வீடு / சமையல் குறிப்பு / " சாளை மீன் மிளகு கறி "
" சாளைமீன் மிளகு கறி" தேவையான பொருட்கள் சாளைமீன் -10 குடம் புளி - 3 பெரிய வெங்காயம் - 1 தக்காளி -2 பச்சை மிளகு - 2 கறிவேப்பிலை - 2 தண்டு மஞ்சள் பொடி - 1/4 டீஸ்பூண் மிளகு பொடி - 2 டேபிள் ஸ்பூண் மல்லி பொடி - 3 டேபிள் ஸ்பூண் பெருஞ்சீரக பொடி - 1 டேபிள் ஸ்பூண் பெப்பர் பொடி - 1டீ ஸ்பூண் உப்பு தேவைக்கு தாளிக்க எண்ணை கடுகு - 1 டீ ஸ்பூண் வெந்தயம் - 1 டீ ஸ்பூண் செய்முறை 1. மீனை நன்றாக கழுவி சுத்தம் செய்யவும். 2.குடம் புளியை அரை கப் தண்ணீரில் ஊற போடவும். 3.வெங்காயம், தக்காளி, பச்சை மிளகை நறுக்கிக் கொள்ளவும். 4.மிக்ஸியின் சிறிய ஜார் எடுத்து அதில் நறுக்கிய வெங்காயம், தக்காளி, பச்சைமிளகு, மஞ்சள்,மிளகு, மல்லி,பெப்பர், பெருஞ்சீரகப் பொடிகளையும் சேர்த்து சிறிது தண்ணீர் விட்டு நன்றாக பேஸ்ட் பருவத்தில் அரைத்துக் கொள்ளவும். 5.அரைத்த மஸாலாவுடன் ஒன்றரை கப் தண்ணீரும் ,தேவைக்கு உப்பும் சேர்த்து கலக்கி வைக்கவும். 6.மண் சட்டி அடுப்பில் வைத்து எண்ணை விட்டு சூடானதும் கடுகு, வெந்தயம் இட்டு தாளிக்கவும். வெந்தயம் சிவந்து வரும்போது கறி வேப்பிலை சேர்க்கவும். கலக்கி வைத்திருக்கும் மஸாலாவை அதில் சேர்க்கவும். ஊற வைத்திருக்கும் குடம் புளியை அந்த தண்ணீருடன் மஸாலாவுடன் சேர்த்து சட்டியை மூடி வைத்து மஸாலாவை நன்றாகக் கொதிக்க விடவும். கொதித்த உடன் மீனை மஸாலாவில் சேர்க்கவும். கறியில் கரண்டி போடக்கூடாது.போட்டால் மீன் பொடிந்து விடும்.இரண்டு கையால் சட்டியைப் பிடித்து கறக்கிக் கொடுக்கவும். 7.தண்ணீர் வற்றி மஸாலா நன்றாக இறுகி எண்ணை தெளிந்து வரும் போது இறக்கவும்.
இந்த செய்முறையை எப்படி மதிப்பிடுவீர்கள்? உங்கள் பரிசீலனைக் சமர்ப்பிக்கும் முன், தயவுசெய்து நட்சத்திர மதிப்பீட்டுடன் சேர்க்கவும்.
மீள்பார்வை சமர்ப்பிப்பிக்க