कच्या पपईचा हलवा

कच्या पपईचा हलवा कृती बद्दल

न्याहारीसाठी आपण वेगवेळ्या प्रकारचे शिरा ,हलवा बनवतो ...हा कच्च्या पपईचा हलवा ...ती खूपच लाजरी बुजरी ....म्हणूनच कि काय ती अशीच पानांच्या मागे लपून बसलेली ......तरीही येणाऱ्या जाणाऱ्या प्रत्येकाची तिच्यावर नजर जायचीच .....माझं लक्ष होतंच तिच्यावर ..... बस पुरे झालं दुरून दुरून पाहणं ...... आता हिला घरी आणायचंच आणि छान  "हलवा " बनवायचा .....मग काय एकाच क्षणात एकदा लेफ्ट एकदा राईट बघितलं ....ना आव देखा ना ताव .....आणि तोडून किचनमध्ये बसवलं ..... अहो झाड जरी माझ्याच घरचं असलं तरी " कच्ची पपई " तोडायला काळीज वाघाचं लागतं ......कारण सर्वाना माहिती असतं .पपईचा वर्तमान जरी सफेद असला तरी भविष्य मात्र गोड गोड  असतं ..... मग काय बच्चे कंपनीपासून ते मोठे कंपनीपर्यंत सगळे जाताना येताना एक तरी कटाक्ष टाकूनच जातात ... पण सहजासहजी मिळणाऱ्या वस्तूपेक्षा ....काहीतरी थ्रिल करून मिळवलेलं यश  .......जास्तच गोड वाटतं ......एक वेगळाच फील असतो त्यात .....आता हेच   बघा ना ! आपल्याच घरच्या कैऱ्या तोडायच्या असल्या तरी बारीक प्लॅनिंग करावं लागतं ....जसं की भर दुपारची वेळ ......आई झोपलेली .....बाबा ऑफिसला गेलेले ....भांडी घासणारी बाई नुकतीच गेलेली ......नाहीतर आपण कैऱ्या तोडायच्या आणि तिने  ऐनवेळी  तेव्हाच एन्ट्री करायची ....याला दुग्ध लिंबू योग म्हणतात .....हा योगायोग टाळण्यासाठी .....टाइमिंगला खूप महत्व आहे ....भरीत भर ......तिला दिसल्यावर ती पण हिस्सा मागेल ना....तोंड बंद ठेवायला ....  सगळ्याला जवाबदार मेली जालीम  जीभ असते ....ती नको ते प्रयोग करायला लावते ....चिंचेचं झाड दिसलं .,..असं वाटतं त्या दुरून मला बघून  खिदळतात .....चिडवतात .....घे ...घे ...हात नाही ना ...पोहचत ....मनावर दगड ठेवून .....खालचा दगड नकळत उचलल्या जातो आणि थेट शेंड्यावरचा   झुबका माझ्या ओंजळीत येऊन पडतो  ....यात माझी काय चूक आहे हो ?....."जालीम जीभ के लिये "काय काय  कारभार  करणे पडते है .....