புடலங்காய் பாசிப்பருப்பு | Snakegourd dal in Tamil

எழுதியவர் Asiya Omar  |  14th Dec 2018  |  
0 from 0 ரிவியூஸ் மதிப்பீடு செய்
  • Snakegourd dal recipe in Tamil,புடலங்காய் பாசிப்பருப்பு, Asiya Omar
புடலங்காய் பாசிப்பருப்புAsiya Omar
  • ஆயத்த நேரம்

    15

    நிமிடங்கள்
  • சமைக்கும் நேரம்

    20

    நிமிடங்கள்
  • பரிமாறும் அளவு

    4

    மக்கள்

0

0

புடலங்காய் பாசிப்பருப்பு recipe

புடலங்காய் பாசிப்பருப்பு தேவையான பொருட்கள் ( Ingredients to make Snakegourd dal in Tamil )

  • புடலங்காய் - 1/4 கிலோ
  • பாசிப்பருப்பு -50 கிராம்
  • மஞ்சள் தூள் -1/4 தேக்கரண்டி
  • மிளகாய்த்தூள் -1/4 தேக்கரண்டி
  • சீரகத்தூள் -1/2 தேக்கரண்டி
  • பூண்டு பற்கள் -4
  • நறுக்கிய பெரிய வெங்காயம் -1/2
  • உப்பு தேவைக்கு.
  • அரைக்க:-
  • தேங்காய்த்துருவல் -3 மே.க
  • பச்சை மிளகாய் -1
  • தாளிக்க:-
  • எண்ணெய் -1 மே.க
  • கடுகு -1 /2 தேக்கரண்டி
  • கிள்ளிய மிளகாய்வற்றல் -1
  • கருவேப்பிலை -2 இணுக்கு
  • வெங்காயம் -1/2

புடலங்காய் பாசிப்பருப்பு செய்வது எப்படி | How to make Snakegourd dal in Tamil

  1. பருப்பு லேசாக மணம் வரும் படி வறுத்து,நீர் விட்டு சிறிது ஊற வைக்கவும். புடலங்காயை பாதியாக வெட்டி நடுவில் உள்ள விதைகள் எடுத்து விட்டு நறுக்கி வைக்கவும்.
  2. வெங்காயம் நறுக்கி வைக்கவும்.தேங்காய் மிளகாய் அரைத்து எடுக்கவும்.
  3. பருப்புடன் தேவைக்கு இரண்டு கப் தண்ணீர் சேர்த்து வேக வைக்கவும். நறுக்கிய வெங்காயம், பூண்டு, மிளகாய்த்தூள், மஞ்சள் தூள்,சீரகத்தூள் சேர்க்கவும். பாசிப் பருப்பு அரை வேக்காட்டில் வெந்து வரும் பொழுது புடலங்காய் சேர்த்து வேக விடவும்.
  4. புடலங்காய் சேர்த்து வெந்த பின்பு உப்பு சேர்க்கவும்.
  5. அடுத்து கொர கொரப்பாக அரைத்த தேங்காய் மிளகாய் விழுது சேர்க்கவும்.
  6. ஒன்று சேர்த்து பிரட்டி கொதிக்க விடவும்.பின்பு தாளிப்பு கரண்டியில் எண்ணெய் சூடானவுடன் கடுகு,வற்றல்,கருவேப்பிலை தாளித்து,வெங்காயம் சிவற வதக்கி கொட்டவும்.
  7. சுவையான புடலங்காய் பாசிப்பருப்பு தயார்.
  8. சூடான சாதம் சப்பாத்தியுடன் பரிமாறலாம்.

எனது டிப்:

தாளிக்க தேங்காய் எண்ணெய் சேர்க்கலாம்.பாசிப்பருப்பு பதில் கடலைபருப்பும் சேர்த்து செய்யலாம்.

Reviews for Snakegourd dal in tamil (0)