Name: Mutton Curry recipe by Shraddha Juwatkar in Marathi at BetterButter
Cook time: 40 min
Total time: 40 min
Yield: 5
Ingredients: 1/2 किलो मटण; 2 मोठे कांदे उभे चिरून व 1 मोठा कांदा बारीक चिरलेला; 1 टोमॅटो; हिरवी चटणी: 10/12 लसूण पाकळ्या+ 1 इंच आले + 5/6 हिरव्या मिरच्या व मूठभर कोथिंबीर (मिक्सरमध्ये बारीक वाटून घ्यावी); 1/2 वाटी किसलेले सुके खोबरे; 2 टेबलस्पून मालवणी मसाला; 1 टेबलस्पून काश्मिरी मिरची पावडर; 1 टेबलस्पून गरम मसाला पावडर; हळद मीठ व तेल आवश्यकतेनुसार; 2 तेजपत्ता व 1 मोठी ईलायची; पाणी

मटण रस्सा कृती बद्दल

गावात घरोघरी कोंबडी पाळत असल्याने रविवारी चिकन खाल्ले जात असे पण मुंबईला परतताना आजीच्या हातचे चुलीवरचे मटण हमखास बनवले जायचे

साहित्य सर्विंग: 5

1/2 किलो मटण
2 मोठे कांदे उभे चिरून व 1 मोठा कांदा बारीक चिरलेला
1 टोमॅटो
हिरवी चटणी: 10/12 लसूण पाकळ्या+ 1 इंच आले + 5/6 हिरव्या मिरच्या व मूठभर कोथिंबीर (मिक्सरमध्ये बारीक वाटून घ्यावी)
1/2 वाटी किसलेले सुके खोबरे
2 टेबलस्पून मालवणी मसाला
1 टेबलस्पून काश्मिरी मिरची पावडर
1 टेबलस्पून गरम मसाला पावडर
हळद मीठ व तेल आवश्यकतेनुसार
2 तेजपत्ता व 1 मोठी ईलायची
पाणी

सूचना

मटण बारीक करून स्वछ धूवून घ्यावे
मटणाला अर्धी हिरवी चटणी पेस्ट, हळद व काश्मिरी मिरची पावडर चोळून 1 तास झाकून ठेवावे.
उभे चिरलेले कांदे तेलात लालसर भाजून घ्यावे व खोबरेही खमंग भाजून घ्यावे व मिक्सरमध्ये बारीक वाटून घ्यावे.
कुकर मध्ये थोडे जास्तीचे तेल गरम करून त्यात तेजपत्ता व मोठी ईलायची घालून फोडणी द्यावी नंतर त्यात बारीक चिरलेला कांदा लालसर होईपर्यंत चांगला परतून टोमॅटो पण परतून घ्यावे. राहिलेली हिरवी चटणी त्यात घालून व्यवस्थित ढवळून घ्यावे व मालवणी मसाला घालून मटण तेल सुटेपर्यंत पंधरा मिनिटे परतून घेणे.
एका पातेल्यात 2 ग्लास पाणी गरम करत ठेवावे.
मटण परतून झाल्यावर त्यात गरम पाणी घालून मीठ घालावे व झाकण ठेवून 4/5 शिट्या करून घ्याव्या व गॅस बंद करावा .
कुकर थंड झाल्यावर त्यात खोबरयाचे वाटण व गरम मसाला पावडर घालून एक ऊकळी काढावी व कोथिंबीर घालून गॅस बंद करावा .

तत्सम पाककृती