Name: Mat Bean or Mataki Stir Fry recipe by Sujata Hande-Parab in Marathi at BetterButter
Prep time: 480 min
Cook time: 10 min
Total time: 490 min
Yield: 4
Ingredients: मोड आलेली मटकी - १ १/२ कप - (अर्धी वाफवून घेतलेली); तेल - 2 टेबलस्पून; लाल तिखट - 1/4 टीस्पून (पर्यायी); लिंबाचा रस - 1/4 टीस्पून; चाट मसाला - 1/2 टीस्पून; चवीनुसार मीठ

मटकी स्टर फ्राय कृती बद्दल

मटकी हे एक महाराष्ट्रातील अतिशय लोकप्रिय कडधान्य आहे. जेवणामध्ये ह्याचा वापर सर्रास केला जातो. मटकीची उसळ, मिसळ, भाजी, भेळ, पुलाव असे अनेक प्रकार बनवले जातात. महाराष्ट्रात प्रामुख्याने दोन प्रकारच्या मटकीच्या जाती खाल्ल्या जातात. एक एकदम छोटी किंवा जिला गावठी मटकी म्हटले जाते तो सातारा, सांगली, जुन्नर ह्या तालुक्यात आढळते. चवीला अतिशय अप्रतिम, पटकन मोड येणारी आणि केमिकल विरहित असल्याने अतिशय हेल्थी असते. दुसरी जी मोठी असते आणि सगळीकडे मोठ्या प्रमाणावर आदळते. मी मटकी चा वापर करून चाट किंवा भेळ बनवली आहे. अतिशय कमी पदार्थ वापरून बनवलेली हि डिश लहान मुलांना डब्याला एक चांगला पर्याय आहे.

साहित्य सर्विंग: 4

मोड आलेली मटकी - १ १/२ कप - (अर्धी वाफवून घेतलेली)
तेल - 2 टेबलस्पून
लाल तिखट - 1/4 टीस्पून (पर्यायी)
लिंबाचा रस - 1/4 टीस्पून
चाट मसाला - 1/2 टीस्पून
चवीनुसार मीठ

सूचना

रात्री मटकी २ कप पाण्यात भिजत ठेवावी.
दुसऱ्या दिवशी सकाळी पाणी काढून टाकून मटकी एका मलमलच्या कपड्यात किंवा चाळणी मध्ये ५-६ तास मोड येण्यासाठी ठेवावी. जर जास्त ड्राय वाटत असेल तर मध्ये मध्ये थोडे पाणी शिंपडावे. नॉनस्टिक कढईत तेल गरम करावे. अंकुरित अर्धी शिजवून घेतलेली मटकी घालावी.
मीठ घालावे. चांगले मिक्स करावे
मध्यम मंद आचेवर थोडी कुरकुरीत होईपर्यंत परतून घ्यावी. आवश्यक असल्यास थोडे पाणी शिंपडा.
लाल मिरची पूड घाला. काही सेकंद ढवळा.
एक प्लेट मध्ये काढा. लिंबाचा रस घाला. चाट मसाला घाला आणि अलगद टॉस करून घ्या . गरम सर्व्ह करा.
आपल्या आवडीप्रमाणे बारीक चिरलेला कांदा आणि टोमॅटोही घाऊ शकता. शक्यतो लहान मुलांसाठी बनवताना वगळावा.

तत्सम पाककृती