मुख्यपृष्ठ / पाककृती / "पनीर चिली"

Photo of Panner Chilli by Suchita Wadekar at BetterButter
0
3
0(0)
0

"पनीर चिली"

Oct-25-2018
Suchita Wadekar
20 मिनिटे
तयारीची वेळ
5 मिनिटे
कूक वेळ
3 लोक
सर्व्ह करावे
सूचना वाचा नंतरसाठी सेव करा

"पनीर चिली" कृती बद्दल

पनीर चिली हि डिश आपण हॉटेल मध्ये गेल्यावर बऱ्याचदा स्टार्टर म्हणून घेतो. मुलांपासून सर्वांच्याच आवडीची. एक सांगू अशी चमचमीत डिश आयती समोर आली की आहाहा काय लागते म्हणून सांगू, एकदम भारी. पण मुलीचा हट्ट, "मम्मा, तू बनव ना घरी, मला तुझ्या हातची खायचीय". अशा या लडिवाळ सांगण्याने माझ्यातील आई पाघळली आणि तयार झाली "पनीर चिली"! घरी सर्व सॉसेस होते, कॉनफ्लॉवरही होता आणि इतर साहित्य देखील होते, फक्त पनीर नव्हते. तेही आणले आणि सगळी तयारी झाली. त्यामुळे लगेच तयार झाली "पनीर चिली". बेटी खुश आणि बेटीचा बाबा भी खुश !

रेसपी टैग

  • व्हेज
  • सोपी
  • एव्हरी डे
  • चायनीज
  • फ्रायिंग
  • स्नॅक्स
  • हेल्दी

साहित्य सर्विंग: 3

  1. पनीर 125 ग्रॅ.
  2. कांदा 1
  3. सिमला मिरची 1
  4. लसूण पाव वाटी
  5. आले 2 इंच
  6. हिरवी मिरची 4
  7. कॉनफ्लॉवर 4 चमचे
  8. मैदा 1 चमचा
  9. रेड चिली सॉस 1 चमचा
  10. ग्रीन चिली सॉस 1 चमचा
  11. सोया सॉस 3 चमचे
  12. टोमॅटो सॉस 3 चमचे
  13. तेल
  14. पाणी आवश्यकतेनुसार

सूचना

  1. प्रथम कांद्याचे आणि सिमला मिरचीचे काप करून घ्या.
  2. लसूण बारीक चॉप करा आणि आले किसून घ्या. हिरव्या मिरचीला उभा एक छेद द्या.
  3. एका बाऊल मध्ये 3 चमचे कॉनफ्लॉवर आणि 1 चमचा मैदा घ्या.
  4. थोडे पाणी घालून त्याची पेस्ट करा
  5. पनीर चे चोकोनी तुकडे करून घ्या किंवा अमूल पनीर क्युब वापरा.
  6. पनीरचे क्युब कॉनफ्लॉवर आणि मैद्याच्या पेस्टमध्ये डीप करून तेलात तळून घ्या.
  7. तळल्यावर याप्रमाणे दिसतील.
  8. दुसऱ्या बाऊल मध्ये एक चमचा कॉनफ्लॉवर घेऊन त्याची पेस्ट बनवा.
  9. एका कढई अथवा पॅन मध्ये तेल तापत ठेऊन त्याचे बारीक चिरलेला लसूण आणि आले घाला.
  10. यानंतर हिरवी मिरची आणि सिमला मिरची घाला व परता.
  11. यानंतर कांद्याचे काप घाला व परतून घ्या.
  12. चांगले परतल्यावर यात ग्रीन चिली सॉस, रेड चिली सॉस आणि सोया सॉस घाला व परतून घ्या.
  13. यानंतर टोमॅटो सॉस घालून परता.
  14. यानंतर यात कॉनफ्लॉवरची पेस्ट ओता आणि चांगले परतून घ्या.
  15. यानंतर यात तळलेले पनीर क्युब घाला व सर्व नीट एकत्रित करा.
  16. आपले पनीर चिली तैयार !
  17. गरम गरम सर्व्ह करा पनीर चिली !

रिव्यूज (0)  

आपण या रेसिपीला कसे रेटिंग द्याल? कृपया आपले रिव्यू सबमिट करण्यापूर्वी एक स्टार रेटिंग प्रविष्ट करा.

रिव्यु सबमिट करा

तत्सम पाककृती

A password link has been sent to your mail. Please check your mail.
Close
शेर