मुख्यपृष्ठ / पाककृती / भरले वांगे

Photo of Stuffed bringle by Smita Koshti at BetterButter
808
3
0.0(0)
0

भरले वांगे

Jul-28-2018
Smita Koshti
10 मिनिटे
तयारीची वेळ
15 मिनिटे
कूक वेळ
4 लोक
सर्व्ह करावे
सूचना वाचा नंतरसाठी सेव करा

भरले वांगे कृती बद्दल

डब्यात द्यायला उत्तम. ही भाजी दोन प्रकारे करता येते . एक फोडणीत भरलेले वांगे घालून किंवा वांगे आधी तळून व नंतर फोडणीत घालून. तळलेल्या वांग्याची भाजी ही टिकावू असते कारण त्यात पाण्याचा वापर केला जात नाही. ही भाजी आपण प्रवासात ही नेऊ शकतो. 2 दिवस साधारण टिकते. नक्की करून बघा.

रेसपी टैग

  • व्हेज
  • मध्यम
  • महाराष्ट्र
  • हेल्दी

साहित्य सर्विंग: 4

  1. 1/4 किलो छोटे वांगे
  2. 1/2 वाटी भाजलेले शेंगदाणे कूट
  3. 2 चमचे लाल तिखट
  4. 1 चमचा धणे पूड
  5. 1 चमचा शोप पूड
  6. 1 चमचा जीरे पूड
  7. 1 चमचा आलं लसूण पेस्ट
  8. मुठभर कोथिंबीर बारीक चिरून
  9. मीठ चवीनुसार
  10. 1/2 चमचा हळद
  11. 1/2 चमचा गरम मसाला
  12. 4-5 पाने कढीपत्ता
  13. फोडणीसाठी मोहरी, जीर, हिंग चिमूटभर,
  14. 2 लवंग
  15. 1/2 इंच तुकडा दालचीनी
  16. 2 तमालपत्र
  17. तेल

सूचना

  1. वांगे स्वछ धुऊन कोरडे पुसून घ्या. वांग्याला मधे दोन चीरा देऊन चार भाग करणे. फक्त देठापर्यंतच चीर द्यावी. जेणेकरून देठापासून फोडी जोडलेल्या राहतील. ( नेहमी प्रमाणे भरल्या वांग्यासाठी कापतो तसे)
  2. तेल गरम करून त्यात कापलेले वांगे चांगले तळून घ्या .
  3. आता मसाला करू.. शेंगदाणे कूट, धणे पूड, शोप पूड, जीरे पूड, थोडे मीठ, हळद, गरम मसाला, बारीक चिरलेली कोथिंबीर, तिखट, आलं लसूण पेस्ट, सर्व घालून चांगले एकजीव करावे. हा झाला मसाला तयार.
  4. कढईत तेल गरम करून त्यात मोहरी जिरे तडतडल्यावर त्यात हिंग, लवंग, दालचिनी, तुकडा तमालपत्र ,कढीपत्ता पाने घालून चांगले परतून घ्या.
  5. वांग्याच्या काप मधे तयार मसाला भरायचा. व अलगद फोडणीत ठेवून व वरून उरलेला मसाला घालून एक वाफ काढा
  6. नंतर दोन मिनिटे चांगले परतून घ्या . कोथिंबीर घालून सर्व्ह करा किंवा डब्यात भरा.
  7. दुसरा प्रकार कुकर मध्ये करायचा तो असा की.. वांग्याला मधे काप देणे व कच्च्या वांग्याच्या काप मधे तयार मसाला भरायचा व फोडणीत ठेवून वर उरलेला मसाला घालून 1/2 कप पाणी घालून 1 शिट्टी काढून घ्या. व वाफ जीरली की कोथिंबीर घालून सर्व्ह करा. ही भाजी आपण हवे तसे पाणी घालून रस्सा करू शकतो.

रिव्यूज (0)  

आपण या रेसिपीला कसे रेटिंग द्याल? कृपया आपले रिव्यू सबमिट करण्यापूर्वी एक स्टार रेटिंग प्रविष्ट करा.

रिव्यु सबमिट करा

तत्सम पाककृती

A password link has been sent to your mail. Please check your mail.
Close
शेर