Name: Sesame seeds Karanji recipe by Shraddha Juwatkar in Marathi at BetterButter
Cook time: 120 min
Total time: 120 min
Yield: 10
Ingredients: गव्हाचे पीठ - अंदाजे १ वाटी; किसलेले सुके खोबरे 1 कप; तीळ 1 कप; पिठी साखर पाऊण कप; वनस्पती तूप 2 टेबलस्पून; मैदा 2 वाटी; बारीक रवा 2 टेबलस्पून; तेल; सुकामेवा वेलचीची व जायफळ पूड

आजीच्या हातची खुसखुशीत तिळाची करंजी कृती बद्दल

दिवाळीत आमची आई नेहमी पारंपारिक रव्या खोबरयाच्या करंज्या बनवायची पण दिवाळी संपून थंडीची चाहूल लागताच आमची आजी आमच्यासाठी तिळाची करंजी बनवायची. आजीने बनवलेली करंजी इतकी खुसखुशीत असायची अगदी बेकरी मधल्या बिस्किटां सारखी लागायची.

साहित्य सर्विंग: 10

गव्हाचे पीठ - अंदाजे १ वाटी
किसलेले सुके खोबरे 1 कप
तीळ 1 कप
पिठी साखर पाऊण कप
वनस्पती तूप 2 टेबलस्पून
मैदा 2 वाटी
बारीक रवा 2 टेबलस्पून
तेल
सुकामेवा वेलचीची व जायफळ पूड

सूचना

मैदा आणि बारीक रवा व किंचित मीठ एकत्र करून कडकडीत वनस्पती तूपाचे मोहन घालून घट्ट भिजवावे व एक तास झाकून ठेवावे.
कढईत तूप गरम करून गव्हाचे पीठ चांगले खमंग रंग बदले पर्यंत भाजून घ्यावे व बाजूला काढून ठेवावे त्याच कढईत सुके खोबरे चांगले परतून घ्यावे व तीळही परतून घ्यावे आणि सुका मेवा परतून गॅस बंद करावा.
मिश्रण थंड झाल्यावर त्यात पिठी साखर व वेलची जायफळ पूड टाकून एकत्र करून घ्यावे.
एक तासानंतर पीठाचे मध्यम आकाराचे गोळे करावेत. त्याच्या पुऱ्या लाटून ठेवाव्या.
पुरीच्या मध्यावर सारण ठेवून कडेला दूध किंवा पाणी लावून तिची घडी घालावी. कडा एकमेकांवर जोडून बोटानी दाबून चिकटवाव्या.
करंजीच्या चमच्याने आकार देऊन सगळ्या करंज्या करून झाल्यावर तेलात मंद आचेवर सोनेरी रंगावर तळून घ्यावेत