Name: Dhaba Style Masaledar Tadkewali Dal Khichdi recipe by Manisha Lande in Marathi at BetterButter
Prep time: 5 min
Cook time: 20 min
Total time: 25 min
Yield: 4
Ingredients: १ वाटी मुगाची डाळ; १/२ वाटी तांदूळ; २ मोठे चमचे साजुक तुप; २ मोठे बारीक चिरलेले कांदे; १ मध्यम बारीक चिरलेला टोमॅटो; १ मोठा चमचा आलं-लसुण-हिरवी मिरची पेस्ट; ७ ते ८ कढीपत्याची पानं; २ ते ३ लाल सुक्या मिरच्या; १/२ छोटा चमचा हळद; १ छोटा चमचा लाल तिखट; १ छोटा चमचा धने-जीरे पुड; १/४ छोटा चमचा जिरं; १/४ छोटा चमचा मोहरी; १/४ छोटा चमचा हिंग; १ मोठा चमचा तेल; चवीनुसार मीठ; १ छोटा चमचा बारीक चिरलेली कोथिंबीर

साहित्य सर्विंग: 4

१ वाटी मुगाची डाळ
१/२ वाटी तांदूळ
२ मोठे चमचे साजुक तुप
२ मोठे बारीक चिरलेले कांदे
१ मध्यम बारीक चिरलेला टोमॅटो
१ मोठा चमचा आलं-लसुण-हिरवी मिरची पेस्ट
७ ते ८ कढीपत्याची पानं
२ ते ३ लाल सुक्या मिरच्या
१/२ छोटा चमचा हळद
१ छोटा चमचा लाल तिखट
१ छोटा चमचा धने-जीरे पुड
१/४ छोटा चमचा जिरं
१/४ छोटा चमचा मोहरी
१/४ छोटा चमचा हिंग
१ मोठा चमचा तेल
चवीनुसार मीठ
१ छोटा चमचा बारीक चिरलेली कोथिंबीर

सूचना

प्रथम तांदूळ व मुगाची डाळ २ ते ३ वेळा स्वच्छ धुवून ५ मिनिटे पाण्यात भिजत ठेवले.
प्रेशर कुकर मध्ये भिजवलेले तांदूळ, मुगाची डाळ, हळद व चवीनुसार मीठ घालून तांदूळाच्या दुप्पट गरम पाणी घालुन ३ शिट्ट्या काढून डाळ तांदूळ शिजवून घेतले व नंतर त्यात थोडं पाणी घालुन छान घोटून घेतलं.
कढईत तेल गरम करून तेल तापल्यावर त्यात हिंग, मोहरी, घालुन ते तडतडल्यावर त्यात बारीक चिरलेला कांदा व आलं-लसुण-हिरवी मिरची पेस्ट घालून छान कांदा सोनेरी रंगावर भाजून घेतला.
नंतर त्यात बारीक चिरलेला टोमॅटो, लाल तिखट व धने-जीरे पुड घालून सर्व छान एकजीव करून तेल सुटेपर्यंत परतून घेतलं.
नंतर त्यात घोटलेली डाळ-तांदूळाची खिचडी घालून छान एकजीव करून मंद आचेवर वाफ येईपर्यंत शिजत ठेवली.
एका भांड्यात तुप गरम करून त्यात जिरं, लाल सुक्या मिरच्या, व कढीपत्याची पानं घालुन फोडणी छान खमंग होईपर्यंत गरम केली.
तयार फोडणी खिचडीवर घालून सर्व छान एकजीव करून घेतले.
तयार खिचडी सर्व्हींग डिशमध्ये काढून वरून बारीक चिरलेली कोथिंबीर व फोडणीची लाल सुकी मिरची ठेवून गरमागरम सर्व्ह केली.
"ढाबा स्टाईल मसालेदार तडकावाली डाळ खिचडी" खाण्यासाठी तयार.

तत्सम पाककृती