Name: Sago Medley recipe by SUCHITA WADEKAR in Marathi at BetterButter
Prep time: 5 min
Cook time: 5 min
Total time: 10 min
Yield: 4
Ingredients: ● साबुदाणा 2 वाट्या; ● दाण्याचा कूट 1 वाटी; ● हिरव्या मिरच्या 3 - 4; ● जिरे अर्धा चमचा; ● साखर 2 चमचे; ● लिंबू रस 1चमचा; ● मीठ आवश्यकतेनुसार; ● कोथिंबीर ऐच्छिक

साबुदाणा खिचडी कृती बद्दल

माझी आई अगदी अप्रतिम खिचडी बनवते ( वनस्पती तुपात), आई खिचडी बनवायची तेव्हा सगळीकडे नुसता घमघमाट सुटायचा, नुसत्या वासानेच खूप भूक लागायची. लहानपणी खिचडी साठी आम्ही उपवास करायचो आणि आता नाष्ट्यासाठी म्हणून एखादे दिवशी आवर्जून खिचडी केली जाते. खिचडीसाठी साबुदाणा भिजवण्याची एक सोपी पद्धत आहे, जी चुकून मला समजली. एके दिवशी रात्री साबुदाणा भिजत घालताना माझ्या मुलीने मला हाक मारली म्हणून मी साबुदाण्यात पाणी घालून ती काय म्हणतेय हे पहायला गेले आणि अर्ध्या तासाने लक्षात आले की अरे ! ... साबुदाण्यात पाणी तसेच आहे. मी पटकन गेले आणि साबुदाणा बघितला तर बऱ्यापैकी मऊ झाला होता म्हणून साबुदाण्यातील पाणी काढून टाकले आणि आता कशी होतेय देव जाणे असे मनाशी पुटपुटत त्यावर झाकण ठेवून दिले. सकाळी उठल्यावर प्रथम हात फिरवून साबुदाणा बघितला तर एकदम मऊ आणि मोकळा झाला होता.

साहित्य सर्विंग: 4

● साबुदाणा 2 वाट्या
● दाण्याचा कूट 1 वाटी
● हिरव्या मिरच्या 3 - 4
● जिरे अर्धा चमचा
● साखर 2 चमचे
● लिंबू रस 1चमचा
● मीठ आवश्यकतेनुसार
● कोथिंबीर ऐच्छिक

सूचना

1. रात्री साबुदाणा भिजवताना सबुदाण्यामध्ये अर्धा तास पाणी घालून ठेवावे. (साबुदाण्याच्या वर साधारणतः बोटांची दोन पेरं इतपत)
2. अर्ध्या तासानंतर सबुदाण्यातील सर्व पाणी काढून टाकावे.
3. सकाळी खिचडी करताना भिजवलेल्या साबुदाण्यात दाण्याचा कूट सढळ हाताने घालावा.
4. मीठ, साखर, कोथिंबीर घालून मिक्स करावे.
5. मिरची आणि बटाट्याचे काप करून ठेवावेत.
6. गॅसवर कढई तापत ठेऊन त्यात तेल घालावे.
7. तेल गरम झाले की त्यात जिरे, मिरचीचे काप घालावेत.
8. थोडे परतले की त्यात बटाट्याचे काप घालावेत सोबत थोडे मीठ व चिमूटभर साखर घालावी.
9. नंतर लिंबू पिळावे आणि झाकण ठेवून एक वाफ आणावी.
10. त्यानंतर त्यात साबुदाण्याचे मिश्रण घालावे आणि व्यवस्थीत हलवून दोन मिनिटे झाकण ठेवावे.
11. गॅस मंद आचेवर ठेवावा.
12. दोन मिनिटांनी झाकण उघडावे, एकदा हलवावे आणि गॅस बंद करावा. (ही खिचडी अजिबात चिकट होत नाही)
गरमा गरम साबुदाणा खिचडी तय्यार !

तत्सम पाककृती