Name: Dal poli recipe by saranya sathish in Tamil at BetterButter
Prep time: 180 min
Cook time: 45 min
Total time: 225 min
Yield: 3
Ingredients: மைதா மாவு - 1 கப்; வெல்லம் - 1/2 கப்; தேங்காய் துருவல் - 1/4 கப்; எண்ணெய்; ஏலக்காய்தூள் - 1/4 தேக்கரண்டி; மஞ்சள் தூள் - சிறிது; கடலைப்பருப்பு - 1/2 கப்; உப்பு - 1/4 தேக்கரண்டி; நெய் - சிறிது

மைதா மாவு உப்பு மஞ்சள் தூள் தண்ணீர் சேர்த்து சப்பாத்தி மாவு பதத்திற்கு சற்றே தளர்வாக பிசையவும். பின் எண்ணெய் சேர்த்து 3 மணி நேரம் ஊற வைக்கவும்.

கடலை பருப்பை தனியாக ஒரு மணி நேரம் ஊற வைக்கவும்.

ஒரு பாத்திரத்தில் கடலைப்பருப்பு மற்றும் தண்ணீர் சேர்த்து அடுப்பில் வைக்கவும்.முக்கால் பதத்திற்கு வேக வைத்து தண்ணீரை வடித்து விட்டு சிறிது நேரம் ஆற விடவும்.

நன்றாக ஆறிய பின் தேங்காய் துருவலையும் ஏலக்காய் சேர்த்து மிக்ஸ்சியில் ஒரு சுற்று சுற்றி எடுக்கவும்.

அடுப்பில் ஒரு பாத்திரத்தில் வெல்லத்துடன் தண்ணீர் சேர்த்து பாகு காய்ச்சி வடிகட்டியில் வடித்துக் கொள்ளவும்.

பிறகு அடுப்பில் கடாயை வைத்து வடித்து வைத்துள்ள வெல்லப்பாகை ஊற்றவும். பாகு கொதிக்க ஆரம்பித்ததும் அரைத்து வைத்துள்ள கடலைப்பருப்பு கலவையை சேர்த்து கிளறவும்.

கலவை கெட்டியானதும் அடுப்பை அணைத்து சிறிது நேரம் ஆறவிடவும். ஆறிய பின் சிறு சிறு உருண்டைகளாக உருட்டி வைக்கவும்.

பின் மைதா மாவை உருண்டையாக உருட்டி சிறு சப்பாத்தியாக இடவும்.

நடுவில் பருப்பு வெல்ல உருண்டையை வைத்து மடித்து மீண்டும் சப்பாத்தியாக இடவும்.

பின் தோசை கல்லை சூடு செய்து தேய்த்து வைத்த போளியை நெய் சேர்த்து சுட்டு எடுக்கவும்.