर्विंग: 4

भाजलेल्या उडीद डाळीचे पीठ - १/२ कप
कांदा मध्यम - १ बारीक चिरून
लाल तिखट - १/२ टीस्पून
स्वादानुसार मीठ
कोथिंबीर पाने - १-२ टेबलस्पून बारीक चिरून
पाणी आवश्यकतेनुसार.

सूचना

एका वाडग्यात उडीद डाळ पीठ घ्या. त्यात बारीक चिरलेला कांदा, कोथिंबीर पाने, लाल तिखट, मीठ घालावे. चांगले मिक्स करावे.
२-३ टेबलस्पून किंवा लागेल तसे साधे पाणी हळू हळू घालून घट्ट डांगर बनवून घ्यावे. जास्त पाणी घालू नये.
गरमा गरम भाकरी किंवा डाळभात बरोबर सर्व्ह करावे.
काही ठिकाणी दही घालून हि सर्व्ह केले जाते.

तत्सम पाककृती