Name: Bitterguard pickle recipe by Umamaheswari Chellamuthu in Tamil at BetterButter
Prep time: 1440 min
Cook time: 30 min
Total time: 1470 min
Yield: 10
Ingredients: பாவக்காய் -2; நல்லெண்ணெய் -100 கிராம்; மிளகாய் தூள் -காரத்திற்கு ஏற்ப; வெந்தைய பவுடர் -2 டீ ஸ்பூன்; பெருங்காய பவுடர் -1 டீ ஸ்பூன்; கடுகு -1 ஸ்பூன்; கல் உப்பு -சுவைக்கேற்ப.; வினிகர் -150 ml

பாவக்காய் ஊறுகாய் செய்முறை பற்றி

பாவக்காய் என்றாலே கசப்பு என்று பல பேர் அதை தொடுவதே இல்லை.ஆனால் ,பாவக்காயின் கசப்பு தன்மை உடம்பிற்கு பல்வேறு வகையில் பயனுள்ள அருமருந்து .இந்த பாவக்காய் ஊறுகாய் செய்வதும் மிக சுலபம் .தவிர ,நாள் பட கசப்பு என்பதே சிறிதும் இருக்காது.

வழிமுறைகள்

பாவக்காயை நன்றாக கழுவி துடைத்து விட்டு அதை நறுக்கி உள்ளிருக்கும் விதைகளை நீக்கி விட்டு பொடிபொடியாக நறுக்கி கொள்ளவும் .அதை ஈரம் இல்லாத ஒரு பாத்திரத்தில் விட்டு அதோடு கல் உப்பை சேர்த்து நன்றாக பிசைய வேண்டும்.
ஒரு 10 நிமிடங்கள் கையால் பிசைந்து விட்டு ,அதை அப்படியே ஒரு நாள் மூடி போட்டு வைத்து விட வேண்டும் .கண்ணாடி பாட்டிலில் போட்டு வைத்தல் மிக நல்லது.
மறுநாள் ,ஒரு கனமான வாணலியில் எண்ணெய் விட்டு காய்ந்ததும் ,அதில் கடுகை போட்டு பொரிய விடவும் .
அடுப்பை சிம்-இல் வைத்து அதில் பெருங்காய தூள் ,வெந்தைய தூள் இவற்றை போட்டு பொரிந்ததும் அதில் மிளகாய் தூள் போட வேண்டும். மறு நிமிடமே ஊற வைத்துள்ள பாவக்காயை போட்டு சில நிமிடம் நன்றாக வதக்க வேண்டும்.
பாவக்காய் ஒரு அளவு வதங்கியதும் ,அதில் வினிகரை ஊற்றவும்.
அடுப்பை சிம்-இல் வைத்து வினிகர் வற்றும் வரை நன்றாக கிளறி கொண்டே இருக்க வேண்டும்.
வினிகர் முழுவதும் வற்றி எண்ணெய் ஊறுகாயில் இருந்து பிரிந்து வர தொடங்கும். நன்கு ஊறுகாய் பதத்திற்கு வந்ததும் ,அடுப்பில் இருந்து இறக்கி ,ஆறவைத்து மீண்டும் கண்ணாடி பாட்டிலில் போட்டு வைக்கவும்.
இரண்டு அல்லது மூன்று நாட்கள் ஊறியதும் எடுத்து உபயோக படுத்தலாம்.

ஒருவகைப்பட்ட செய்முறைகள்