முந்திரி கொத்து

சிறுபயறு, உளுந்து, புழுங்கல் அரிசி, துருவிய தேங்காய், இவை அனைத்தையும் நன்றாக வறுக்கவும். ஏலக்காய், கருப்பு எள் இவற்றை லேசாக வறுக்கவும்.

எள்ளைத் தவிர வறுத்த மற்ற அனைத்தையும் கொரகொரப்பாக பொடிக்கவும். பொடித்த பின் கறுப்பு எள்ளைச் சேர்த்து கலந்து வைக்கவும்.

ஒரு வாணலியில் வெல்லம் சேர்த்து மூழ்கும் வரை தண்ணீர் ஊற்றி, நன்றாக கொதிக்க வைக்கவும். பின்னர் வடிகட்டி, மீண்டும் ஓட்டும் பதம் வரும் வரை பாகு காய்ச்சவும். கம்பி பதம் தேவையில்லை.

கலந்து வைத்த பொடியைக் கொஞ்சம் கொஞ்சமாக பாகில் ஊற்றி கிண்டவும். அடுப்பை அணைக்கவும்.

பின்னர் கையில் நெய் தடவி, கலவை சூடாக இருக்கும் போதே உருண்டைகள் பிடிக்கவும். உருண்டைகளை குறைந்தது 1 மணி நேரம் ஆற விடவும். அதற்குள் நன்றாக இறுகி விடும். இந்த உருண்டைகளை அப்படியே கூட குழந்தைகளுக்கு சாப்பிட கொடுக்கலாம். அருமையாக இருக்கும்.

இனி மேல்மாவு செய்ய வேண்டும். அதற்கு, முதலில், 2-3 மணி நேரம் ஊற வைத்த பச்சரிசியை நன்றாக அரைக்கவும்.

முட்டையை நன்றாக அடித்து பச்சரிசி மாவில் சேர்க்கவும். பின்னர், உப்பு, மஞ்சள் தூளும் சேர்த்து நன்றாக கலக்கவும். கொஞ்சம் திக்காக இருப்பது முக்கியம். உருண்டைகளைத் தோய்த்தால் நன்றாக ஓட்ட வேண்டும். அது தான் சரியான பதம். தேவைப்பட்டால் சிறிது அரிசி மாவும் சேர்க்கலாம். மேல்மாவு தயார்.

இனி, அடுப்பில் எண்ணெய் காய வைத்து, உருண்டைகளை மேல் மாவில் முக்கி பொரித்து எடுக்கவும். ஆறியதும் டப்பாவில் போட்டு வைத்தால் ஒன்றிரண்டு மாதங்கள் வரை கெடாது. அருமையான முந்திரி கொத்து தயார்.

இது கன்னியாகுமரி மாவட்டத்தின் ஸ்பெஷல் உணவாகும். பண்டைய காலம் முதல் இப்போது வரை, குறிப்பாக முஸ்லிம்கள் திருமண விசேஷங்களுக்கு அதிக அளவில் செய்வார்கள்.