मुख्यपृष्ठ / पाककृती / वांग्याचे भरीत आणि बाजरीचे रोडगे

Photo of Vangyache Bharit & Bajra Roti by Suchita Wadekar at BetterButter
14
2
0.0(0)
0

वांग्याचे भरीत आणि बाजरीचे रोडगे

Nov-30-2018
Suchita Wadekar
0 मिनिटे
तयारीची वेळ
15 मिनिटे
कूक वेळ
4 लोक
सर्व्ह करावे
सूचना वाचा नंतरसाठी सेव करा

वांग्याचे भरीत आणि बाजरीचे रोडगे कृती बद्दल

माझ्या लहानपणी चंपाषष्ठीला आमच्या घरी खंडोबाची तळी भरली जायची. माझी आजी यादिवशी संध्याकाळी खंडोबाला नैवेद्यासाठी वांग्याचे भरीत आणि बाजरीचे रोडगे बनवायची. संध्याकाळी आजूबाजूच्या मुलांना बोलावून आमचे आजोबा खंडोबाची तळी भरायचे, 'येळकोट येळकोट जयमल्हार' ! असा खंडोबाच्या नावाचा गजर करत तळी भरली जायची. तळी भरल्यावर आजोबा वांग्याचे भरीत आणि बाजरीचे रोडगे यांचा नैवेद्य दाखवायचे व बोलावलेल्या सर्व मुलांना एक एक रोडगा प्रसाद म्हणून दिला जायचा. आम्हा सर्व मुलांना हा प्रसाद इतका आवडायचा की बस ! तो प्रसादाचा रोडगा आणि भरीत हातात घेऊन खाण्याची मजाच काही और असायची. आहाहा ! आता आठवलं तरी तोंडाला पाणी सुटते. माझी आजी दोन प्रकारचे भरीत करायची, एक मिठाचे भरीत आणि दुसरे तिखट भरीत. दोन्हीही अप्रतिम लागतात, नक्की करून बघा, तुम्हालाही आवडेल, "वांग्याचे भरीत आणि बाजरीचे रोडगे" !

रेसपी टैग

  • व्हेज
  • सोपी
  • एव्हरी डे
  • महाराष्ट्र
  • मेन डिश
  • हेल्दी

साहित्य सर्विंग: 4

  1. बाजरी पीठ 2 वाटी
  2. पाणी
  3. वांगी 2
  4. एक मध्यम आकाराचा कांदा
  5. कांदा लसूण मसाला 1 चमचा
  6. मीठ आवश्यकतेनुसार
  7. तेल 5 ते 6 चमचे

सूचना

  1. प्रथम वांगी गॅसवर भाजून घ्यावीत.
  2. त्यानंतर ती एका बाऊल मध्ये झाकून ठेवावीत. यामुळे साल पटकन निघते.
  3. पाच मिनिटांनी झाकण उघडून सोलून घ्यावीत.
  4. कांदा बारीक चिरून घ्यावा.
  5. भाजलेली वांगी स्मॅश करून घ्यावीत.
  6. यामध्ये चिरलेला कांदा, मीठ आणि भरपूर तेल घालावे.
  7. आपले मिठाचे वांग्याचे भरीत तैयार ! याचे दोन भाग करावेत.
  8. एका भागात एक चमचा कांदा लसूण मसाला घालावा व चांगले मिक्स करावे. आपले तिखट वांग्याचे भरीत तैयार !
  9. आता बाजरीचे रोडगे करूयात ... बाजरीचे पीठ पाणी घालून मळून घ्यावे
  10. याचे छोटे छोटे गोळे करावेत.
  11. याच्या छोट्या छोट्या भाकरी कराव्यात आणि तव्यावर भाजाव्यात
  12. पाणी लावून पलटी कराव्यात
  13. दोन्ही बाजूने चांगल्या भाजून घ्याव्यात. आपले रोडगे तैयार !
  14. आता हे रोडगे एका ताटात ठेऊन त्यावर मिठाचे आणि तिखटाचे वांग्याचे भरीत ठेवावे.
  15. सर्व्ह करावे "वांग्याचे भरीत आणि बाजरीचे रोडगे"!

रिव्यूज (0)  

आपण या रेसिपीला कसे रेटिंग द्याल? कृपया आपले रिव्यू सबमिट करण्यापूर्वी एक स्टार रेटिंग प्रविष्ट करा.

रिव्यु सबमिट करा

तत्सम पाककृती

A password link has been sent to your mail. Please check your mail.
Close
शेर