हिरव्या मूगाची भाजी

मूग सकाळी पाण्यात भिजत ठेवावे. नंतर संध्याकाळी पाणी काढून टाका सुती कापडात भिजलेले मूग रात्रभर घट्ट बांधून ठेवावे. मोड यायला साधारण १० तास तरी लागतील.

सकाळी मूग स्वछ धूवून त्यात बटाटा कापून घालावा व कुकरला दोन शिट्ट्या काढून घेणे.

कढईत तेल गरम करून. मोहोरी,जिरे, हिंग, कढीपत्ता घालून फोडणी करावी. लसूण आणि कांदा नीट परतून घ्यावा. 

कांदा छान परतला कि टोमॅटो, हळद व संडे मसाला घालून मीठ घालावे आणि नीट मिक्स करावे. नंतर त्यात वाटण घालून तेल सुटेपर्यंत परतून घ्यावे व मूग व बटाटे घालून मध्यम आचेवर झाकण ठेवून वाफ काढावी.