Name: Kolhapuri misal recipe by safiya abdurrahman khan in Marathi at BetterButter
Prep time: 600 min
Cook time: 35 min
Total time: 635 min
Yield: 3
Ingredients: 1 वाटी मटकी; 1 बटाटा; तळण्यासाठी तेल; 1 कांदा; 1 टोमेटो; गरम मसाला; फरसाण; कोथिंबीर; लिंबू; पाव; कट बनवण्यासाठी साहित्य; 4 लसूण पाकळ्या; 1 इंच आले; 2-3 मिरी; 1 लहान काडी दालचिनी; 2-3 लवंगा; 1 तमालपत्र; 1 चमचा जीरेपुड; 1 चमचा धनेपूड; 1/2 वाटी खवलेला ओला नारळ; 1 मध्यम कांदा; 2 मध्यम टोमेटो; 4-5 लहान चमचे लाल तिखट; फोडणीसाठी तेल; आमसुल किंवा चिंच; मीठ चविपुरते

साहित्य सर्विंग: 3

1 वाटी मटकी
1 बटाटा
तळण्यासाठी तेल
1 कांदा
1 टोमेटो
गरम मसाला
फरसाण
कोथिंबीर
लिंबू
पाव
कट बनवण्यासाठी साहित्य
4 लसूण पाकळ्या
1 इंच आले
2-3 मिरी
1 लहान काडी दालचिनी
2-3 लवंगा
1 तमालपत्र
1 चमचा जीरेपुड
1 चमचा धनेपूड
1/2 वाटी खवलेला ओला नारळ
1 मध्यम कांदा
2 मध्यम टोमेटो
4-5 लहान चमचे लाल तिखट
फोडणीसाठी तेल
आमसुल किंवा चिंच
मीठ चविपुरते

सूचना

मटकी 8-10 तास कोमट पाण्यात भिजत घालावे. त्यात जर कडक मटकी आणि खडे असतील तर ते काढून टाकावे. सुती कपड्यात बांधून मोड काढावेत.
मटकीला मोड आले कि कट बनवून घ्यावा. त्याचवेळी मटकी कूकरमध्ये २ शिट्ट्या करून शिजवून घ्यावी.
कट बनवण्यासाठी लसूण पाकळ्या, आले, मिर्या, दालचिनी, लवंगा, तमालपत्र, जिरेपूड,धनेपूड मिक्सरवर जेवढे बारीक होईल तेवढे बारीक करून घ्यावे.
कढईत 5 चमचे तेल गरम करावे. त्यात मिक्सरमधून काढलेला मसाला घालून खमंग परतावा. मसाल्याचा छान गंध सुटला कि त्यात 1 कांद्याच्या आणि 2 टोमॅटोच्या मोठ्या फोडी घालून परतत रहावे.
सर्वात शेवटी खवलेला नारळ घालून परतावा. मिश्रणाला तेल सुटले आणि कांदा शिजला कि गॅस बंद करून बाजूला काढून थंड करावे. मिश्रण थंड झाले कि त्यात १ भांडे पाणी घालून मिक्सरवर पातळ पेस्ट करून घ्यावी.
नंतर मटकीची उसळ बनवून घ्यावी. पातेल्यात 2-3 चमचे तेल गरम करावे. त्यात मोहोरी, हिंग, हळद घालून शिजवलेली मटकी घालावी.
थोडे पाणी घालावे, 1-2 चमचा गरम मसाला घालावा. बारीक गॅसवर उसळ उकळत असताना दुसर्या गॅसवर लहान कढईत अगदी थोडे बटाट्याचे तुकडे तळण्यापुरते तेल गरम करावे.
1 बटाटा सोलून त्याचे लहान चौकोनी तुकडे करावे, आणि मध्यम आचेवर बटाटे व्यवस्थित तळून घ्यावे, कच्चे राहू देऊ नये. तळलेले बटाट्याचे तुकडे उसळीत टाकावेत. चवीपुरते मिठ घालावे.
1 बटाटा सोलून त्याचे लहान चौकोनी तुकडे करावे, आणि मध्यम आचेवर बटाटे व्यवस्थित तळून घ्यावे, कच्चे राहू देऊ नये. तळलेले बटाट्याचे तुकडे उसळीत टाकावेत. चवीपुरते मिठ घालावे.
आंबटपणासाठी 2-3 आमसुल किंवा थोडा चिंचेचा कोळ घालावा. आवश्यकतेनुसार पाणी घालून 1 उकळी काढावी.
उसळ आणि कट तयार झाला कि कांदा बारीक चिरून घ्यावा.
नंतर डिशमध्ये 1 डाव उसळ घालावी. त्यावर 1 पळी कट घालावा. त्यावर फरसाण, कांदा,घालावे. लिंबू पिळून तयार मिसळ पाव बरोबर खावी.

तत्सम पाककृती