Name: South Indian meal recipe by Surya Rajan in Tamil at BetterButter
Prep time: 10 min
Cook time: 45 min
Total time: 55 min
Yield: 2
Ingredients: சாம்பார் செய்வதற்கு; துவரம்பருப்பு ஒரு கப்; தக்காளி பெரியது ஒன்று; சின்ன வெங்காயம் 4; பூண்டு-10 பல்; முருங்கைக்காய் 1; பீன்ஸ் 4; கேரட் ஒன்று; உருளைக்கிழங்கு ஒன்று; மஞ்சள் தூள் சிறிதளவு; சாம்பார் தூள் ஒரு ஸ்பூன்; உப்பு தேவையான அளவு; தேங்காய் எண்ணெய் 2 ஸ்பூன்; கடுகு அரை ஸ்பூன்; சீரகம் அரை ஸ்பூன்; பெருங்காயத்தூள் சிறிதளவு; ரசம் செய்வதற்கு; புளி நெல்லி அளவு; உப்பு தேவையான அளவு; மஞ்சள் தூள் சிறிதளவு; பூண்டு 5 பல்; சீரகம் அரை ஸ்பூன்; மிளகு அரை ஸ்பூன்; கடுகு அரை ஸ்பூன்; தேங்காய் எண்ணெய் ஒரு ஸ்பூன்; கருவேப்பிலை கொத்தமல்லி சிறிதளவு; பெருங்காயத்தூள் சிறிதளவு; தக்காளி ஒன்று; உருளைக்கிழங்கு பொறியல் செய்வதற்கு; உருளைக்கிழங்கு 3

சாம்பார் செய்வதற்கு

பிரஷர் குக்கரில் துவரம் பருப்பு தேவையான தண்ணீர் சின்ன வெங்காயம் தவிர மற்ற காய்கறிகள் அனைத்தையும் சேர்த்து 5 நிமிடம் வேக வைத்து எடுத்துக் கொள்ளவும்

கடாயில் எண்ணெய் விட்டு கடுகு சீரகம் சின்ன வெங்காயம் கறிவேப்பிலை தாளிக்கவும்

பின் அதனுடன் சாம்பார் தூள் சேர்த்து கிளறி அடுப்பை ஆப் செய்யவும்

வேக வைத்த பருப்புடன் மேற்கூறிய கலவையை சேர்த்து கலந்து மஞ்சள்தூள் உப்பு பெருங்காயத்தூள் சேர்த்து 2 நிமிடம் கொதிக்க விடவும்

பின் கொத்தமல்லி தழை சேர்த்து அடுப்பை ஆப் செய்யவும்

ரசம் செய்வதற்கு

புளி 15 நிமிடம் ஊற வைத்து எடுத்துக் கொள்ளவும்

சீரகம் பூண்டு மிளகு ஆகியவற்றை நன்கு அரைத்து வைத்துக் கொள்ளவும்

கடாயில் எண்ணெய் விட்டு கடுகு கறிவேப்பிலை தாளிக்கவும்

பின் பொடியாக நறுக்கிய தக்காளி சேர்த்து வதக்கவும்

தேவையான உப்பு மஞ்சள் தூள் இடித்து வைத்துள்ள சீரகம் பூண்டு மிளகு சேர்த்து வதக்கவும்

பின் புளித் தண்ணீர் சேர்த்து கொதிக்கவிட்டு கொத்தமல்லித்தழை சேர்த்து அடுப்பை ஆப் செய்யவும்

உருளைக்கிழங்கு பொறியல் செய்வதற்கு

உருளைக் கிழங்கினை பிரஷர் குக்கரில் போட்டு தேவையான தண்ணீர் ஊற்றி 10 நிமிடம் வேக வைத்து எடுத்துக் கொள்ளவும்

பின்னர்தான் தோல் நீக்கி சிறிய துண்டுகளாக்கிக் கொள்ளவும்

கடாயில் எண்ணெய் விட்டு கடுகு சோம்பு கருவேப்பிலை சேர்க்கவும்

பின் இஞ்சி பூண்டு விழுது சேர்த்து வதக்கவும்

பின் பொடியாக நறுக்கிய உருளைக்கிழங்கு மிளகாய் தூள் உப்பு சேர்த்து கிளறவும்

சேமியா பாயாசம் செய்வதற்கு

வெறும் வாணலியில் சேமியாவை 2 முதல் 3 நிமிடம் வறுத்து எடுத்துக் கொள்ளவும்

ஒரு கடாயில் நெய் விட்டு முந்திரி கிஸ்மிஸ் வறுத்து கொள்ளவும்

சேமியாவுடன் தேவையான பால் தண்ணீர் சேர்த்து 3 நிமிடம் வேக விடவும்

பின் தேவையான வெல்லம் அல்லது சர்க்கரை சேர்த்து கலக்கவும்

பின் நெய்யில் வறுத்த முந்திரி கிஸ்மிஸ் சேர்க்கவும்

ஆம்பளை செய்வதற்கு ஒரு பாத்திரத்தில் முட்டை பொடியாக நறுக்கிய வெங்காயம் மிளகுத்தூள் உப்பு சேர்த்து கலந்து கொள்ளவும்

பின்பு தோசைக்கல்லை சூடாக்கி சிறிதளவு எண்ணெய் விட்டு மாவை போடவும்

சப்பாத்தி செய்வதற்கு கோதுமை மாவுடன் சிறிதளவு உப்பு 1 ஸ்பூன் தேங்காய் எண்ணெயில் சிறிது சிறிதாக சேர்த்து பிசைந்து கொள்ளவும்

10 நிமிடம் கழித்து சிறிய உருண்டைகளாக்கி சப்பாத்தியாக தேய்த்து சூடான தோசைக்கல்லில் போட்டு இருபுறமும் வேகவிட்டு எடுக்கவும்

இனி தயார் செய்த சாதம் சாம்பார் ரசம் உருளைக்கிழங்கு பொரியல் சேமியா பாயாசம் ஆகியவற்றுடன் தயிர் நெய் பருப்பு பொடி ஆகியவற்றையும் பரிமாறவும் அல்லது அவற்றைத் தனித்தனி பாக்ஸில் வைக்கவும்