Name: Steamed modak recipe by Teju Auti in Marathi at BetterButter
Prep time: 20 min
Cook time: 30 min
Total time: 50 min
Yield: 4
Ingredients: १ वाटी तांदुळाचे पीठ; १ वाटी ओल्या नारळाचा कीस; पाव वाटी गुळ; १ वाटी पाणी; मीठ; १/२ छोटा चमचा वेलची पावडर

एका नॉनस्टिक भांड्यात सारण बनवण्यासाठी लागणारे साहित्य घ्यावे. मध्यम आचेवर हे भांडे ठेऊन, गुळ वितळून सारण सोनेरी रंगाचे होईपर्यंत परतावे.

एका पातेल्यात १ वाटी पाणी घेऊन, चिमुटभर मीठ घालून मध्यम आचेवर उकळण्यासाठी ठेवावे.पाण्याला उकळी येताच, त्यात तांदुळाचे पीठ घालून, चांगले ढवळावे.हे भांडे आचेवरून उतरून, १० मिनटे झाकून ठेवावे.

१० मिनिटांनी, मोठ्या परातीत ही उकड घेऊन, गरम असतानाच मळून घ्यावी.मळताना आवश्यकतेनुसार थोडे थोडे पाणी घालून, शेवटी थोडे तेल लावून मऊसर गोळा तयार करावा.

मोदकपात्रात लागेल तेवढे पाणी घेऊन ते गरम होण्यास ठेवावे.आता उकडीतून छोटा लिम्बाएवढा गोळा घेऊन, दोन्ही अंगठ्यांच्या मदतीने खोलगट पारी करावी.ह्या पारीत, एक मोठा चमचा पुरण घालावे.पुरण घातल्यावर, कडा चिमटीत पकडून मोदकाच्या कळ्या काढाव्यात.

छान मोदकाचा आकार वळावा

चाळणीला थोडा तेलाचा हाथ लावून चाळणी मोदकपात्रात ठेवावे. प्रत्येक मोदक पाण्यात भिजवून नीट लावून ठेवावा. आता मोदकपत्राचे झाकण लावून, १५ मिनटे मोदक उकडून घावेत.