Hyderabadi Haleem

கோதுமையினை இரவே ஊற வைக்கவும். மற்ற பருப்பு வகைகளை காலை ஒரு மணி நேரம் ஊற வைக்கவும். நன்றாக ஊறிய பிறகு பருப்பு வகைகள் மற்றும் கோதுமையினை அலசி குக்கரில் 8 கப் தண்ணீர் விட்டு நன்றாக மசிய வேக வைக்கவும்.

மற்றும் ஒரு குக்கரில் கால் கப் நெய் ஊற்றி மட்டன் , பச்சை மிளகாய், சிறுது புதினா மல்லி மற்றம் மசாலாத்தூள் வகைகளை ஒன்றாக கலந்து இரண்டு கப் தண்ணீர் ஊற்றி மட்டன் வேகும் வரை வைக்கவும்

பிறகு வேறு ஒரு கனமான பாத்திரத்தில் சிறுது நெய் ஊற்றி அதில் வேக வைத்த மட்டன் மற்றும் பருப்பு கலவையினை சேர்க்கவும். கலவை திக்காக இருக்க வேண்டும். தேவைக்கு அரை கப் அல்லது ஒரு கப் தண்ணீர் ஊற்றலாம் . நன்றாக கலந்து விடவும். குறைந்த தணலில் குறைந்தது மூன்று மணி நேரம் குறைந்த தணலில் சமைக்கவும். பத்து நிமிடங்களுக்கு ஒரு முறை அடி படிக்காமல் கிளறி கொண்டே இருக்கவும்.

இதே நேரத்தில் மற்றும் ஒரு வாணலியில் மீதியிருக்கும் நெய் ஊற்றி அதில் நீட்டமாக மெலிதாக நறுக்கிய வெங்காயத்தினை சேர்க்கவும். நன்றாக வெங்காயத்தினை பொரிக்கவும். (குறைந்த தணலில் பொரிக்கவும் ) நல்ல பிரவுன் நிறம் வரும் வரை வதக்கவும். கடைசியாக இரண்டு பச்சை மிளகாய் இரண்டாக கீறி அதில் வதக்கி வைக்கவும்.

பொறித்து வைத்த வெங்காயத்தில் பாதி மற்றும் சிறுது எலுமிச்சை சாறை ஹலிமில் சேர்த்து நன்றாக கிளறிவிடவும்

நன்றாக ஹலீம் பேஸ்ட் பதம் வந்த பின்பு அடுப்பினை அணைத்துவிடவும்.

பொறித்த வெங்காயம், வறுத்த முந்திரி பருப்பு சேர்த்து பரிமாறவும்.