Aloo Gobi Stuffed Karela Curry

ஸ்டப்பிங் செய்ய: உருளைக்கிழங்கை குக்கரில் 10 விசில் வேக வைத்து தோலுரித்து மசிக்கவும். சூடான தண்ணீரில் உப்பு, மஞ்சள் தூள் சேர்த்து காலிபிளவரை 10 நிமிடம் போட்டு மூடி வைத்து வடிகட்டி துருவி கொள்ளவும்.

பாகற்காயை தோல் சீவி உப்பு தண்ணீரில் 1/2 மணி நேரம் போட்டு வைக்கவும். பின்னர் வடிகட்டி அலசிக் கொள்ளவும்.

வாணலியில் எண்ணெய் ஊற்றி மசித்த உருளைக்கிழங்கு, துருவிய காலிபிளவர், உப்பு, மிளகாய் தூள், மஞ்சள் தூள், கரம் மசாலா சேர்த்து சிறிது நேரம் வதக்கவும். ஸ்டப்பிங் தயார்.

பின்னர், பாகற்காயை நுனிகளை மட்டும் விட்டு விட்டு நடுப்பகுதியில் கீறவும். உள்ளிருக்கும் விதை நீக்கி, ஸ்டப்பிங் வைத்து அடைக்கவும். ஸ்டப்பிங் வெளியே வராமல் இருக்க இரு பக்கமும் நூல் வைத்து கட்டவும்.

பின்னர், தோசைக்கல் அல்லது வாணலியில் எண்ணெய் ஊற்றி எல்லா பக்கமும் நன்கு மிருதுவாகும் வரை நிதானமாக பொரிக்கவும். இப்போது பொரித்த பாகற்காய் தயார்.

கறி செய்ய: மீதமுள்ள ஸ்டப்பிங்கை வாணலியில் போட்டு, ஒன்றாக அரைத்த வெங்காயம் தக்காளி, உப்பு, மிளகாய் தூள், மஞ்சள் தூள், மல்லித்தூள், இஞ்சி பூண்டு விழுது, கரம் மசாலா, சிறிது தண்ணீர் எல்லாம் சேர்த்து கலந்து அடுப்பில் வைக்கவும்..

கிரேவி கொதித்து ஓரளவு இறுகியதும், எண்ணெய் ஊற்றி கலந்து அடுப்பை அணைக்கவும்.

பரிமாறும் பாத்திரத்தில் கிரேவியை ஊற்றி, பொரித்த பாகற்காய் மேல் வைத்து, பிரஷ் க்ரீம், கொத்தமல்லித்தழை தூவி பரிமாறவும்.

சூப்பரான உருளை கோபி அடைத்த பாகற்காய் கறி தயார். இது சாதம், வெரைட்டி ரைஸ், டிபன் போன்றவற்றுக்கு நல்ல சைட் டிஷ்.