சாளைமீன் முருங்கைக்காய் குழம்பு | Sardines drumstick curry in Tamil

எழுதியவர் Asiya Omar  |  25th Nov 2018  |  
0 from 0 ரிவியூஸ் மதிப்பீடு செய்
  • Sardines drumstick curry recipe in Tamil,சாளைமீன் முருங்கைக்காய் குழம்பு, Asiya Omar
சாளைமீன் முருங்கைக்காய் குழம்புAsiya Omar
  • ஆயத்த நேரம்

    10

    நிமிடங்கள்
  • சமைக்கும் நேரம்

    20

    நிமிடங்கள்
  • பரிமாறும் அளவு

    2

    மக்கள்

1

0

சாளைமீன் முருங்கைக்காய் குழம்பு recipe

சாளைமீன் முருங்கைக்காய் குழம்பு தேவையான பொருட்கள் ( Ingredients to make Sardines drumstick curry in Tamil )

  • சாளை மீன் -6
  • முருங்கைக்காய் -1
  • வெங்காயம் -1
  • பூண்டு பற்கள் -4
  • தக்காளி -1
  • பச்சை மிளகாய் -2
  • கருவேப்பிலை -1 இணுக்கு
  • புளிக்கரைசல் பெரிய நெல்லியளவு புளியில்
  • மிளகாய்த்தூள் -1 தேக்கரண்டி
  • சீரகத்தூள் -1/2 தேக்கரண்டி
  • மஞ்சள் தூள் -1/4 தேக்கரண்டி
  • நல்லஎண்ணெய் -2 மேஜைக்கரண்டி
  • கடுகு -1/2 தேக்கரண்டி
  • வெந்தயம் -1/4 கால் தேக்கரண்டி
  • உப்பு - தேவைக்கு.

சாளைமீன் முருங்கைக்காய் குழம்பு செய்வது எப்படி | How to make Sardines drumstick curry in Tamil

  1. மீன் சுத்தம் செய்து எடுத்து வைக்கவும்.வெங்காயம் பூண்டு சேர்த்து கொரகொரப்பாக அரைத்து வைக்கவும். தக்காளியும் அரைக்கவும்.
  2. ஒரு மண்சட்டியில் எண்ணெய் கடுகு,வெந்தயம் சேர்த்து வெடிக்கவும்,கருவேப்பிலை சேர்த்து ,பச்சை மிளகாய்,அரைத்த வெங்காயம் பூண்டை சேர்த்து நன்கு வதக்கவும்.
  3. அடுத்து தக்காளி விழுது சேர்த்து உப்பும் சேர்த்து பச்சை வாடை மடங்க விடவும்.
  4. அடுத்துமேற் சொன்ன மசாலா தூள் வகைகள் சேர்க்கவும் .புளி கரைத்து வைக்கவும்.
  5. மசாலா சேர்த்து பிரட்டி புளிக்கரைசல் சேர்க்கவும்.நன்கு கொதிக்க வேண்டும்.
  6. முருங்கைக்காய் சேர்த்து மூடி வேக விடவும்.முருங்கைக்காய் தனியாக வேகவிட்டும் சேர்க்கலாம்.
  7. மீன் சேர்க்கவும் .கொதி வரும்.அகப்பை போடமல் சட்டியை அசைத்து கலந்து விடவும்.
  8. முருங்கைக்காய் வெந்து மீன் போட்டு 5 நிமிடம் கழித்து அடுப்பை அணைக்கவும்.
  9. சுவையான சூப்பரான மீன் குழம்பு தயார்.
  10. குழம்பு கெட்டியாக இப்படி இருக்க வேண்டும்.
  11. சூடான சாதத்துடன் பரிமாறவும்.

எனது டிப்:

வெங்காயம்,தக்காளி பரபரவென்று அரைத்து சேர்ப்பதால் குழம்பு கெட்டியாகஇருக்கும். தேங்காய் அரவைஅல்லதுதேங்காய்பால் சேர்க்கலாம்

Reviews for Sardines drumstick curry in tamil (0)

சமைத்து,அதன் படத்தை ஷேர் செய்யுங்கள்.