கோதுமை ரவை இறைச்சி உப்புமா

மட்டன் கறி செய்ய: குக்கரில் எண்ணெய் ஊற்றி கிராம்பு பட்டை ஏலம் சேர்த்து தாளிக்கவும். பின், வெங்காயம், பச்சை மிளகாய், இஞ்சி பூண்டு விழுது, தக்காளி, எல்லாம் ஒவ்வொன்றாக சேர்த்து வதக்கவும்.

பின்னர் மட்டன், உப்பு, சிறிது தண்ணீர் சேர்த்து கொதித்ததும் மசாலா பவுடர்கள் சேர்த்து, பின் மல்லித்தழை சேர்த்து குக்கரை மூடி வைத்து 8 விசில் வேக வைக்கவும். மட்டன் கறி தயார். (மட்டனுக்கு பதிலாக சிக்கன், பீப் வைத்தும் செய்யலாம்).

உப்புமா செய்ய: கடாயில் எண்ணெய் ஊற்றி, கிராம்பு பட்டை ஏலம் சேர்த்து தாளிக்கவும். வெங்காயம், பச்சை மிளகாய், இஞ்சி பூண்டு விழுது, தக்காளி சேர்த்து நன்றாக வதக்கவும்.

பின், மட்டன் கறியில் உள்ள பீஸ்களை தனியே எடுத்து வைத்து விட்டு, சால்னா மற்றும் தண்ணீரை அளந்து கடாயில் சேர்க்கவும். சால்னா, தண்ணீர் சேர்த்து 2 கப் வர வேண்டும்.

பின்னர் கொதித்ததும், மசாலா பவுடர்கள், உப்பு, கறிவேப்பிலை, துருவிய தேங்காய் சேர்த்து, பின் கொஞ்சம் கொஞ்சமாக ரவையைச் சேர்த்து கை விடாமல் கிளறிக் கொண்டே இருக்கவும் (மட்டன் கறியின் காரத்திற்கு ஏற்ப உப்புமாவில் மசாலா சேர்க்கவும். அதனால் தான் அளவு கொடுக்கவில்லை.)

தண்ணீர் வற்றியதும், மட்டன் பீஸ்களைச் சேர்த்து நன்றாக கிளறவும். பின்னர், மல்லித்தழை, 1/2 டேபிள் ஸ்பூன் நெய்யில் வறுத்த அண்டி கிஸ்மிஸ் சேர்த்து மீண்டும் கிளறவும். இறுதியாக 1 டேபிள் ஸ்பூன் நெய் ஊற்றி கிளறி அடுப்பை அணைத்து விடவும். சூப்பரான கோதுமை ரவை இறைச்சி உப்புமா தயார். இதனுடன் வாழைப்பழம் அல்லது ரைத்தா, மற்றும் இஞ்சி டீ வைத்து பரிமாறுவார்கள்.

இது கன்னியாகுமரி மாவட்டத்தில் காலங்காலமாக இசுலாமிய திருமணங்களில் காலை உணவாகப் பரிமாறப்படும் உணவாகும். வீடுகளிலும் அதிகம் செய்வார்கள்.