Name: Masala kozhukatai recipe by suganya balusamy in Tamil at BetterButter
Prep time: 480 min
Cook time: 30 min
Total time: 510 min
Yield: 5
Ingredients: காய்ந்த பட்டாணி - 1 கப்; பெரிய வெங்காயம்(நறுக்கியது) - 1/2 கப்; கறிவேப்பிலை - சிறிதளவு; தக்காளி(நறுக்கியது) - 1/4 கப்; கேரட்(துருவியது) - 1/2 கப்; எண்ணெய் - 2 மேசைக்கரண்டி; கடுகு - 1 தேக்கரண்டி; கடலைப்பருப்பு- 1 தேக்கரண்டி; பெருங்காயத்தூள் - சிறிதளவு; கொத்துமல்லித்தழை(நறுக்கியது)- சிறிதளவு; அரைப்பதற்கு:; துருவிய தேங்காய் - 3 மேசைக்கரண்டி; பூண்டு - 2; இஞ்சி - ஒரு சிறிய துண்டு; பச்சை மிளகாய் - 4; கசகசா - 1/2 தேக்கரண்டி; மேல்மாவுக்கு:; அரிசி மாவு - 1 3/4 கப்; உப்பு - 1 தேக்கரண்டி; எண்ணெய் - 2 மேசைக்கரண்டி; கொதிக்க வைத்த தண்ணீர் - 1 1/2 கப்

காய்ந்த பட்டாணியை 8 மணி நேரம் ஊற வைக்கவும்.குக்கரில் மூழ்கும் அளவு தண்ணீர் ஊற்றி சிறிது உப்பு சேர்த்து 4-5 விசில் விடவும்.

கடாயில் எண்ணெய் விட்டு கடுகு,கடலைப்பருப்பு மற்றும் பெருங்காயத்தூள் பொரிக்க விடவும்.

பெரிய வெங்காயம்,கறிவேப்பிலை,தக்காளி சேர்த்து நன்கு வதக்கவும்.அரைக்க கொடுத்தவற்றை சிறிது தண்ணீர் சேர்த்து அரைத்து கடாயில் பச்சை வாசனை போகும் வரை வதக்கவும்.

வேக வைத்து மசித்த பட்டாணி,உப்பு கடாயில் சேர்த்து 5 நிமிடங்கள் வதிக்கவும். கேரட்,கொத்துமல்லித்தழை தூவி அடுப்பை அனைக்கவும்.

அரிசி மாவு,எண்ணெய்,உப்பு,கொதிக்க வைத்த தண்ணீர் சிறிது சிறிதாக சேர்த்து பூரி மாவு பதத்திற்கு பிசையவும்.

பட்டாணி கலவையை அரிசி மாவிற்குள் வைத்து விருப்பட்ட வடிவில் உருட்டி ஆவியில் வேக விடவும்.