Wedding breakfast Thali

அரிசி,உளுந்து வெந்தயம் 3 மணி நேரம் ஊற வைத்து பதமாக அரைத்து உப்பு சேர்த்து கரைத்து 8 மணி நேரம் புளிக்க வைக்கவும்

சாம்பாருக்கு:- துவரம் பருப்பை குழைய வேக வைத்து கொள்ளவும். ஒரு பாத்திரத்தில் முருங்கை, சின்ன வெங்காயம் சேர்த்து வதக்கவும். சாம்பார் பொடி, மஞ்சள் தூள் உப்பு சேர்த்து வேகவைத்து பருப்பு சேர்த்து கொதிக்க விடவும். தக்காளி சேர்த்து , புளி கரைசல் ஊற்றி கொதிக்க விடவும். நல்லெண்ணெயில்.கடுகு, சோம்பு+ வெந்தயம் தூள்,பெருங்காயம், கறிவேப்பிலை தாளித்து சேர்க்கவும். கொத்தமல்லி தழை, துருவிய தேங்காய் சேர்த்து அலங்கரிக்கவும். சாம்பார் தயார்

சட்னிக்கு:- ஒரு மிக்ஸியில் துருவிய தேங்காய், பச்சை மிளகாய், இஞ்சி, பொட்டுக்கடலை, உப்பு, தண்ணீர் சேர்த்து அரைத்து கொள்ளவும். கடுகு,கறிவேப்பிலை, பெருங்காயம் தாளித்து கொட்டவும். சட்னி தயார்.

மினி சாம்பார் இட்லி:- மினி இட்லி தட்டுகளில் சிறிது எண்ணெய் தடவி இட்லி வார்த்து கொள்ளவும். வேண்டிய அளவு சாம்பாரில் ஊற வைத்து நறுக்கிய வெங்காயம், கொத்தமல்லி தழை தூவி அலங்கரிக்கவும்

சின்ன வெங்காயம் தோசை:- சின்ன வெங்காயத்தை வட்டதுண்டுகளாக நறுக்கி சீரகம் சேர்த்து பிசறி வைக்கவும் சிறிய ஊத்தப்பம் வார்த்து வெங்காயம் தூவி நன்கு சிவக்க வேக வைத்து கொள்ளவும்

ரவா கேசரி:-நெய்யில் முந்திரி, திராட்சை வறுத்து கொள்ளவும். அதே நெய்யில் ரவை வறுத்து கொள்ளவும். தண்ணீரை கொதிக்க வைத்து ரவை சேர்த்து கிளறி, சர்க்கரை, கேசரி கலர், ஏலக்காய் தூள், வறுத்த முந்திரி திராட்சை சேர்த்து தட்டில் கொட்டி துண்டு போடவும்

வெங்காய பஜ்ஜி:- பெரிய வெங்காயம் தோல் நீக்கி மெலிதான வட்டத் துண்டுகளாக நறுக்கி கொள்ளவும். பஜ்ஜி மாவை பதமாக கரைத்து சூடான எண்ணெயில் பொரித்து எடுக்கவும்

பில்டர் காஃபி:- பாலை நன்கு காய்ச்சி டிகாஷன், சர்க்கரை சேர்த்து நுரைக்க ஆற்றி சூடாக பரிமாறவும்.

தயாரித்த அனைத்து உணவுகளையும் தலை வாழை இலையில் பரிமாறி அசத்தவும்.