उकडीचे मोदक

प्रथम एका पातेल्यात 6 वाटी पाणी घेऊन त्यात 3 चमचे तूप आणि अर्धा चमचा मीठ घालावे आणि उकळी आणावी.

एका ताटात 3 वाटी तांदूळ पिठी आणि 3 चमचे मैदा घ्यावा.

उकळी आलेल्या पाण्यातील एक वाटी पाणी काढून ठेवावे आणि उरलेल्या पाण्यात तांदूळ पीठ आणि मैदा घालावा.

लाटण्याने सर्व मिश्रण घोटून घ्यावे, (आवश्यक वाटले तरच काढून ठेवलेले पाणी वापरावे) आणि त्यावर झाकण ठेवावे.

यानंतर गॅसवर एका कढईत 3 नारळाचा चव घ्यावा.

त्यामध्ये गुळ आणि साखर घालावी.

खसखस मिक्सरला ओबडधोबड करून घ्यावी.

आणि ती नारळ गुळाच्या मिश्रणात घालावी.

वेलची पावडर घालावी.

सर्व मिश्रण एकत्र करून एकजीव होईपर्यंत हलवावे. आपले सारण तयार झाले.

वाफवलेली तांदळाची उकड एका परातीत किंवा मोठ्या ताटात घेऊन तूप लावून चांगली मळून घ्यावे आणि त्याचे गोळे तयार करावेत.

चाळणीवर केळीची पाने घालून ठेवावीत.

नंतर दूध पिशवी कट करून घ्यावी पुरी यंत्रावर एक गोळा घेऊन त्याची पारी बनवावी.

पारी फोटोत दाखवल्याप्रमाणे खोलगट आकाराची करून घ्यावी आणि त्यात सारण भरावे.

अशाप्रकारे आपला मोदक तयार झाला.

तयार झालेले मोदक चाळणीत ठेऊन 15 ते 20 मिनिटे वाफवून घ्यावेत.

आपले मोदक तयार झाले.

वालाचे बिरडे सोबत सर्व्ह करावेत "उकडीचे मोदक"