Name: Baby Fenugreek Leaves Veggie recipe by Shraddha Juwatkar in Marathi at BetterButter
Cook time: 20 min
Total time: 20 min
Yield: 6
Ingredients: 10 जुड्या बारीक मेथी; 2 मोठे कांदे; 4/5 हिरव्या मिरच्या; 4/5 लसूण पाकळ्या; 1 टीस्पून जिरे; चिमूटभर हिंग; चवीनुसार मीठ; 1 वाटी ओले खोबरे; 2 टेबलस्पून तेल

बारीक मेथीची भाजी कृती बद्दल

पालेभाज्या ह्या सगळ्याच खाण्यासाठी पौष्टिक असतात.अशीच एक चविष्ट भाजी बारीक मेथी हि वाळूत उगवली जाते व हिवाळ्यात ही भाजी बाजारात दिसते. ह्या भाजीला एक वेगळीच चव असते .

साहित्य सर्विंग: 6

10 जुड्या बारीक मेथी
2 मोठे कांदे
4/5 हिरव्या मिरच्या
4/5 लसूण पाकळ्या
1 टीस्पून जिरे
चिमूटभर हिंग
चवीनुसार मीठ
1 वाटी ओले खोबरे
2 टेबलस्पून तेल

सूचना

भाजीच्या जुड्या मागील बाजूने वाळू असेल तिथून कापून घ्यावात
भाजी धुताना धावत्या पाण्याखाली स्वछ धुवावी. ही भाजी 4/5 वेळा पाण्यातून काढावी. सर्व माती निघून जाते. शेवटी एका चाळणीत घेऊन धुवावी व दहा मिनिटे चाळणीत ठेवून दयावी जेणेकरून जास्तीचे पाणी निघून जाईल.
नंतर भाजी कापून घ्यावी तसेच कांदे व मिरच्या ही बारीक चिरून घ्यावे. लसूण सुध्दा बारीक चिरावा.ओले खोबरे किसून घ्यावे.
कढईत तेल गरम करत ठेवावे व त्यात लसूण, मिरच्या, जिरे व हिंग घालून फोडणी करावी.
कांदे घालून तपकिरी रंगावर परतून घ्यावे
कांदे चांगले परतून झाल्यावर मेथी घालून नीट हलवून घ्यावे.भाजीला पाणी सुटते ते आटे पर्यंत भाजी परतावी. नंतर मीठ घालून झाकण ठेवून एक वाफ काढावी.
वाफ काढून झाल्यावर खोबरे घालून एकदा व्यवस्थित ढवळून गॅस बंद करावा.

तत्सम पाककृती